Cабақтың тақырыбы: Электрондық кестелердің негізгі ұғымдары

Сабақ жоспары

Пән: Информатика

Күні: 15.02.2016

Сыныбы: 8 "А"

Сабақтың тақырыбы: Электрондық кестелердің негізгі ұғымдары.

Білімділік: Оқушыларды электрондық кестелермен (MS Excel-мен), кестелік редактордың негізгі ұғымдарымен таныстыру.

Дамытушылық: Оқушылардың пәнге деген қызығушылығын оятып, ойлау қабілетін, есте сақтау қабілетін дамыту. Таным белсенділіктерін арттыру.

Тәрбиелік: Оқушыларды ұқыпты болуға, тереңнен ойлауға, шығармашылыққа тәрбиелеу.

Сабақтың түрі: аралас

Сабақтың әдісі: түсіндіру, практикалық тапсырма орындау, сөзжұмбақ шешу, өз ойын жеткізу

Сабақтың көрнекілігі: интербелсенді тақта, электрондық оқулық, А1 қағазы, ноутбуктер, үлестірмелі карточкалар

Сабақтың жоспары:

1. Ұйымдастыру кезеңі

2. Үй тапсырмасын тексеру

3. Сабақтың тақырыбын ашу

4. Сабақтың мақсатын ашу

5. Жаңа сабақ

6. Сабақты бекіту

7. Сабақты қорытындылау

8. Үй тапсырмасын беру

9. Бағалау

Сабақтың барысы:

1. Ұйымдастыру кезеңі. Оқушылармен амандасып, оқушыларды түгендеу.

2. Үй тапсырмасын тексеру. Сәйкестікті тап:

3. І кезең. Жаңа сабақ.

Кесте ұғымы күнделікті өмірде кездеседі, міне, олардың бірнеше мысалы: көбейту кестесі, сынып журналы, үлгерім күнделігі. Оны толтыру барысында сендер қажет бағанды табасыңдар, содан кейін тиісті жолға тапсырма жазасыңдар, осылайша, дайын кестені толтырғандарыңды байқамай да қаласыңдар. Бірақ бұл кестелерде ешқандай есептеу орындалмайды. Кестелік есептеу үшін олар бойынша есептеу жүргізілетін қарапайым формула мен есептеуге қатысты бастапқы деректері болуы тән.

Кесте - ақпараттың жолдар мен бағандарда реттеліп берілуі. Кесте жолдар мен бағандардың кез келген санынан құрылуы мүмкін.

Жол - көршілес ұяшықтардың көлденең бірлестігі.

Баған- көршілес ұяшықтардың тік бірлестігі.

Бағандар мен жолдар қиылысып ұяшықтар түзеді.

Ұяшық - дерек сақталатын орын.

Ұяшықтарда алғашқы немесе 1-ші, сондай-ақ алғашқы деректермен орындалатын операциялардың нәтижесі болып табылатын туынды ақпараттар болуы тиіс.

Ехсеl электрондық кестесінде бағаналар саны - 256, ал қатарлар саны - 65 536-ға тең. Әрбір бағана мен қатардың қиылысқан жерінде ұяшық немесе тор деп аталатын тік төртбұрыш орналасқан. Оған мәліметтерді (мәтін, сан, немесе формулалар) енгізуге болады. Парақтағы ұяшықтардың жалпы саны - 16 777 216-ға тең. Әрбір ұяшыққа 32 мың символ енгізу мүмкіндігі бар.

Бағаналары

Жолдары

Excelде мәлімет енгізудің 4 түрі бар:

1. Сан

2. Текст

3. Дата (мерзім)

4. Формула

1) Excelде сан (цифр) жазғанда арасында бос орын болмау керек. Енгізілген сан автоматты түрде ұяшықтың оң жағына тұрады.

2) Текст- Excel санға не формулаға ұқсамаған кез келген символды, әріпті текст ретінде санайды да, автоматты түрде ұяшықтың сол жағына орналастырады. Текст клеткаға сыймаса, жанындағы бос клеткаларды жауып жазыла береді.

3) Дата - Excel дата енгізгенді тез түсінеді. Мысалы, мен А2 клеткасына 1 мамыр 1995 деп жазсақ, ол автоматты түрде 1.май.95 деп өзгертіледі де оң жаққа қойылады. Ал формула жолында А2 клеткасында 1.05.1995 көрсетіледі.

4) Формула - Excelде мәліметті автоматты түрде есептеуге арналған формула = белгісінен басталады да клетка адресі мен математикалық операция жазылады. Арифметикалық операция белгілері:

+ (қосу), - (алу), / (бөлу), * (көбейту) т.б. Формулада ұяшық адресін тышқан курсорымен түртіп көрсетіп, не болмаса адресін клавиатура арқылы енгізуге болады. Клеткадағы формулада не т.б мәліметте қате кетсе түзету үшін көрсеткішпен ерекшелеп, F2 клавишасын басамыз не формула жолына түртіп курсорды қойып түзейміз. Қате жөнделген соң Enter басып шығамыз.

ІІ кезең. Гүл өскінін отырғызу. 1-тапсырма. Төмендегі сұрақтарға жауап беріңдер.

1. Жол мен баған қиылысқанда ... орналасады.

2. Ұяшық ... мен ... тұрады.

3. Электрондық кестенің қай ұяшығы белсенді деп аталады?

4. Ұяшыққа енгізілген мәлімет ... ... көрсетіледі.

5. Электрондық кесте ... жолдан, ... бағаннан тұрады.

6. Жолдар ..., бағандар ... ... белгіленеді.

ІІІ кезең: "Гүлімізді суару". 2-тапсырма.

І деңгей: 8-сынып оқушыларының І тобының тізімін кестеге енгіз.

ІІ деңгей: Оқулықпен жұмыс. Банк қызметкерлерінің 2015 жылдың

І кварталы бойынша алған еңбекақылары.

ІІІ деңгей: Оқушылардың қорытынды бағаларын шығару

В

С

D

E

F

1

8-сынып оқушыларының информатика пәні бойынша тоқсандық бақылау жұмысының қорытындысы

2

Аты-жөні:

І тоқсан

ІІ тоқсан

ІІІ тоқсан

IV тоқсан

Жылдық

3

Аканов А.

4

5

4

4

4

Досымбеков Ә.

4

4

3

4

5

Каржасов М.

3

3

4

3

6

Сакенов Р.

4

4

5

4

7

Серикпаев Р.

5

5

4

5

8

Хасенов Н.

5

5

5

5

9

Шайкенов Е.

3

3

3

4

Сабақты бекіту: "Гүлімізді органикалық заттармен тыңайту"
ІV кезең: 1-тапсырма: "Қайталау - оқу анасы"

1. MS Excel қандай процессор?

2. Ұяшық сөзінің орысша аудармасы.

3. Дэн Бриклин және Боб Френкстонның қай мамандықтың студенттері болған?

4. MS Excel процессорын қосқан кезде MS Excel-дің ... ашылады?

5. Әрбір ұяшықтың өз ... болады.

2-тапсырма: "Сұрақ - саған, жауап - маған" .

V кезең: Сабақты қорытындылау

1-тапсырма: Қақпаға допты сал.

• Бұл кезеңде әрбір допта сұрақ бар,егер де оқушылар дұрыс жауап берсе, доп қақпаға кіреді.

2- тапсырма: "Кім көп біледі?" Информатикалық терминдер кестесі.

• Берілген кестеден информатикаға байланысты сөздерді тауып алу қажет.

3-тапсырма: Білгенін қағаз бетіне түсіру.

• Бүгінгі алған білімдеріңді сызба түрінде мына А1 ақ қағазында көрсетіңдер. (Оқушыларға А1 қағазы мен түрлі түсті фломастерлер беріледі, қысқаша сабақта түсінгендерін қағаз бетіне түсіру).

• Ал енді бүгінгі сабағымды келесі мақалмен аяқтағым келіп отыр:

Қыз өссе елдің көркі,

Гүл өссе жердің көркі - дей келе біздің алған білімдерімізге байланысты гүліміздің қаншалықты өскенін көрейік.

VI кезең: Үйге тапсырма беру:

§26, 27 оқып келу. А4 қағазына «Кестелік процессор» сөзіне сөзжұмбақ құрастыру.

VII кезең: Бағалау.

• Оқушылардың сабаққа қатысуына байланысты тиісті бағаларын қою.

Сабақ аяқталды, Сау болыңыздар!