Сүйікті ертегі кейіпкерлері 1-сынып оқушыларына

1 сынып Сабақтың мақсаты: Оқушыларға ертегілер мен олардың кейіпкерлері туралы айтып, оқушылардың сабаққа деген қызығушылығын ояту. Ертегі түрлерімен таныстыру.Түрлі тапсырмалар орындатып, кейіпкерлердің суретін салуға үйрету. Сол арқылы оқушының ойын, қиялын бейнелеуге бағдар беру, есте сақтау, елестету қабілеттерін дамыту. Ертегі кейіпкерлерінің бейнесі арқылы оқушыларды жақсы қасиетке бейімдеу, жамандыққа жирене қарауға тәрбиелеу. Сабақтың түрі: саяхат сабақ, Әдісі: түсіндіру, сұрақ-жауап, баяндау, топқа бөлу. Сабақтың көрнекілігі: Ертегілер туралы кітаптар, суреттер Сабақтың барысы: І. Ұйымдастыру кезеңі. Оқушыларды түгендеу, құралдарын тексеру. ІІ. Үй тапсырмасын тексеру, бағалау. ІІІ. Жаңа сабақ. Тақтаға барлық көрнекіліктерді іліп қойып, сабақты «Ертегілер еліне саяхаттан » бастаймын. - Балалар, бәріміз ертегілерді жақсы көреміз бе? - Онда мен сендердің ертегілерді қаншалықты жақсы білетіндеріңді тексеріп көремін. Ертегілер: хайуанаттар туралы, қиял-ғажайып, шыншыл ертегілері болып бірнеше түрге бөлінеді. 1. Хайуанаттар ертегісі («Түлкі мен ешкі» , «Мақта қыз мен мысық» ) 2. Қиял-ғажайып ертегісі. («Ер Төстік» , «Ұшқыш кілем» , «Алтын сақа» ) 3. Шыншыл ертегілер.(Күнделікті өмірдегі еңбек адамы. Хан, бай, молда туралы. «Өтірікші тазша» ) Ертегілерде өмірде сирек кездесетін немесе мүлде кездеспейтін, ойдан шығарылған оқиғалар баяндалады. Ертегілер «Ерте-ерте, ертеде ешкі құйрығы келтеде» деп басталады да, «Сөйтіп мұратына жетіпті» деп үнемі жақсылықпен аяқталып отырады. - Ертегілерде жағымды-жағымсыз кейіпкерлер де болады, оны қалай түсінесіңдер? - Енді бәріміз көзімізді жұмайық. Біз «ертегілер еліне саяхатқа» аттанамыз. - Бәріміз сыйысып ұшатын кілемге отырып, түсіп қалмас үшін көршіміздің қолынан ұстап отырайық. Ал ұштық. Көз алдымызға ертегі кейіпкерлерін елестетейік. - Жарайды, көзімізді ашайық, міне ертегілер еліне де жеттік. - Қош келдіңдер, балалар! Алдыңызда тұрған ертегі кейіпкерлерінің маскаларын басыңызға киіп алыңдар. - Кәзір жылдың қай мезгілі? Сізге қысқаша «Аяз» ертегісін айтып берейін. («Аяз» ертегісі баяндалады.) - Мен, осы ертегідегі Аяз боламын. Жақсы баға алам десеңдер, менің тапсырмаларымды орындап, ертегілердің бәрін жақсы білетіндеріңді көрсетіңдер. ІҮ. 1 - тапсырма. Бір ертегідегі екі кейіпкерді тап. 2- тапсырма. Суретші бейнелегенде ертегі кейіпкерлердің нелерін салуға ұмытқан. 3- тапсырма. Мына ертегіде кім артық ? Кімді суретші салуға ұмытқан? 4- тапсырма. Қасқырдан жасырынып қалған 7 лақты тап. 5- тапсырма. Сүйікті ертегі кейіпкеріңді альбомыңа бейнеле. 6- тапсырма. Оқушыларды 3топқа бөлу. Қиынды бөліктерден ертегі құрастыру. Сергіту сәті:. Қарындашты қояйық, Орнымыздан тұрайық Белімізді жазайық, Қолымызды созайық Алақанды жұмайық, Алақанды ашайық Бір отырып, бір тұрып Біз тынығып алайық. Оқушылар жұмыстарына қайта кірісіп, аяқтайды . Жұмыстарын тексеріп, кемшілігі болса айтып, жақсы болса мақтап талдау. - Өте жақсы, балалар. Бәрің де тапсырмаларды жақсы орындап, ертегілерді сүйіп оқитындарыңды көрсеттіңдер. Оқушыларды мақтап, бағалаймын. - Енді қайта көзімізді жұмып, ұшатын кілемімізге отырып, елімізге қайтайық. Ү. Сабақты қортындылау. - Бүгінгі сабағымыз кімдер туралы болды? - Қандай ертегі түрлері бар? - Ертегілер бізді неге шақырады? ҮІ. Үйге тапсырма: Сүйікті ертегі мазмұнын бейнелеп кел

Батыс Қазақстан облысы Тасқала білім бөлімі

ЖББ Шежін орта мектеп-балабақшасы

Ашық сабақ тақырыбы:

Сүйікті ертегі кейіпкерлері

(1 сынып)

Бейнелеу өнері пәнінің мұғалімі:

Дуйсенгалиева Б.Б

2015 оқу жылы