5 сынып Мүсін өнері

Орғараева Ақмарал № 217 мектеп

Сабақтың тақырыбы: Мүсін өнері

Сабақтың мақсаты:

1.Білімділік.

Оқушылардың мүсін өнерінен алған білімдерін анықтап,ермексазбен жұмыс жасау

2.Дамытушылық: Ермексазбен жұмыс жасауда қол ептілігін дамыту, топтық іскерлік, шығармашылық, ұшқырлық қабілеттерін дамыту.

3. Тәрбиелік: Оқушылардың пәнге қызығушылығын ояту, мүсінді ұқыпты, жинақы, тиянақты жасауға тәрбиелеу, дағдыландыру.Топ мүшелерінің бірін-бірі тыңдай білуі мен бір-біріне қол созу жәрдемдесу мен ауызбіршілікке дағдыландару,тәрбиелеу.

Сабақтың типі: Аралас сабақ.

Сабақтың түрі: Жарыс сабақ

Сабақтың әдісі: Сөздік, топтық, сұрақ-жауап, ойын элементтері, модульдік, проблемалық,практикалық, ой- шақыру.

Сабақтың көрнекілігі: Мүсін үлгілері, слайдтар, суреттер, сызбалар, ойыншықтар, ермексаз, тақтайшат.б.

Пәнаралық байланыс: Тарих, өнер,еңбек,география,

Сабақтың барысы:

І. Ұйымдастыру кезеңі.

А) Оқушыларды түгелдеу.

Ә) түрлі суреттер тарату арқылы топқа бөлу (топ басшысын топ арасынан оқушылардың өздері таңдайды)

Б) Құрал- саймандарын тексеріп,Сергіту сәті арқылы зейіндерін сабаққа аудару.

ІІ. Үй тапсырмасын тексеру.( Бағалау критерийлеріне сүйене отырып жұптық ,топтық,өзін-өзі бағалау әдістері арқылы бағаланады. Әр топқа бағалау парағы беріледі.)

ІІІ. Жаңа сабақ

Сабағымызды жалғастырмас бұрын топтардың бағалану шартымен таныстырып өтейін. Әр топтың алдарында ермексаз жабыстырылған тақтайша мен ағаш бұтақшалары қойылған, әр топ мектебіміздің қасбеттеріне ағаш отырғызып ,көгалдандыру мақсатына жұмыс жасайды.Ол үшін сабақ барысында берілген әрбір дұрыс жауап үшін бір ағаштан отырғызып отыру керек. Оны қадағалауға топтарыңыздан бір адамды белгілеп лыңыздар.

І тапсырма

Өз қалаңды танисың ба? атты танымдық ойынын ойнаймыз.

Ойынның мақсаты Қызылорда қаласындағы ескерткіштердің атауы мен орналаскан жерлерін анықтау. Әр топқа үш слайдтан тапсырма беріледі.

Егер топ мүшелері ескерткіштің атауын немесе орналасқан жерін білмеген жағдайда қарсылас топтар толықтыруына ,немесе жауап беру мүмкіндігіне ие болады.

ІІ тапсырма

«Тұлғаны танып- біл» пысықтау,қорыту ойыны.

Әр топқа бір портреттен таратылады. Балалар портреттегі тұлғаның аты-жөнін,тарихтағы рөлін, оның атына байланысты оқиғаларды немесе оның шығармалары және т.б. естеріне түсірулері тиіс. Топ ішінде талдау 3-5 минуттан аспайды. Өз командасын топтың бір адамы қорғайды.

Ойынды жүргізуші сыныптағы неғұрлым толық жауап берген топты анықтайды.

ІІІ тапсырма

Машықтану кезеңі. Топтарға сандықшаға салынған тапсырмалар жазылған парақшалар(жереби) ұсынылады.Әр топ тапсырманы өздері таңдап алып сол тапсырма бойынша топтық жұмыс жасайды. Топтық жұмысқа 17-20 минут уақыт беріледі. Топ жұмысын сағат тілі боынша қарсылас топтар бағалау критерийлері боынша бағалайды. Топтық жұмыс сәтті орындалса артылған бұтақшалар толық отырғызылады.

ІV. Бағалау,сабақты бекіту

Топтардың сабақ барысында отырғызылған ағаштарының көптігімен топтар өз бағасын алады.Мектебіміздің қасбетін (фасад) көркейтуге өз білімдерімен ат салысқан топ жеңімпаз атанады.

V. Қорытынды-кері байланыс арқылы жасалады.

Кері байланыс -Жасыл алқап)(поляна)(бүгінгі сабақтағы оқушы мен мұғалім арасындағы байланыс,яғни оқушылар тақтаға ілінген жасыл алқап бетіне қызыл немесе сары көбелектерді жабыстыра отырып,сабаққа өз бағаларын береді.Мұндағы қызыл көбелек-жақсы,қызықты,сары көбелек -орташа ,түсінбеген сұрақтарым болды деген мағынаны береді.)

VІ. Үйге тапсырма: Мүсін тарауын қайталау