Мұхтар Мағауиннің «Бір атаның балалары» повесінен үзінді

А.Д.Кулжанов - Қазақ тілі мен әдебиеті пәні І санатты мұғалімі

Қарағанды облысы Жаңаарқа ауданы Ақтүбек ауылы

Ақтүбек ЖОББ мектебі

Электронды пошта: [email protected]

Сабақтың тақырыбы: Мұхтар Мағауиннің «Бір атаның балалары» повесінен үзінді

Сабақтың мақсаты: Мұхтар Мағауиннің «Бір атаның балалары» повесіндегі Зигфрид бейнесіне талдау жасау. Оқушыларға шығарма арқылы Ұлы Отан соғысы жылдарындағы жетім балаларға жасалған қамқорлықты таныту. Қазақ халқына ғана тән «қамқорлық» атты ұлы қасиетті мақтаныш ету сезімін ұялату.

Сабақтың мазмұны: әдебиет пәнінің өзіндік ерекшеліктерін тани отырып, ұлттық тәрбие құндылығын пайымдау.

Күтілетін нәтиже: Оқушылар қандай күрделі мәселе болмасын топпен талқылауды үйренді. Әр топ мүшесінің өзіндік ой-пікірі, идеясы, жеке тұлғалық қасиеті қалыптасты

Түрі: Алған білімдерін жүйелеу, оқушының ой-өрісін дамыту сабағы Әдіс-тәсілі: Блум таксономиясын қолдану

Көрнекілігі: Электронды тақта, слайд, сызбалар, қаламгер портреті

Сабақ барысы:

Мұғалім сөзі: Ұлы Отан соғысы біздің жүрегімізде өшпестей із қалдырды. Өткен тарихты санамыздан алып тастау мүмкін емес шығар. Жазушы М: Мағауиннің «Бір атаның балалары» повесінен беріліп отырған үзіндіде тылдағы өмір суреттері көрсетілген. Ел басына қиын-қыстау күн туғанда қазақтың өзіндей дарқан даласы, оның кең пейілді, жаны жомарт адамдары жетімдерге, панасыздарға ұлты мен нәсіліне қарамастан құшағын айқара ашып, оларды өз бауырына тартты.

Қазір біздің елімізде 130-дан астам ұлт пен ұлыс өкілдері тату-тәтті өмір сүруде.