Сабақтың тақырыбы: Дәстүрден тыс діни ағымдар

Ақтөбе облысы, Ақтөбе қаласы,

Есет батыр атындағы Ақтөбе облыстық мамандандырылған көпсалалы лицей - интернаты

тарих пәні мұғалімі Айнур Тагибергеновна Бектлеуова

Күні: Класы: 9 «А» ; Пәні: дінтану

Тақырыбы: Дәстүрден тыс діни ағымдар

Мақсаты: б) тақырып туралы толық мағлұмат беру, т) дәстүрден тыс діни ағымдарды өзге діндерден ажырата білуге үйрету, өз дініне деген құрмет сезімін қалыптастыру д) білімдерін шыңдай отырып, өзара талдау жасай білуге дағдыландыру, тарихи танымын, көзқарастарын қалыптастыру, дамыту

Әдісі: жүйелік тәсіл

Көрнекілігі: дүние жүзі картасы

Пән аралық байланыс: география

Барысы: І. Ұйымдастыру.

ІІ. Өткенге шолу.

ІІІ. Жаңа сабақ.

Жоспар:

1. Дәстүрден тыс діни ағымдардағы сананың улануы.

2. Қазіргі Қазақстандағы тыйым салынған діни экстремистік ұйымдар.

• Қазақстанда қазір 5000 - ға жуық діни ағым ресми тіркеуден өтіп отыр.

• Әлемдік тәжірибеде осы ағымдардың жұмысына байланысты қылмыстық істердің тіркелгендігі мәлім.

Жаңа діни ағымдар өздерінің уағыздарымен жұрттың

• Жүрегін жылытып,

• Қайғырғанға жұбаныш айтып,

• Жұмыссызға жұмыс беріп,

• Қайырымдылыққа ас беріп,

• Үмітсізге болашақтан бақытты өмірді уәде етумен өз қауымдарына тартып, талай миссионерлік қызмет атқаруда.

Ерекшеліктері:

• Бұл ұйымдарда тірі адамға табынады (ұйым басшылары тірі құдай ретінде қабылданады)

• Жиындарының көбісі жасырын өткізіледі

• Ұйым мүшелері қатал рухани бақылауда болады

• Бұл ұйымдар қоғамға қарсы әрекет жасайды

• Жаңа келген адамға ерекше мейірім көрсету

• Үздіксіз медитация, қасиетті сөздерді қайталау арқылы трансқа /санадан тыс болу/ түсу

• Индоктринация - ұйымда уағыздалатын ілімді түсіндіру, 3 - 4 сағаттық діни рәміздер

• Діни уағыз, медитациялық музыка.

Мақсаты:

1. Әлемдік деңгейдегі атақ - абыройға ие болу;

2. Өздеріне жаппай мүшелерді жинау;

3. Ұйым мүшелерінің санасын өзгерту мақсатында олардың психикаларына әсер ету;

Қазіргі Қазақстанда тыйым салынған діни экстремистік ұйымдар:

«Әл Каида» /арабша тұрақ, негіз/ - көптеген тармақтарға тарамдалып кеткен, әлемнің әр бұрышындағы ислам күрескерлерін қаржыландыру және олардың қызметтерін үйлестірумен айналысатын халықаралық ұйым. 1988ж Усама Бен Ладен тарапынан негізі қаланған. Мақсаты - мұсылман елдеріндегі «шектен шыққан» билік жүйесін төңкеріп, шариғаттық басқару формасын орнату болып табылады. Исламның басты жауы ретінде - АҚШ-ты санайды.

«Шығыс Түркістан Ислам Партиясы» - 1999ж құрылған діни экстремистік ұйым. Штаб пәтерлері Пәкістанда орналасқан. «Жихад» идеясына негізделген «дінсіздермен» күрес түсінігін басшылыққа алады. Басты мақсаттары - Қытай Халық Республикасында тәуелсіз Шығыс Түркістан Республикасын құру болып табылады.

«Күрд Халықтық конгресі» - 1978ж Түркия республикасының оңтүстік шығысында қарулы күрес жолымен тәуелсіз Күрд мемлекетін құру мақсатында ұйымдасқан. Соңғы 25 жыл ішінде аздаған қарулы топтан жақсы қаруланған әскер деңгейіне дейін көтерілген КХК әр түрлі қаржыландыру көздерінің көмегімен сансыз лаңкестік әрекеттерді жүзеге асыруда.

«Өзбекстан Ислам Қозғалысы» - 1997ж Тәжікстан территориясында ұйымдасқан. Мақсаты - Өзбекстан Республикасының конституциялық құрылымын құлатып, аймақта ислам мемлекетін құру болып табылады. Орта Азия аймағында тұрақтылықты шайқау ісімен көзге түседі.

«Асбат әл Ансар» - 1985ж қалыптасқан исламдық ұйым. Штаб пәтері Ливан территориясындағы Палестинаның «Айнал Хыльуа» деген лагерінде орналасқан. Аталған орында ерікті жауынгерлерді дайындықтан өткізіп, әлемдегі «ыстық нүктелерге» жіберіп отырады.

«Мұсылман бауырлар ұйымы» - 1928ж Хасан әл Баннаның Мысыр мемлекетінің Исмаилия деген ауданында құрған діни саяси ұйымы болып табылады. «Біздің идеалымыз - Алла, басшымыз - Пайғамбар, ата - заңымыз - Құран » дейді. Қазір әлемнің 70 ке жуық елінде ашық және жасырын түрде әрекет етуде.

«Боз курт» - шектен тыс оңшыл ұлттық сипаттағы әскериленген түркиялық қозғалыс. Ортақ идеялары - біртұтас түркі мемлекеттерін құру. 1965 - 70жж қалыптасты. 80-ші жылдарда саяси және қоғам қайраткерлеріне қарсы террорлық актілер ұйымдастырған. Негізгі нысандары - жастар.

«Талибан» - Ауғанстандағы діни саяси сипаттағы қозғалыс. Ресми түрде 1994ж Пакистан Ислам Республикасының қолдауымен қалыптасады. Әр түрлі террорлық әрекетті қолданады. Орталық Азияда мемлекеттік билікті қолға түсіруге, Өзбекстан, Тәжікстан, Қырғызстандағы конституциялық жүйені құлатуға әрекеттенген.

Қазақстанда тыйым салынған осындай ұйымдардың жалпы саны - 14. Мынау солардың негізгілері болып табылады.

Қорытынды.

Бағалау.

Үйге тапсырма: қайталау.