- Преподавателю
- Классному руководителю
- Классный час. Тема: Әкем, Анам
Классный час. Тема: Әкем, Анам
Раздел | Классному руководителю |
Класс | - |
Тип | Другие методич. материалы |
Автор | Акбатырова Р.Б. |
Дата | 16.11.2015 |
Формат | docx |
Изображения | Нет |
Сабақтың тақырыбы: «ӘКЕМ, АНАМ ЖӘНЕ МЕН»
Мақсаты: Сайыс арқылы оқушылардың тілін дамыту, алған білімдерін тиянақтау,
тексеру, есте сақтау, ойлау қабілеттерін, тіл байлығын, өз беттерінше жұмыс
істеу дағдыларын дамыту, ата-ана, мұғалім, оқушы арасындағы қарым-
қатынасты дамыту.
І. Кіріспе сөз.
-
Құрметті ата-аналар, ұстаздар, оқушылар, тәрбиешілер мен қонақтар! Бүгін сіздер «Әкем, шешем және мен» атты жанұялық, танымдық ойынға жиналып отырсыздар. Баланың ыстығына күймейтін, суығына тоңбайтын, жақсылығына сүйінбейтін ата-ана жоқ шығар. Бүгінгі ұл - ертеңгі әке, ол әкеге қарап өседі. Бүгінгі қыз - ертеңгі ана, ол шешеге қарап өседі, бойын түзейді. Балаға білім, тәрбие беруде басты тұлға ұстаз болса,оны жалғастырушы, демеуші - ата-ана.
ІІ. Сайысқа қатысушылармен таныстыру.
ІІІ. Қазылар алқасымен таныстыру.
ІV. Сайыс шарттарымен таныстыру.
-
«Таныстыру».
-
«Ертегі терапия»
-
«Қызықты сұрақтар»
-
«Өнер»
-
«Қанша сөз білеміз?»
-
«Бұл кім?»
-
«Саған айтқым келед»?»
-
«Таныстыру» .
Сайыстың бұл шартында қатысушы отбасылар өздерін таныстырады.
-
«Ертегі терапия». ( Әрбір отбасына сөздер жиынтығы беріледі. Осы сөздерді пайдалана отырып, әңгіме немесе ертегі құрастыру керек. Бұған 5 минут уақыт беріледі. Берілген уақыт аяқталғаннан кейін топтар өз шығармаларын оқиды. «Ерте, ерте, ертеде... », - деп бастау керек.
А) Әсел тәте, көл, арман, домбыра, пойыз, гүл, тау;
Ә) Серік ағай, өзен, айран, ағаш, жаңалық, ит, трактор;
Б) Олжас ағай, мұхит, сиыр, теледидар, сүт, үй, кірпіш;
В) Әлия тәте, теңіз, мысық, мтамақ, машина,махаббат, темір.
3. «Қызықты сұрақтар».
( Бұл шартта әр отбасына қызықты сұрақтар қойылады.Отбасылардың мүшелері тез жауаптарын берулері керек )
№1
А) Отбасы дегенді қалай түсінесіңдер?
Ә) Балаңыздың туған күні қашан?
Б) Мектеп директорының неше орынбасары бар? Атаңыздар?
В) Балаңыздыңсүйікті асы қандай?
Г) Балаңыз болашақта кім болғысы келеді?
№2
А) Отбасының басшысы кім?
Ә) Сынып жетекшісінің толық аты-жөні.
Б) Мектептің мекен-жайы.
В) Балаңыз 1-сыныпқа қашан барды?
Г) Балаңыз сізді ренжіткенде ең алдымен қандай сөз аузыңызға түседі?
№3
А) Отбасы қандай болуы керек?
Ә) Тәрбиешінің толық аты-жөні.
Б) Балаңыздың парталас көршісі кім?
В) Балаңыз қандай түсті жақсы көреді?
Г) Балаңызды еркелетіп, қандай сөз айтасыз?
№4
А) Барлық отбасы бірдей деп ойлайсыз ба?
Ә) Мектеп директорының толықаты-жөні.
Б) Балаңыз қандай өлшемді аяқ киім киеді?
В) Балаңыз спорттың қандай түрін жақсы көреді?
Г) Балаңыз кеше сабақтан қандай баға алды?
4. «Өнер».
( Әр отбасы өздерінің өнерлерін көрсетеді )
-
Домбырада ойнау
-
Ән айту
-
Би билеу
-
Көркемсөз оқу
-
«Қанша сөз білеміз?» ( Бұл шартта «жауапкершілік» сөзі беріледі. Берілген бір сөздің әріптерін пайдаланып, бірнеше сөз құрастыру керек. Тапсырманы орындауға 1 минут уақыт беріледі ).
-
«Бұл кім?» Бұл сайыста балалардың көздері жабылады ( орамалмен ). Барлығы бір түзудің бойында тұрады. Ата-аналары оқушылардың әрқайсысына кезекпен үндемей ақырын жақындайды. Оқушы қасына келген адамның алақанын ұстап, өз ата-анасын анықтауы қажет. Ата-анасын таныған кезде ол «Мен сізді жақсы көремін» дейді. Егер оқушы қателеспесе, жұп бөлек тұрады. Ал, егер қателлессе, ойын әрі қарай жалғасады. Егер, бала ата-анасын таппаса, ойын ата-анасын танығанға дейін жалғаса береді. Жаттығу барлық жұптар толық түзілгенше жалғасады.
-
«Саған айтқым келеді ...» Бұл шарт сайыстың соңы, шешуші кезеңі болып табылады. Ата-аналар мен балалары бір шеңберде тұрады. Ата-анасы алдымен баласына, содан кейін баласы ата-анасына төмендегідей сөздерді айта бастайды: «Анам ( әкем ), менің сізге көптен бергі айтқым келгені...», «Қымбатты ұлым ( қызым), менің саған көптен бергі айтқым келгені ...» деп сөйлемдерін жалғастырулары керек.
V. Қазылар алқасының қорытынды сөздері.
VІ. Сайыстың аяқталуы.