Аналар асыл жандар атты аналар мерекесіне арналған шара

«Аналар асыл жандар» атты аналар мерекесіне арналған шара

Мұғалім сөзі:

Ана - тіршіліктің гүлі, отбасының берекесі, бүкіл адамзаттың тәрбиешісі. Өмірде анаға деген сағыныш, оның ыстық мейірімге толы жылы құшағын аңсамайтын адам бола қоймас. Күннің шуақты сәулесіндей ыстық ана жүрегі, одан туындайтын ананың махаббаты әр перзент үшін. Сондықтан баршамыз ана атына кір келтірмей аялайық.

1-жүргізуші: Армысыздар, аналар, ұстаздар, қыздар! Міне, жыл аралатып көктемнің алғашқы күндерімен келетін 8-наурыз Халықаралық әйелдер күні де келіп жетті. Жер бетіндегі тіршіліктің өзегін келешекке жалғаған, өсер ұрпағына құндақтағы шағынан ізгіліктің дәнін еккен аналар мерекесі бұл.

2-жүргізуші: Қош келдіңіздер, құрметті аналар, біздің мектептің ұстаздар, қыздары! 8-наурыз Халықаралық әйелдер күні мерекесі құтты болсын! Сіздерге әрқашан сыр бермес денсаулық, өмірдің шапағатын тілейміз. Бұл күні өздеріңізге бағытталған тілектер періштенің құлағына шалынсын. Әрдайым мейірім шуағын шашып жүре беріңіздер.

1-жүргізуші:
Ардақты ана, аяулы ана, қымбаттым,
Тәтті ұйқыңды бөліп талай түн қаттың
Өміріме нәрін берді ақ сүтің,
Кең құшағың аясындай гүл бақтың.
Ер жеткізіп елге берген баласын,
Ақылдысың, ардақтысың, данасың!
Қарайтыным қас-қабағың бір сенің,
Қайратыңнан қайта көрме, анашым,-дей отырып, мерекелік құттықтау сөзді мектеп директоры Ерболат Мұратқалиұлына береміз.

2- жүргізуші:

Анам менің, асылым, лағыл әнім,
Кең кеудеңе гүл болып тағыламын,
Жұлдызындай көгінде жағыламын.
Алыс кетсем аңсаймын сағынамын.
Алдарыңызға әнші ұлдарыңыз Тулешов Арсен, Койшыбаев Талғаттың орындауындағы «Анаға сәлем» атты әнін қол соғып қошеметтеп қарсы алыңыздар.

1-жүргізуші:
Ана-өмір қолдаушысы әлемнің
Шаңырақтың шаттығы мен шуағы
Сейілмесін жанарынан ананың
Тіршілікке төккен нұрлы шуағы
Аялайық аналарды әрдайым
Қуанышқа бөлейікші өздерін
Әжелердің,аналардың,қыздардың
Мұң шалмасын күлім қаққан көздерін.

Көркемсөз «Ардақты ана». Оқитын: Гимеденов Әбілхан

2-жүргізуші:

Әркімнің де өмірден аласы бар,
Аласы бар адамның анасы бар.
Мерекесін құттықтап аналардың,
Би билейтін аналардың баласы бар.
Би: «Балет» орындайтындар: Салахиятов Алихан, Асылбеков Аңсар, Губайдуллин Серікбол, Насибуллин Ертай

1-жүргізуші:

«Әйелдер адамды бесігімен баулиды... Өмірдің іргетасы солардың қолымен қаланады» деген екен орыс жазушысы Пирагов.

2-жүргізуші: Орыс жазушысы Максим Горкий: «Адамдар-әрқашанда өз аналарының перзенттері. Ана болмаса ақын да, батыр да болмайды»,- дей отырып көріністі тамашалауға шақырамыз.

Көрініс. Жоқты бар, ашты тоқ ететін кім? (Қайреденов Мирас, Тулешов Арсен)

Көркемсөз Төлеген Айбергенов «Ана» өлеңі.Оқитын: Мухамбетжанова Жанар

1-жүргізуші:

Қазірет пайғамбарға бір адам келіп:
-Мен бір зор күнә істедім. Енді мен үшін тәубе ету мүмкін бе?-деп сұрайды.
Сонда пайғамбар:
-Анаң бар ма? -деп сұрайды.
-Бар,-дейді әлгі адам.
-Онда анаңа қызмет көрсет,-деген екен пайғамбар. Олай болса шәкірттеріңіздің аналар жайлы өлең шумақтарын (ұлдар) тыңдайық.

2-жүргізуші:
Дүниедегі ең кемеңгер дананы
Ана табады, аялайды, бағады.
Сол үшін де құдіретіне бас иіп,
Құрметтейік қасиетті ананы,-деп ақын ағаларымыз жырлағандай келесі кезекті мың бұралған бишілерге береміз.

Би: «Вальс». Орындайтындар: Аңсар, Алихан, Ертай, Жанбота, Айсана, Жәмила

1-жүргізуші: Хадис: Мұхаммед айтқан:
«Жәннәт-аналардың аяғының астында» деп. Ислам діні әйелдерді ерекше құрметтейді. Егер де бір үйде қыз бала дүниеге келсе, береке, молшылық, бейбітшілік болады, ата-анасына қуаныш әкеледі дейді.

2-жүргізуші: Десек те уақытпен жарыспайды,
Қиялға қиялменен қарыштайды.
Шәкірттер шын жүректен тебіреніп,
Өнерін аналарға бағыштайды,-дей отырып 5 сынып ұлдарының орындауында «Анашым» әнін қабыл алыңыздар.

1-жүргізуші:
Жанұяның жылуын суытпай, тал бесікті тербей отырып, тебірене толғар бесік жыры арқылы аңыз ертегілері мен жақұт жырлары арқылы ұрпағының бойына адамдық қасиеттерді дарытып отырған аналарды орындарынан тұрғызып ойын ойнатсақ.

Аналармен жұмыс

1) Аялы алақан ойыны». Аналардың көздерін байлап, оқушылардың ішінен өз балаларын тапқызу.

2) «Кедергілерді бағындыру» ойыны.

Ойынға 3 ана қатысады. Орнынан кедергіге жеткенше баласына айтатын жылы сөздерін айту.

1 - кедергі «Өзбекше би»

2 - кедергі «Конвертті қиып түсіріп, сұрақтарға жауап беру.

"Мақалдың жалғасын тап"

1.Атаға қарап -...

Анаға қарап -...

2.Ананың көңілі балада, ....

3.Ата-ананың қадірін,...

4.Атаның баласы болма,...

5. Жақсы сөз,...

6. Баланың жақсысы қызық

7. Ұяда не көрсе,...

8. Қыз өссе елдің көркі, ...

3 - кедергі «Балаларына суды төкпей қасықпен жеткізу».

3) Балаларға ата - аналарына іс - қимылын ыммен түсіндіру тапсырылады, соны анасы табу керек.

1.Маған ілгегімді тігіп берші.

2.Мен көйлегімді кірлетіп т7астадым, соны жуып берші.

3.Мен ыдыс жуамын, маған ақша берші.

4.Мен сабақ оқимын, сондықтан үй жинамаймын.

5.Көйлегімді үтіктеп берші.

4) Анасы мен қызына арналған викториналық сұрақтар.

Шарты: әр дұрыс жауап үшін қызы 10 балл алады,қызы жауап бермеген жағдайда анасы көмекке келеді ол үшін 5 балл алады.

1. Терезені жуудың тәсілін айтып беріңіз.

2. Әшекей бұйымдарға нелер жетеді?

3. Жұмыртқадан қандай тағамдар жасауға болады?

4 .Матаның түрін атап беріңіз.

5. Бір асты дайындау тәсілін айтып беріңіз.

6. Ине мен жіпті сабақтау, ұсыну тәсілін көрсетіңіз.

Анасы мен ұлына арналған викториналық сұрақтар.

1. Бір пакет сүт неше теңге тұрады?

2. Жұмыртқаны қалай қуырады?

3. Сіздердің шаңсорғыштарыңызддың маркасы.

4. Қабырғаға шегені қалай қағады?

5. Шалбар жылтыр болып қалмауы үшін қалай үтіктейді?

6. Лампочканы салғанда қай жаққа бұрайды?

5) «Мен анамды қаншалықты білемін?» конкурсының сұрақтары.

Шарты: сұрақтарға анасы баласы қатар жауап беріп отырады.

Баланың дұрыс жауабына 10 балл.

1. Анаң қандай түсті киімдерді ұнатады?

2. Жақсы көретін тағамы.

3. Ұнататын гүлі қандай?

4. Анаң қандай иіссуді ұнатады?

5. Бос кезде немен шұғылданғанды ұнатады?

6. Ұнатпайтын ісі қандай?

7. Ұнататын әншісі кім?

8. Сырғасы қандай? ( Неден жасалған?)

9. Анаңның көзінің түсі қандай?

2-жүргізуші:
Кедеймін деп қысылма,
Өнерің болса қолыңда.
Өнерлінің ырысы,
Жарқырап жатар жолында,- деп кезекті 5-сыныптың байсалды да байыпты ұлдары өз өнерлерін көрсетеді.

Көрініс: «Телефон арқылы танысқан қыздармен кездесу ».

1-жүргізуші:
Көңілің Алатаудың ақ қарындай,
Мейрімің күннің шуақ шақтарындай.
Қалайша аяулы ана тына алармын
Ән болып сағыныштан ақтарылмай,-деп абзал аналарымыз бен қырмызы қыздарымыздың құрметіне Жасталапова Жанбота М.Мақатаевтың «Шеше сен бақыттысың» өлеңін оқып береді.

2-жүргізуші:

«Отбасы-шағын мемлекет» деген сөз бар. Ынтымағы келіскен, түтіні түзу ұшқан әрбір шаңырақ мемлекеттің құт берекесі. Әйел-ана отбасы жылуын сақтаушы, қоғамның ертеңі болашақ балаларды тәрбиелеуші.
Теңіздей тербетіліп көл бетінде,
Бишілер билеп кетті тербетіле.
Аққудай қалықтаған теңіздегі,
Бишілер өнерлерін көрсетуде,- алдарыңызда мың бұралған бишілеріңіз.

Би: «Өзбек биі». Орындайтындар: Бақтығалиева Асылғаным, Тұрашова Бекасыл, Мухамбетжанова Жанар
Аналармен жұмыс

4) Анасы мен қызына арналған викториналық сұрақтар.

Шарты: әр дұрыс жауап үшін қызы 10 балл алады,қызы жауап бермеген жағдайда анасы көмекке келеді ол үшін 5 балл алады.

1. Терезені жуудың тәсілін айтып беріңіз.

2. Әшекей бұйымдарға нелер жетеді?

3. Жұмыртқадан қандай тағамдар жасауға болады?

4 .Матаның түрін атап беріңіз.

5. Бір асты дайындау тәсілін айтып беріңіз.

6. Ине мен жіпті сабақтау, ұсыну тәсілін көрсетіңіз.

Анасы мен ұлына арналған викториналық сұрақтар.

1. Бір пакет сүт неше теңге тұрады?

2. Жұмыртқаны қалай қуырады?

3. Сіздердің шаңсорғыштарыңызддың маркасы.

4. Қабырғаға шегені қалай қағады?

5. Шалбар жылтыр болып қалмауы үшін қалай үтіктейді?

6. Лампочканы салғанда қай жаққа бұрайды?

5) «Мен анамды қаншалықты білемін?» конкурсының сұрақтары.

Шарты: сұрақтарға анасы баласы қатар жауап беріп отырады.

Баланың дұрыс жауабына 10 балл.

1. Анаң қандай түсті киімдерді ұнатады?

2. Жақсы көретін тағамы.

3. Ұнататын гүлі қандай?

4. Анаң қандай иіссуді ұнатады?

5. Бос кезде немен шұғылданғанды ұнатады?

6. Ұнатпайтын ісі қандай?

7. Ұнататын әншісі кім?

8. Сырғасы қандай? ( Неден жасалған?)

9. Анаңның көзінің түсі қандай?

1-жүргізуші:
Осы айтылғандардың бәрі шындық, бәрі шын, аналар ажалдан күштірек, жапанға бір тоқтамсыз данышпандарды, ақындарды, ерлерді тауып беретін аналар. Барлық жақсылықты себетін де аналар. Ендеше сол аналар алдында бас иелік!
Не деген құдірет едіңіздер, аналарым!
Сыйынатын болса өмірде құдірет,
Сыйынар ем ана деген тәңірге!
Анады да, мені де әлпештеген,
Қайтпас қайрат, дариядай ақыл берген.
Ниетің қабыл болсын, аналарым,
Өркендеп өсе берсін, бала-шаға, немерелер.
Барша ана құтты болсын мерекеңіз,
Әрқашанда ана сізбен берекеміз.
Ақтасақ ақ сүтіңді, асыл анам,
Сонда біз кісілікке теңесеміз,- дей отырып мерекелік кешімізді қорытындылау сөзді тәрбие ісі меңгерушісі Ақжарқын Хамитқызына береміз.

Тілек:
2-жүргізуші:
Демеңіз біз өнерді аяп қалды,
Мезгіл де біраз жерге таяп қалды.
Қош болып тұрыңыздар көріскенше
Осымен концертіміз аяқталды.