Сабақтың тақырыбы: Үлгі бойынша құмырсқаны мүсіндеу

Сабақтың тақырыбы: Үлгі бойынша құмырсқаны мүсіндеу

Сабақтың мақсаты:

1. Білімділік: Оқушыларға үлгі бойынша құмырсқаны саздан, ермексаздан мүсіндеу қасиеттерін саралап саналарына сіңдіру;

2. Дамытушылық: оқушыны өз бетімен жұмыс жасау, қағазбен, ермексазбен ажырата алуға үйрету. Ойлау, есте сақтауқабілеттерін арттыру,оқушының пәнге деген қызығушылығын арттыру;

3. Тәрбиелік: мейірімділікке, имандылыққа тәрбиелеу, білімді, саналы азамат болуға тәрбиелеу.

Сабақ көрнекілігі: оқулық, плакаттар, қағаз, қайшы,, желім, ермексаз т.б.

Сабақтың түрі: аралас сабақ

Сабақтың әдісі: сұрақ-жауап, қызығушылықты ояту

Пәнаралық байланыс: әдеби ертегілермен байланыс

Сабақтың барысы:

І.Ұйымдастырушылық кезеңі:

1. Ұйымдастыру кезеңі: Сәлемдесу, оқушыларды түгендеу, құралдарын даярлау, сынып тазалығына да көңіл аудару.

2. Үй тапсырмасын сұрау:

Сұрақ-жауап (3 минут)

1. Құмырсқаны мүсіндеуге қанша уақыт қажет?

2. Құмырсқа жайлы не білесің? Оның пайдасы бар ма?

3. Құмырсқа мүсінінің жасалу ретін айтып бер.

4. Жұмыс реті бойынша құмырсқаны мүсінде.

5. Ермексаздан және қандай бұйымдар жасауға болады?

6. Ермексаздан, қағаздан қалаған бұйым жасау.

ІІ. ЖАҢА САБАҚ:

Үлгі бойынша құмырсқаны мүсіндеу

Алдымен дене пішіні

мен оның өлшемдерін анықтаймыз.

Үлгі

Жұмыс жоспары

1. Бір-бірінен үлкен үш

қоңыр домалақ жасаймыз.

Үлкенін бір жақ

шетінен сүйірлейміз.

2. Үш домалақты сіріңке

шырпысының бойына тіземіз.

Бұл құмырсқаның басы

мен денесі болады.

3. Көзін кішкене қара

домалақтан немесе моншақтан

жасаймыз.

4. Жіңішке үш қоңыр кесінді

ширатып аламыз.

5. Кесіндінің екі ұшын

саусақпен қысып жалпақтаймыз.

Бұл құмырсқаның

табаны болады.

6. Үш кесіндіні оның денесіне

жапсырамыз.

7. Табандарын сыртқа қарай аздап иеміз. Аумаған құмырсқа болып шықты.

Ш кезең

(Қауіпсіздк ережелерн сақтау.) Оқушылардың қайшымен, ермексазбен, қағазбен жұмыс істеу кезінде техника қауіпсіздігін сақтау.

IV кезең

Қорытындылау. Балалардың еңбегін бағалау.

V кезең

Үй тапсырмасын беру:

1. Ермексаздан бірнеше құмырсқа жаса.

2. Ермексаздан қызыл қоңыз немесе аққаланы жаса.

№ 34 орта мектеп

Ашық сабақ

«Үлгі бойынша құмырсқаны мүсіндеу»

1 «Ә» сынып

Мұғалім: Каюпова Маруса

Тараз қ.