5 сынып. Ашық тәрбие сағатының тақырыбы: «Қыз анадан үйренбей, өнеге алмас»

Ашық тәрбие сағаты

Тақырыбы: «Қыз анадан үйренбей, өнеге алмас»

Сабақтың эпиграфы:
Ұл әкеден үйренбей, сапар шекпес, қыз шешеден үйренбей, өнеге алмас.
(Қорқыт ата)

Мақсаты: ата - ананың мектеппен байланысын дамыту, анаға деген мейірімді, сүйіспеншілікті

арттыру, үлкенге ізет, кішіге үлгі бола білуге үйрету.Оқушы бойында ізгілік,

инабаттылық,биязылық сияқты қазақ қызына тән жақсы қасиеттерді қалыптастыруға

тәрбиелеу.

Жабдығы: интерактивті тақта, слайдтар, бейнефильм.
Әдісі: сұрақ - жауап, сұхбат, ой қозғау, мәнерлеп оқу, проблемалық сұрақ қоя отырып, іздендіру.
Сабақтың барысы:

Мұғалім:

Алфавиттің А тұрады басында,

Әрқашанда Ә тұрады қасында

Байқадың ба, Б тұрады үшінші

Ал, осының сыры неде?түсінші:

«А»деген ол - аналар ғой ардақты

«Ә»деген ол - әкелер ғой салмақты

«Б» деген ол- балалар ғой әдемі

Біздің елде үшеуі де кәделі.

Алшақ кетпей сондықтан да расында

Тұрады олар алфавиттің басында.

(Ж.Әбдірашев)

Расында да қазақта мынадай жақсы сөз бар: «Әке -асқар тау, ана - бауырындағы бұлақ, бала - жағасындағы құрақ» деген. Сәби үшін ең жақын, ең жылы ұя - ата-ананың алақаны, мейірімі, қайырымдылығы. Бүгінгі ашық тәрбие сағатымыз ана мен қыз арасындағы сыйластыққа арналады.

-- Адам баласының ажары да, бақыты да отбасыдан басталады. Ал отбасы бақыты деген не? Ол адам бойына сырттан келіп сіңетін немесе аспаннан құйылып денеңе жұғатын нәрсе емес қой. Оның да көктеп шығатын тұрағы бар. Адам баласының бақыты, оның тәлімі мен тәрбиесінен қалыптасатын жарқын да адал мінездеріне байланысты. Шындап келгенде, отбасы бақыты ата-аналардың өз қолында деуімізге болады.

І. Ой қозғау. «Шеше көрген тон пішер». Осы мақалды қалай түсінесіздер?

- Иә, «сөз асылы - мақал» деп атам қазақ текке айтпаған ғой. Өйткені бақыт та, нұр да, жыр да, тыныс та - бала. Ал, осы бала бағбаны кімдер? Әрине ата-ана. Жас жеткіншек қашан да ата-ананың ақылы, үлгі-өнегесі арқылы өсіп қалыптасады.

Мінеки, сіздердің жауаптарыңыз арқылы бүгінгі ашық тәрбие сағатымыздың тақырыбы ашылды.

Мұғалім:

Тамызып мақал тілінің

Білімді болсаң жарарсың.

Ұшқыр ой, талап, біліммен

Әлемді жаулап аларсың, - дей келе келесі кезек мақал-мәтел жарысында.

ІІІ кезең. «Сыңарын тап». Мақалдарды жалғастырыңдар.

1. Ауылдан асқан байлық,________ қымбат қазына жоқ. /кітап/

2. Талапсыз жас, Қанатсыз_________. /құс/

3. ________ қылығымен көркем. /қыз/

1. Білім-теңіз,_______ кеме. /мектеп/

2. _______ көңілі балада. /ананың/

3. Сөз тапқанға ________ /қолқа жоқ/

1)Жақсы сөз . /жарым ырыс/

2)Ине көзінен сынады________ /шешен сөзінен сынады/

3)Ала сөйлеп, ұлыққа жаққанша,

Адал сөйлеп, ________/ жұртқа жақ /

1. Балаға өз тіліңмен сөйлеме, / өз тілімен сөйле./

2. Жолдасы жоқ жігіттің / Олжасы жоқ. /

3. Тұр-тұрдан хабар келсе, / ¥йкыдан маза кетеді. /

1. бар үйдің жеңгесі сүйкімді. / Кызы /

2. Екі аяқтыда бажа тату, . / төрт аяқтыда бота тату./

3. Бас жарылса, бөрік ішінде, /Кол сынса, жең ішінде./

1. Өле жегенше, /бөле же./

2. Туа жаман жок, /Жүре жаман бар./

3. Ағаш тамырымен мықты, /Адам досымен мықты.

Әдепті бала ата-анасын мақтар… (әдепсіз бала ата-анасын қақсатар).

1. Әкесі тұрып ұл сөйлегеннен без…(шешесі тұрып қыз сөйлегеннен без).

2. Қарағайға қарап тал өсер… (қатарына қарап бала өсер).

3. Үйінде ұлы-қызы бардың…(көгінде сөнбес жұлдызы бар).

4. Ана сүтін ақтамағанды …(ешкім жақтамайды).

5. Жығылып жатып…(сүрінгенге күлме).

6. Күлме досыңа…(келер басыңа).

7. Әдепті бала арлы бала…(әдепсіз бала сорлы бала).

ІІІ кезең «Сан сұраққа саяхат» деп аталады. Әр түрлі жағдайяттардан шешім таба білу.

(аналар мен балаларға екі бөлек сандардың артында жасырылған сұрақтар бар, солардың ішінен таңдап жауап береді.)

Аналарға арналған:

1. Сіздің үй шаруасымен қолыңыз тимей жатыр еді. Қызыңыз келіп әртүрлі сұрақтармен мазаңызды ала берді. Сіз не істейсіз? Сұрақтарына жауап бересіз бе, алде қолыңыздың тимей жатқанын айтып бетін қайтарасыз ба?

2. Қызыңыз сынып жиналысы болатынын екі күн бұрын ескертті. Бірақ күйбең тіршіліктермен есіңізден шығып кетеді. Қызыңызға бармаганыңызды қалай түсіндіресіз?

3. Сабақтан кейін қызыңыз ескертпестен жолдас қызының үйіне ойнауға барады. Сіздің іздемеген жеріңіз қалмай қатты уайымдап отырғанда қызыңыз келеді. Сіз не істейсіз?

4.Тәрбие ісінде отбасының ролі қандай деп ойлайсыз? (Отбасы ролі өте-мөте күшті. Өйткені отбасы кішігірім мемлекет болып саналады. Егер отбасыда жағдай жақсы болмаса, ешбір қоғамдық ұйым, мектеп, ұстаздар оның орнын баса алмайды.Тек қана жайлы, дұрыс ортадан тәрбиесі дұрыс бала шығады).

5. Ең алдымен қандай тәрбиеге көңіл бөлер едіңіз?(Еңбек тәрбиесіне. Оны балаға жастайынан берген жөн. Себебі «жаста берген тәрбие - жас шыбықты игендей», балаға тез қонады. Баланы еңбексүйгіш етіп тәрбиелесек, болашағы үшін уайымдамаса да болады деп ойлаймын).

6. Сіз мерекелерде қызыңыздың дайын сыйлық бергенін қалайсыз ба? Әлде өз қолынан жасаған (кішкентай болса да мейлі) бір затын сыйлағанын жөн көресіз бе? Неліктен? (Әрине, өз қолынан жасағанды. Өйткені мұндай талпыныс оны кішкентай кезінен-ақ іс-әрекетке, қимылға, еңбек етуге тәрбиелейді).

7. Баланы сенің қолыңнан келмейді, кедергі жасама, теледидар көр, демал деп шеттететін ата-аналарға не айтар едіңіз?(Бұл дұрыс емес дер едім. «Бала тәрбиесі - бесіктен» дейді дана халқымыз. Баланы жасынан іске үйретпеу, еңбекке баулымау - ол ата-ананың балаға жасаған жақсылығы емес, керісінше оның болашағына жасалған үлкен қылмыс, қиянат деп білемін.)

Кешкі ас ішіліп болған соң, ауыз үйде ыдыс-аяқ жуылмай қалды, Өйткені теледидардан бір жақсы фильм басталып кетті. Фильм біткен соң қызыңыз сізге: «шеше, ыдысты таңертең жуа салайыншы» десе, сіз не деп жауап берер едіңіз? Құптайсыз ба?(Қашанда бүгінгі шаруаны ертеңге қалдырма. Ертеңгі күннің жұмысы атар таңмен келеді. Жүр, мен саған көмектесіп жіберемін дер едім. Бұл әрекет баланың бойын еріншектіктен сақтандырады.

Қыздарға арналған

1. Анаңды орынсыз ренжітіп алдың. Сен өзіңнің кінәлі екеніңді біліп тұрсың, Не істейсің?

2.Сен күні бойы ойнап анаңның тапсырмасын орындамадың анаң сенен неге

орындамағаныңды сұрады. Сен не деп жауап бересің?

3.Анаңа көршіңнің үйінде отырыс болатынын анаңа айтуды ұмытып кеттің.Ертесіне көршің

анаңның неге келмегендігін сұрады. Сен не деп жауап бересің?

ІV кезең. «Шешеге қарап-қыз өсер». -өнер сайысы.

Анасы мен қызы өз өнерлерін ортада көрсетеді.