Урок по всемирной истории на темуИталия Жумһурийитиниң қурулуши (11 класс)

Дәрисниң мавзуси: Италия Жумһурийитиниң қурулуши.

Дәрисниң мәхсити: Билимлик Оқуғучиларға ХХ әсирниң 60-вә ХХІ әсирниң бешидики ИталияЖумһурийитиниң қурулуши вә ихтисадий ижтимаий вә сәясий тәрәққиятини чүшәндүрүш.

тәрәққий әткүзүш: Дәрискә болған қизиқишини ашуруш

тәрбийәлик Әлләр тарихини һөрмәтләшкә тәрбийләш.

Дәрисниң түри: Йеңи дәрисни чүшәндүрүш,комбинирлиқ

Дәрисниң уюштуруш түри: лекция

Дәрискә керәкликкөрнәклик қураллар: Хәритә, дәрислик,интерактивлиқ тахта, слайдлар, электронлуқ дәрислик

Қоллинидиған метод, усул: Чүшәндүрүш, Соал -жвап, илюстративлиқ метод, репродуктивлиқ методлар.

Дәрисниң бериши:

І.Уюштуруш қисми: Оқуғучилар билән саламлишиш. Синипниң санитарлиқ - гигиенилиқ һалитигә нәзәр авдуруш. Оқуғучиларниң пайдилинидиған қурал-жабдуқлирини түгәлләш вә нәзәрини дәрискә жәлип қилиш. Оқуғучилардин мениң бүгүнки кәйпиятини сораш, бир биригә қарап «Сиз бүгүн қандақ чирайлиқ» дегән сөз билән дәрискә һазирлитиш.

Шатлиқ чәмбәр. Саламәтмусиләр һөрмәтлик оқуғучилар. Қени оқуғучилар , оттурға чәмбәр қуруп бир- биримизгә яхши тиләкләр ейтип, яхши кәйпият тиләп бүгүнки дәрисимизни башлайли..

Яххши,мошу ейтқан тиләклириңлар яхши болсун дәп , мән силәрниң ишиңларға утуқ тиләймән.

ІІ Өй тапшурмисини тәкшүрәш

1.Барлиқ оқуғучиларниң өй тапшурмисинип чүшинип орунлиғанлиғини ениқлаш. Оқуғучиларниң өй тапшурмисини орунлиғанлиғини ениқлап, әгәр дурус орунлимиған болса хаталирини йоқ қилиш, чүшәндүрүш.

Франция қандақ мәмликәт?

Франция мәмликитидә қандақ өзгиришләр болди?

Францияниң 1960-2000ж.ж. тарихиға қандақ баһа беришкә болиду?

ІІІ. Оқуғучиларниң субъектлиқ тәжрибисини ашуруш

Италия мәмликити тәрәққиятида қандақ алаһидиликләр болуши мумкин?

ІV . Йеңи мавзу:

Жумһурийәтниң қурулуши. Фашизмдин әлни азат қилғандин вә уруш аяқлашқандин кейин Италияниң алдиға келәчәк сәясий қурулуш һәққидики мәсилә турди. Бу мәсилә бойичә пухраларниң пикрини ениқлаш үчүн 1946-жили июньда пүткүл хәлиқлиқ референдум өткүзүлди. Референдум билән бир вақитта Тәсис мәжлисигә сайлам өткүзүлди. Премьер-министр болуп Христиан-Демократиялик партияниң рәһбири Альчиде Де Гаспери сайланди. Премьерниң орунбасари вә әдлийә министри лавазимини Италия Компартиясиниң баш кативи Пальмиро Тольятти егилиди. Коалициялик һөкүмәт шәкилләнди, униңға шундақла коммунистлар вә социалистлар кирди.

1947-жили декабрьда йеңи Конституция қобулланди. Италия жумһурийәт дәп жакаланди. 1948-жили әтиязлиғи биринчи жумһурийәтлик парламентқа сайлам өткүзүлди. Христиан демократлири ғәлибә қазанди. Де Гаспери өзиниң нөвәттики һөкүмитини коммунистларсиз шәкилләндүрди.

50 - 90- жиллардики Италияниң ижтимаий-ихтисадий вә сәясий тәрәққият. Уруштин Италия интайин ажизлашқан вә санаити бузулған һаләттә чиқти. 1948-жили июньда Италия Маршалл планини қобул қилиш бойичә американ-итальян келишимини имзалиди.

1946-жили Италиядә неофашистлиқ партия «Итальян ижтимаий һәрикити» вәжәтқа кәлди. Дәсләпки вақитларда һакимийәт орунлири ИСДни байқимасқа тиришти, лекин 1960-жили язлиғи вәзийәт қаттиқ кәскинләшти.

Италияниң европилиқ ихтисадий интеграциягә қатнишиши униң мәнпийитигә жавап берәтти. Италия бу жәриянни қоллап-қувәтлиди вә ЕИИда иккинчи орунни егилиди. Амма бу қәдәмгә маңған һалда, итальян һакимийити өз зиммисигә хелила еғир жүкни артқан еди.

1962-жили христиан демократи А.Фанфани сол мәркәзниң һөкүмитини қурди, униңға ХДП, социал-демократлар вә жумһурийәтчиләр вәкиллири кирди.

1992-жили февральдин 1994-жилғичә Италиядә судья Ди Пьетрониң башчилиғида кәң көләмлик «Таза қоллар» кампанияси башланди, 1992-1994-жиллар арилиғида 2 миңдин ошуқ әмәлдарлар, парламент әзалири вә һәр хил сәвийәдики партия хадимлири тартилди.бу һакимийәт боһраниға елип кәлди вә мәмликәт президенти О.Л.Скальфаро 1994-жили мартта муддәттин илгири парламент сайлимини өткүзди. Ғалибийәткә интайин жирик телемагнат Сильвио Берлусконни қурған «Әркин альянси» коалицияси еришти.

Итилияниң һазирқи күндики тәрәққияти. Бүгүнки Италия- санаити жәһәттин жуқури тәрәққийләнгән мәмликәт. Бә Европидики аһалиси зич жайлашқан әлләрниң бири. Аһалисиниң сани бойичә Италия Европа әллири ичидә 2-орунни егиләйду.

2006-жили язлиғи һакимийәт бешиға Р.Проди һөкүмити кәлди. Дәл мошу вақитта жумһурийәт президентини сайлаш сайлими болди. Сайлам төрт турда өткүзүлди вә 10-майда аяқлашти. 11-майда президент болуп сабиқ итальян коммунистик партиясиниң әң чоң рәһбәрлириниң бири Джорджо Наполитано сайланди. Лекин 2007-жилниң башлирида Италиядә новәттики сәясий боһран башланди. 2007-жили 14-февральда Р.Проди истипаға кәтти. Лекин коалиция униң қайтидин лавазимға келиши үчүн аваз бәрди. У премьерниң 12 тәливини қобул қилишқа разилиқ бәрди, у тәләпләрниң бири итальянлиқларниң Авғанстанда болушини сақлап қелиш еди.

Италия 1960-1990 ж.ж

Италия 1990-2000 ж.ж

V.Йеңи алған билим йәни иш һәрикәтниң дәсләпки дәврини тәкшүрәш:

Оқуғучиларниң йеңи өтүлгән мавзуни чүшәнгәнлигини ениқлаш. Униң үчүн өтүлгән мавзуниң асасий соаллирини қоюп, тәкшүрәш.

VI. Йеңи алған билим йәни иш һәрикәт йоллирини бәкитиш: «Мозаика» дәп атилидиған оюн арқилиқ өтүлгән мавзуни мустәһкәмләш. Дәрис бойичә бир биригә соал қош арқилиқ эксперт устаз өзи болуп, соалларниң дуруслиғини тәкшүрәш

VII.Йеңи алған билимини йәкүнләш: Өтүлгән мавзуни асасий соаллар билән мустәһкәмләш.

1. Италия тәрәққиятида қандақ алаһидиликләр болди.

2. Италиядики солчи һөкүмәт сәясити?

VIII.Өйгә тапшурмиси тоғрисида мәлумат бериш: Өйгә § 7 39-49 бәт оқуп келиш. Параграфниң ахиридики соалларға еғизчә тәйярлиниш.

IX.Дәрисни йәкүнләп оқуғучилар әмгигини баһалаш Оқуғучиларниң әмги гини баһалап, күндиликлиригә баһа қоюш