Сценарий школьного мериприятия Кәл, Йеңи жил!

Мәйрәм снежинкилар уссули билән башлиниду.

(Музикиси Чайковский болет «Щелкунчик»)

Фанфар

1-жүргүзгүчи:

Худди мамуқ аппақ қар

Пүркиди йәр йүзини

Хошал- хорам балилар.

Бойлип айнар арчини

Һәммимиз хошал- хорам,

Һәр түрлүк боп ясанған

Арчиниң әтрапида

Зәнжир болуп айланған.

2-жүргүзгүчи Әсаллам һөрмәтлик меһманлар вә әзиз балилар! Бүгиүнки Йеңи жиллиқ арча мәйримигә хуш кәпсиләр!

Хор билән: Йеңи жилиңлар мубарәк болсун!

1-жүргүзгүчи: Балилар, әтрапқа соғ боранлиқ қиш кәлгини билән, бу қиш бизгә йеңи саз, йеңи бәхит елип кәлди. Бүгүнки йешил арча мәйримини уюштуруп, сизләргә чоң хошаллиқ сийлиған тәбрик сөз берилиду.

Йеңи жилда бизгә меһманлар келиши керәк еди. Немишкә кәлмәйватиду? Балилар, ким келиш керәк?

Балилар: Қиш бовай, Қар қиз!

2-жүргүзгүчи: Ундақ болса, қиш бовай билән қар қизни чақирайли.

Балилар: Қиш бовай, қар қизи!

Қиш бовай, қар қизи!

Қиш бовай, қар қизи!

(музыка ойнайду, залға Қар адәмләр домилап айлинип кириду)

Қар адәм: Әсаллам, әзиз балилар Бизниң ким екәнлигимизни биләмсиләр?

Балилар: Қар адәм

Қар адәм: Дурус ейтисиләр, балилар! Биз силәрни йеңи жилиңлар билән тәбрикләп кәлдуқ. Лекин , биз қуруқ қол кәлмидуқ. Силәргә тепишмақ елип кәлдуқ, жававини тепип көрүңлар. Тапқурларға соғилар бар.

1. Сөзи- дана үни йоқ, Сөзлимәйду тили йоқ. (китап)

2. Қишта маңиду бир кемә,

Язда ачиду, у немә? (чана)

(Балилар жававини тапиду, Қар адәм уларға соғиларни бериду)

Қар адәм: Ярайсиләр, балилар!

1- жүргүзгүчи: Рахмәт, Қар адәмләргә, биз билән биллә болуңлар. Йәнә, бир аваз аңлинватиду, бу қиш бовай билән қар қизи әмәсму?

(музыка ойнайду залға барс чиқиду)

Барс : Саламәтму силәр, балилар! Мән мошу йәрдә Йеңи жилни қарши алай дәп кәлдим.

Таққа чихсаң қелин қар,

Сайға чүшсәң қелин қар.

Арча үсти қелин қар.

Байқисаңлар орманда

Тағ чоққисида барс бар.

Барс: Балилар, мән ялғуз кәлмидим. Мениң билән биллә тошқан достум кәлди. У һазир силәргә өз һүнирини көрситиду.

(тошқан акробатикалық номер көрситиду)

2-жүргүзгүчи: Барс, тошқан, хуш кәпсиләр, төригә чиқиңлар, йолда қиш бовай билән қар қизни көрмидиңларму?

Барс: Яқ, көрмидуқ.

1-жүргүзгүчи: Балилар, йәнә ким келиватиду?

(музыка ойнайду , сәхнигә қу түлкә толғунуп, сүзлүп чиқиду)

Түлгә: Саламәтму силәр, балилар! Аңлисам бүгүнки бу мәйрәмгә барлиқ һайванатлар жиғилип қапту дегәнни аңлап мәнму йетип кәлдим.

Мән түлкимән , түлкимән Барлиқ һайванни йеңимән Қувлиғимән билән һәр қачан Егиз чоққиға йетимән

-Әнди балилар, мән силәргә оюн ойнитай (оюн ойнитиду)

2- жүргүзгүчи: Рәхмәт сизгә Түлкихан, биз билән биллә болуң. Бизгә қиш бовай билән Қар қиз келиш керәк еди. Йолда көрмидиңизму?

Түлкә: Яқ, көрмидим. Өзәм алдирап, аран йәттим. ( мошу вақитта қоңғуриғини шилдирлитип, жүгрәп клоунлар кириду. Арчини айлинип чиқиду)

Клоун: Балилар, мән силәргә хуш хәвәр елип кәлдим. Йолда қиш бовай билән Қар қизни көрдум. Йеқинлап қапту. Силәр йеқимлиқ авазиңлар билән чақирсаңлар келип қалар

2. жүргүзгүчи: Рәхмәт, клоун, биз билән биллә болуң. Көңлимизни көтүрүң. Әнди қиш бовай билән Қар қизни чақирайли.

Балилар: Қиш бовай, Қар қизи ! (3 қетим)

( музыка ойнайду, Қиш бовай билән Қар қизи , Ат жили залағ кириду)

Қиш бовай:

Шеир:

Мана кәлдим балилирим,

Мән силәрни көргили.

Жилни елип йенимға

Бир күн меһман болғили.

Қара қиз:

Балиларға шатлиқни

Биллә бөлүп кәлдуқ биз.

Һәр көңүлгә хуш мәйрәм,

Соға елип кәлдуқ биз.

1- жүргүзгүчи:

Балилар, мана Йеңи жиллиқ мәйримимизгә қиш бовимизму кәлди. Қени Һәммимиз қол тутушуп, арчимизни айлинип йеңи жил нахшисини ейтайли.

Хоровод: Йеңи жил нахшиси

2- жүргүзгүчи:

Бүгүн йеңи жил

Арча мәйрими

Мәктәптә қизиқ

Оюн қайними

(Ат жили чиқиду)

1. жүргүзгүчи: Һөрмәтлик һәм меһриван 2015 жил! Сиз биз билән 366 күн, 366 түн бойи дос болдуқ, биллә жүрдүң.

Аппақ қарлиқ қишиңни, көңүллүк баһириң билән яйриған язиңни, сехирлиқ күзүңни көрдуқ. Әнди, мана сән тарихқа қәдәм ташлидиң. Биз саңға наһайти разимиз, әзиз ат жили.

Ат: Әзиз балилар , өзәңләрниму, мону әжайип кәчниму, меһриван, адәмзатни киймисамму, тарихқа қәдәм ташлар алдида мундақ вәсийәт ейтқим келиду.

Келәр жил саңа аманәт!

Хош болуңлар, балилар!

2. жүргүзгүчи: Ундақ болса, бир жил бойи өз қойниға елип, бәхит тәғдим қилған Ат жили өзиниң әжайип уссулини хошлишиши алдида силәргә тәғдим қилиду.

(музыка ойнап , 2014 жил уссул ойнап, хошлишип, залдин чиқиду)

Қар қиз: Балилар, қени ким ейтиду, бизгә кирмәкчи болуватқан 2015 жил қандақ жил.

1. жүргүзгүчи:

Йеңи жил кәлди

Йеңилиқ билән

Қарши алимиз

Ойнап һәммилән

(Музыка ойнилип туриду, Йеңи жил кириду Қой қозилири билән биллә залға кирип, арчини айлинип, уссул ойнайду)

Қой:

Йеңи жилиң мән едим

Келәчәккә ишинип

Өзәм кичик болсамму

Көңүлүм кәң ечилип

Тепилиду керигим

Көкләйду йәр, елим

Силәр күтүп сарғайған

Йеңи жилиң мән едим

Қиш бовай:

Мана йеңи жил

Келипму қалди

Төрләт,төрләт Йеңи жил

Бизгә қутлуқ Йеңи жил

Қарқиз:

Йеңи жилда һүнәр синар қайсиң бар?

Келип чиқип шеир ейтар қайсиң бар?

Йеңи жилда сийлиқ елип қайтиңлар.

2-жүргүзгүчи: Қени балилар, қиш бовайға өзәңләрниң шеирлириңларни ейтип бериңлар.

(Балилар өз шеирлирини ейтиду)

1. жүргүзгүчи: қени Қиш бовай билән Қар қизни узутуп қойдиған вақит кәлди. Балилар Қиш бовимизни башқиму йәрләрдә силәргә охшаш балилар күтүп қалди.

Қиш бовай: Балилар, Йеңи жилиңлар мубарәк болсун! Мән силәр билән һәр қачан биллә. Мени силәргә охшаш кичик балилар күтиветипту. Қар қиз иккимиз шуларниму хошал қилип қояйли.

(Қиш бовай Қар қиз залдин чиқип кетиду)

1. жүргүзгүчи: Хош бол, Қиш бовай!

Бири кона жил

Ақ башлиқ бовай

Қошлишип кетәр

Бизгә һеч тоймай

2. жүргүзгүчи:

Бири йеңи жил Күлүп келиду

Бизни тәбрикләп

Салам бериду.

Хор билән: Йеңи жил мәйримиңлар мубарәк болсун!

1-жүргүзгүчи: Бүгүнки мәйрәмдә барлиғимиз көңүл көтирип, яхши дәм алдуқ. Барлиғиңларни йәнә бир қетим Йеңи жилиңлар билән тәбрикләймиз! Йеңи жилда йеңи утуқларға йетиңлар!

Бири йеңи жил Күлүп келиду

Бизни тәбрикләп

Салам бериду.