«Бала тәрбиесінде мұғалімдер мен ата-аналардың ынтымақтастығы»

«Бала тәрбиесінде мұғалімдер мен ата-аналардың ынтымақтастығы»

Жалпы мақсаты: ата-аналарды пікір айтуға ынталандыру, ортақ шешімді анықтау болашаққа баламын жұмыс істеу міндетін белгілеу, ата-аналармен бетпе-бет кездесе отырып, мектеп пен отбасының бала тәрбиесіндегі ынтымақтастығы зор болу керек екенін, себебі басты құндылық бала білімі, болашағы екенін ұғындыру.

Күтілетін нәтиже; ата-ана тәрбиесі кезінде ата-аналар өз ойларын ашық айтып, интервью береді, ұстаздармен бірлескен қоғамдастық болып жұмыс істейді.

Түйінді идеялар: қарым-қатынас дегеніміз өзімізді басқаларға бейімдеу. Ата-аналар мен ұстаздар қауымы үшін ұрпақ тәрбиелеп, оны қоғам мүддесін жарату-жауапты, әрі күттірмейтін мәселе.

Әдістер: сұрақ-жауап, тренингтер, «Біздің балаларымыз» атты видеофильм, пікірлесу, постер қорғау, ситуациялық сұрақтар, интервью беру, стикерлер толтыру.

Көрнекілігі:

Оқысаң-озарсың, оқымасаң-тозарсың.

Білімдіні бала болса да аға деп біл.

Адамның көркі киімі емес білімі.

Ресурстар: видеофильм, плакаттар, маркерлер, стикерлер. Ата-ана жиналысының әрекеті/уақыты.

I. Ұйымдастыру. Топқа бөлу (5 мин)\

Түрлі-түсті стикерлер арқылы ата-аналарды 3-топқа бөлу.

II. Тренинг «Танысу» (10 мин)

Өздері жайлы қысқа мәлімет береді. Мен Ақеркенің мамасы Альжаннамын, кәсібім-инженер, қызымның кіммен дос екенін, қай пәнді қызыға оқитынын, қандай мәселелері бар екенін білемін, себебі мен балама тек ана ретінде ғана емес, дос, жанашыр ретінде жақынмын.

Мақсаты: Ата-аналар өздерін таныстыру арқылы өз араларында ынтымақтастық атмосферасын құрады.

III. Ағымдағы мәселені зерттеу-10 мин

Сынып жетекшісі Баяхметова Г.Ж сөзі:

1) Қазіргі қоғамда ата-ана баласынан не күтеді? Баласын қалай тәрбиелейді? Ата-ананың бақыты неде?

Баласы ата-анасын қалай бақтты етпек?

Бүгінгі пікірталасымызда Мұзафар Әлімбаевтың мына өлеңімен бастағанда жөн көріп отырмын.

Қипақтайды қит етсе анаң, әкең,

Қайтсем ғана осыны адам етем.

Басқалардың осындай балалары,

Тап осындай жаңғалақ шала ма екен.

Ойым емес, оллаһи, біздікінің...

Енжарлығы елде жоқ алабөтен.

Туа сала тұлпардың жалын тартқан,

Қырғиларға қызығып қарап өтем.

Жарық сыйлап, маңына жылу сыйлап,

Бұл да бір күн алаудай жана ма екен?

Ел қатарлы елеулі еңбек етсе-ау,

Болмаса да топ жарған дара бөтен.

Мүше тістеп мықтылар той жасаса,

Жерге қарап мен сорлы қалар ма екем?

....Үміт пен күдіктің ортасында

Ата-ананың үміті талады екен!

Міне, осылайша өз баласының болашығына алаңдап, «Қайтсем де, баламды адам етем» деген ата-ананың арманы баласымен бірге жасайды екен.

Жас ұрпақты тәрбиелеу жүйелі заман талабына сай қоғамдық өмірде болып жатқан ұлы өзгерістерге байланысты. Қазіргі қоғам жан-жақты үйлесімді жетілген жаңа адамды тәрбиелеуді талап етіп отыр. Қоғам талабы-заман талабы, өйткені әр адам-өз заманының баласы.

2) Жағдаяттар көрінісін көрсету.

1-жағдаят:

Өзінен кішілерге әлімжеттік көрсетіп ақша тартып алу.

2-жағдаят: Баланың сабақтан бес алып келуі.

3-жағдаят: Баланың сабақтан екі алып келуі. «5»-ке ата-анасы қуанады, мақтайды, риза болады.

Бала қуанады, мақтанады, көңіл күйі көтеріледі.

«2»-ге ата-анасы ренжиді, ұрысады, айқайлайды, күйінеді.

Бала қорқады, жылайды, көңіл күйі тұседі, ренжиді.

қолыңнан неге

ештеңе оқымайсың

келмейді Ата-ана

енді еш жерге ақылсызсың

бармайсың

ұятқа қалдырдың

Ата-ана Мұғалім

Сену керек Сену керек

Мақтау керек Мақтау керек

Көмектесу керек Көмектесу керек

Мұғаліммен байланыста Ата-анамен байланыста

болуы керек болуы керек

Сену керек Сенбейміз

Мақтау керек Бірақ Мақтамаймыз

Көмектесу керек Ерінеміз

Байланыста болу керек Уақытымыз жоқ

III. Нәтижеге жетер жолдағы және сыртқы кедергілерді анықтау (20 мин)

4. «Біздің балаларымыз» видеофильмін көрсету

Құрметті ата-аналар, осы видеофильмнен көріп отырғандай балалар қамқорсыз, біздің назарымыздан тыс қалмасын. Қаншама уақытымыз болмай, жұмыстан шаршап жүрсек те, балаларымызға деген махаббаттарымыз ешқашан да азаймасын. Балаларымыздың көңіл-күйлері жайдары, болашағына нық сезіммен қарап, өмірде биіктен көрінуі үшін барлық жағдайды жасап, олардың жетістіктерін мадақтап,қуаныштарының куәгері, себепкері болып жүрейік.Ең басты құндылық- бала, оның болашағы.

IV. Кедергіден шығу жолдарын өңдеу және талдау (15 мин)

5. Постерлер құрау.

I топ. «Бала тәрбиесіндегі мектеп пен отбасының ынтымақтастығы».

II топ «Салт-дәстүр-тәрбиенің маңызды құралы».

III топ «Тату отбасы».

VI. Постерлерді ата-аналардың қорғауы

VII. «Төрт құбылыс» тренингі (3 мин)

Білім неге жеткізеді? (пікірталас).

Білім-ақылға, өнерге, мақсатқа, парасаттылыққа, данышпандылыққа жеткізеді.

VIII. Қорытынды.

- Қатты тәртіп көрсе бала күнінде,

Өнерімен қуантады түбінде.

Бала нені білсе жастан, ұядан-

Өле-өлгенше соны таныр қиядан

Өнер-білім берем десең басынан,

Бер оқуға балаларды жасынан.

Ата-анадан өсіп ұрпақ тараған,

Жақсы-жаман болса бала солардан,-деп Жүсіп Баласағұн айтпақшы, ата-ананың бақыты баланың дұрыс адам болып өсуіне байланысты. Ал балалардың өздеріңізге бақыт сыйлайтын тұлға болып қалыптасуы, ата-аналар, сіздерге байланысты. Осы кезден білім нәріне қанық болған бала түбінде арманға қол жеткізері анық.

Әрбір отбасына күннің шуағындай шаттық, жылылығындай мейірімділік, қуаныш, береке, бақыт тілей отырып, «Бала білімі-арманға апарар жол» атты пікірталасымызды аяқтаймыз.

9. Рефлексия

1. «Екі жүрек, бір тілек стикерлер толтыру»

Ата-аналар жиналысының жетістіктерін жазып,жаңа тілек,лебіздер айтты.

2. Интервью беру

Сатыбалдинова Сапура Сатыбалды қызы ата-аналар атынан интервью берді.Ата-ана жаңа форматта өткен ата-аналар жиналысы өте ұнағанын,топқа бөліп постер қорғағанда,ата-аналардың ұйымшылдықтарының,белсенділігінің артқанын айтты. «Біздің балаларымыз» атты бейнебаян ешкімді де жайбарақат қалдырмағанына тоқталды. Сынып жетекшісі: Баяхметова Г.Ж. осындай пікірталас-жиналыс ұйымдастырып,мектеппен отбасының тығыз байланысуына себепші болғанына ата-аналар атынан алғысын айтты.

Баяхметова Гулсум Жасановна

Абай атындағы №4 лицей- мектебінің орыс тілі мен әдебиеті мұғалімі,

Сәтбаев қаласы Жанпейсова көшесі 22 «В»

Эл.мекен-жайы: [email protected]

Телефон: 8-710-63-3-01-22; 8-777-073-51-76