Поурочный план по черчение 9 класс

Қостанай облысы Амангелді ауданы

«Құмкешу жалпы білім беретін орта мектебі»

коммуналдық мекемесі

Бейнелеу өнері және сызу пәнінің мұғалімі

Султанова Сандигуль Галымовна

Пән аты: Сызу

Сабақтың тақырыбы: Тіліктер туралы жалпы түсінік

Мақсаты: -Оқушыларға тіліктер туралы жалпы түсінік беру.

-Оқушыларға сызба жұмысын орындау барысында тілікті

ажырата білуге машықтандыру

- Сауатты сызуға , шыдамдылыққа , ұқыптылыққа тәрбиелеу.

Көрнекілік: Кітап, тақта , бор, плакат, үлестірмелі қағаздар, интертақта

Әдіс-тәсілдер: «атқосшы мен арба», «дейін- кейін»әдістері

Жұмыс формасы: жұптық

Сабақ барысы: - Ұйымдастыру.

-Үй тапсырмасы.

Жаңа сабақ

Үй тапсырмасы: «Атқосшы мен арба» әдісі Балаларға үлестірмелер таратып беремін,оқушылар бірі сұрақ жасса, екінші бала жауап жазады осылайша жазылған үлестірме қағаздарды араластырып балаларға таратып беремін. Балалардың бірі сұрақ оқыса екінші бала сол сұрақтың жауабын тауып оқиды

1. Көрініс дегеніміз не?

2. Жергілікті көрініс дегеніміз не?

3. Қосымша көрініс дегеніміз не?, қалай орындалады.

4. Қосымша көрініс пен жергілікті көріністің айырмашылығы қандай?

5. Шығару элементі дегеніміз ?...........

Жаңа сабақ

Тетікбөлшектің құрылымында әрқилы пішінді ойықтар мен қиықтар болуы мүмкін. Оларды сызбада үзілме сызықпен сызып көрсетуге болады, бірақ ол оқуды қиындатады.Көрінбейтін сызықтардың проекцияда көрінетін сызықтармен бірігіп түсуі мүмкін. Ішкі құрылы күрделі тетікбөлшек көрінісіне қарап, оның пішінін түсіне алмаймыз. Сондықтан тетікбөлшектін көрінбейтін бөліктерін кескіндеудің өзгеше, ыңғайлы әдістерін қолданамыз. Бұл әдістер қима және тілік деп аталады. Біз бүгінгі сабағымызда тілікпен танысамыз. Тілік шартты ұғым. Нәрсені шындығында тілмейді.Қиып өтетін жазықтық пен сызбаны тұрғызатын адамның екі ортасында орналасқан бөлшектің бөлігін ойша алыстатады. Нәтижесінде модельдің ішкі құрылысы көрінеді.

Есіңде сақта! Тілікте қиюшы жазықтықта және оның арғы жағында

орналасқаны кескінделеді.

Жүргізілген жазықтық шартты түрде тіліп өткен модельдің немесе тетікбөлшектің қабырғаларын негізігі жазудың горизонталь сызықтарына 45 градус бұрыш жасап, тұтас жіңішке сызықтармен сызбалайды. Егер сызбада бірнеше тілік орындалса, олар бірдей сызықталуы керек.

Қиюшы жазықтықтың орналасуына қарай,

тіліктер:

Горизонталь- тілік жазықтығы

П₁ горизонталь прокция

жазықтығына параллель

вертикаль- тілік жазықтығы

П ₁ проекция жазықтығына

перпендикульяр;

- көлбеу- тілуші жазықтық

горизонталь проекция

жазықтығымен тік бұрыштап

өзге бұрыш жасап орналасады.

Фронталь- тілік жазықтығы

П₂ фронталь проекция

жазақтығына параллель;

Профиль- тілік жазықтығы

П₃ профиль проекция

жазықтығына параллель;

Қиюшы жазықтықтардың

санына қарай тіліктер

Қарапайым - бір ғана күрделі - бірнеше қиюшы

қиюшы жазықтық жазықтықтар болса

Модельдің ұзындығын бойлай орындалған тілікті бойлық, ал оның ұзындығына перпендикуляр тілік- көлденең деп аталады.

Интерактивті тақтамен жұмыс. Тіліктің түрлеріне талдау

Жаңа сабақты бекіту «Зымырыан сұрақттар» әдісі

1. Тілік дегеніміз не?

2. Қиюшы жазықтықтардың орналасуына қарай тіліктер нешеге бөлінеді?

3. Горизонталь тілік

4. Вертикаль тілік

5. Көлбеу тілік

6. Вертикаль тіліктер нешеге бөлінеді?

7. Қиюшы жазықтықтардың санына қарай тіліктер нешеге бөлінеді?Бойлық дегеніміз не?

Сабақты қорытынрдылау

Оқушылар «Дейін, кейін» әдісінде жаңа сабақты өткенге дейін не білді, жаңа сабқты түсідіргеннен кейін не білді, өз ойларын толтырып сабақты қорытындылайды

Дейін

Кейін

Үй тапсырмасы: «Тіліктер туралы жалпы түсінік» тақырыбын оқу

Бағалау: Сабаққа қатысып отырған оқушыларға қосымша сұрақттар қою

арқылы бағалаймын.