Конспект урока с УУД по крымскотатарскому чтению на тему Э. Ибраим Къартбабамнынъ насиаты

3 сыныф

Мевзу: Э.Ибраим «Къартбабамнынъ насиаты».

Макъсатлар:

- талебелерни Э.Ибраимнинъ «Къартбабамнынъ насиаты» адлы шииринен таныштырув;

- буюклерге урьмет дуйгъусыны ашлав.

Мерифет УУД (познавательные):

- малюматны бир шекильден диггер шекильге авуштырув;

- метинни анълав;

- оджа ве талебенинъ бирликте беджерген ишлерининъ нетиджелерини чыкъарув;

- метинден я да ресимден суаллерге джевап тапмакъ.

Регулятив УУД (регулятивные):

- талебенинъ оджа ярдымынен дерстеки арекетлернинъ макъсадыны тайинлев;

- сыныфта нутукъ медениетини юксек севиеге котермек ичюн ярыш муитини яратув.

Коммуникатив УУД (коммуникативные):

- озь фикирлерини агъзавий шекильде ифаде этюв;

- динълемеге ве башкъаларнынъ айткъанларыны анъламагъа огретюв;

- метинни ифадели окъув;

- озюнинъ ве башкъаларнынъ япкъан ишлерине къыймет кесюв.

Шахсий нетиджелер:

- къараманларгъа озь мунасебетини косьтерюв;

- талебелерде буюклерге урьмет дуйгъусыны ашлав.

Дерснинъ кетишаты:

1. Тешкилий къысым.

Бильгилерини актуаллештирюв.

Ресимнен иш:

- Ресимге бакъынъыз.

- Мында кимлерни коресинъиз?

- Энъ къарт, энъ эсас адам кимдир? (Къартбаба)

2. Мевзуны айтув.

Бугунь насыл мевзуда сез юрьсетеджекмиз?

3. Янъы мевзу:

1. Лугъат иши (янъы сёзлернинъ изаатыны бермек, оларнен бирер джумле тизмек): насиат, саф юрек, муче, элял.

2. Биринджи окъув. Оджа шиирни ифадели окъуй.

3. Шиирнинъ талили.

- Шиирни окъугъанда, сизде насыл дуйгъулар пейда олды?

- Къартбаба балаларгъа насыл насиатлар бере? Шиирден тапып окъунъыз.

- Сизнинъ къартбабанъыз бармы? О шиирдеки къартбабагъа бенъзейми?

4) Талебелер шиирни ифадели окъумагъа азырланалар.

5) Аталар сёзлерининъ манасыны анълатув.

Къарткъа урьмет, яшкъа ёл.

4. Нетиджелев.

- Бугуньки дерсте насыл къараманнен таныш олдыкъ?

- Бу шиир бизни неге огрете?

5. Эв вазифеси:

Шиирни ифадели окъув.

Къартбабанъызнынъ ресимини япынъыз.