Ашық сабақ

Батыс Қазақстан облысы

Теректі ауданы

Қоғалытүбек ауылы

Технология, бейнелеу өнері, сызу пәнінің мұғалімі

Кенжегалиева Құндыз Жалғасбайқызы.

Пәні: Бейнелеу өнері

Өткізілген мерзімі: 17 қазан 2014 жыл

Тақырыбы: "Кім жылдам?" (шапшаңдық ойындары)

Сыныптар: 5 - 6 сынып

Қайырлы күн, құрметті ұстаздар, оқушылар, көрермендер!

Бүгінгі өткелі тұрған «Кім жылдам?» шапшаң ойындар сайысына қош келдіңіздер!

Сайыстың мақсаты:

Оқушыларға оқу танымдық тәрбие беру.Шапшаң ойындар ойнату арқылы оқушылардың қызығушылықтарын ояту,жылдамдықтарын арттыру. Ойларын жүйелі,еркін,шапшаң жеткізе білуге дағдыландыру.

Топтық жұмыс істеуге,достық қарым-қатынасқа,сыйластыққа тәрбиелеу.

Сайыста бақ сыналар, бап сыналар,

Өнерлі,ұшқыр,тапқыр,шапшаң да бар.

Білім де,ақыл да бар,қайрат та бар,

Жүлдені жан-жақтылар ұтып алар.

Кез-келген сайыс бағалануы тиіс. Осының ара жігін ажырататын қазылар алқасы:

(қазылар алқасын тағайындау)

Өнер қуып оқушылар өтер деймін

Бір басына өнерлері жетер деймін.

Бәске түссе оқушылар кезектесіп,

Таныстырып топтарын өтер деймін - деп алғашқы шартымыз бойынша өздерін топтарын таныстырады.

Бүгінгі біздің сайысымыз 4 кезеңнен тұрады.

Ойынның өткізілуі тәртібі:

І Топтастыру («Жүйрік», «Ұшқыр»)

ІІ «Тіліңмен жүгірме,біліміңмен жүгір!» кезеңі

А) «Бинго» ойыны (Адамның есімін жазуға сұрақтар беріледі. 1-2 минут аралығында 20 сұраққа 20 адамның есімін жазу керек.Бірінші болған топ «Бинго» деп орындарынан тұрады.)

Ә) «Сиқырлы әріптер» ойыны (оқушыларға әріптер таратылады. Берілген әріптердің барлығын қолданып сөз құрастыру керек)

Б) «Сен білесің бе?» ойыны (оқушыларға сұрақтар қойылады. Сұраққа дәлелмен жылдам және дұрыс жауап берулері керек)

ІІІ «Ақылдассаң шешерсің» кезеңі

А) «Ыммен түсіндіру»ойын (Берілген сөзді ымдау арқылы басқа топқа түсіндіреді)

Ә) «Уақытты сағатсыз анықтау» ойыны (Сайыскер немесе топбасшы көзін жұмып 1 минут уақыт болды-ау дегенде бір адым алға шығу керек)

ІV «Тоқсан ауыз сөздің,тобықтай түйіні» кезеңі

А) «Жақсылықтан жақсылыққа» ойыны (Бұл ойында топ мүшелері бірлесіп келесі топтарға өздерінің достық сезімдерін білдіріп,ақ тілектерін жазады)

Екінші кезеңіміз «Тіліңмен жүгірме,біліңмен жүгір!» кезеңі.Бұл кезең 3 ойыннан тұрады.

А) «Бинго ойынының сұрақтары:

1.Қазақтың алғашқы суретшісі-Әбілхан

2.Қазақтың алғашқы кәсіпқой мүсіншісі-Хакімжан

3.Қазақтың бас ақыны-Абай

4.Қазақтың тұңғыш ғалымы,саяхатшы-Шоқан

5.Қазақтың тұңғыш академигі-Қаныш

6.Қазақтың алғаш педагогі-Ыбырай

7.Жыр алыбы-Жамбыл

8.Күй атасы-Құрманғазы

9.Қазақ вальсінің королі-Шәмші

10.Қазақтың биші қызы-Шара

11.Үш жүздің басын қосқан қазақ ханы-Абылай

12.Кіші жүздің биі-Әйтеке

13.Қазақтан шыққан алғашқы суретші қыз-Айша

14.Күш атасы-Қажмұқан

15.Қазақстанның тұңғыш президенті-Нұрсұлтан

16.Қазақ фильм киностудиясы кімнің есімімен байланысты?-Шәкен

17. «Абай жолы» роман-эпопеясының авторы-Мұхтар

18.Қазақтың ұшқыш батыр қызы-Хиуаз

19.Құрманғазының шәкірті-Дина

20.Қобыз атасы-Қорқыт

Ә) «Сиқырлы әріптер» ойыны.Сұрақ:

1-топқа:Қазаққа тәуелсіздік алып берген «Оқиға»? ЖЕЛТОҚСАН

2-топқа:Торкөзде жауаптары жазылатын ойын түрі? СӨЗЖҰМБАҚ

Б) «Сең білесің бе?» ойыны

1.Суретшінің өз кейпін салған шығармасы-автопортрет деп аталады.Иә ма,жоқ па?

2.Суға жақсы еритін бояудың түрі-майлы бояу деп аталады...Жоқ-акварель.

3.Жануарларды бейнелейтін суретші және мүсінші-маринист деп аталады...Жоқ-анималист

4.Әр түрлі заттар мен бұйымдарды үйлесімді бейнелеу жанры-натюрморт деп аталады...Иә-

5.Металға салынған гравюраның бір түрі-литография деп аталады...Жоқ-ксилография.

1. Адамның бет пішінің,келбетін бейнелеу жанры-портрет деп аталады.....иә

2. Акварельмен салыстырғанда суда мөлдір емес қою езілетін бояу-гуашь..иә

3. Соғыс оқиғаларын бейнелеу жанры - маринистік жанр деп аталады...Жоқ батальдық жанр.

4. Табиғат көрінісін бейнелеу жанры -пейзаж деп аталады...Иә-

5. Металға салынған гравюраның бір түрі-литография деп аталады...Жоқ-офорт.

ІІІ. «Ақылдассаң шешерсің» кезеңі.

а) «Ыммен түсіндіру» ойыны (Берілген сөзді ымдау арқылы басқа топқа түсіндіредіреді:күн,кемпірқосақ,гүл,ою-өрнек, кітап, сағат, қарындаш, домбыра, доп,тақия)

ә) «уақытты сағатсыз анықтау» ойыны(1сайыскер немесе топбасшы көзін

жұмып 1минут уақыт болды-ау дегенде бір адым алға шығу керек)

ІV «Тоқсан ауыз сөздің,тобықтай түйіні» кезеңі

А) «Жақсылықтан жақсылыққа» ойыны(Бұл ойында топ мүшелері бірлесіп келесі топтарға өздерінің достық сезімдерін білдіріп, ақ тілектерін жазады)

V Қорытынды бөлім.

Қазылар алқасының берген бағаларын тыңдау.

Сайысқа қатысушыларды марапаттау.