Урок по казахскому языку Қысқы ойындар (5 класс)

Күні, айы, жылы:22.01.2015 жыл

Цикл: ІV

Мұғалім: Қабышева Мадина Иренғайыпқызы

Сабақтың тақырыбы: Қысқы киім. Қысқы ойын түрлері

Сабақтың мақсаты:

1.Білімділік: Балалардың қыс мезгілі туралы білімдерін кеңейтіп, сөздік қорын байыту. Сұраққа нақты жауап беріп, сурет мазмұнына сай әңгіме құрап айтуға үйрету. Қысқы ойындарды әңгімелеп айтуға баулу. Қыс мезгілінде ойналатын ойындарды, сырғанауға арналған заттарды ажырата білуге үйрету
2.Дамытушылық: : Сабаққа, ойынға деген қызығушылығын арттыру, Әңгімелеу кезінде, өздерінің ұнаған көркем бейнелі сөздерді тауып айтуға жаттықтыру. Оқушылардың сөздік қорын,ойын, көз алдына елестету,есте сақтау қабілеттерін дамыту.

3.Тәрбиелік: Балаларды адам мен табиғат арасындағы қарым - қатынас арқылы еңбексүйгіштікке, татулыққа, бірлікке тәрбиелеу.

Сабақтың түрі: қорытынды сабақ

Сабақтың әдіс-тәсілі:жеке жұмыс, сұрақ - жауап, түсіндіру, баяндау, ойқозғау, талдау, суреттеу

Сабақтың көрнекілігі: суреттер, презентация

Пәнаралық байланыс: тарих, әдебиет

Сабақтың барысы:

І. Ұйымдастыру кезеңі: 1.Оқушылармен сәлемдесу.

2.Оқушылардың зейіндерін сабаққа аудару.

3.Кезекшінің сөзі

ІІ. Үй тапсырмасын тексеру: ІІІ-деңгей - сөздерді жаттау, ІІ-деңгей - өлеңді жаттау, І-деңгей - Абай Құнанбаев туралы әңгімелеу

ІІІ. Жаңа сабақ:

1.Жұмбақ шешу:
Көзіңе көрінбейді,
Тоңдырып қызартады.
Күні - түні ерінбейді,
Өзенге мұз артады. (Аяз)

- Балалар аяз жылдың қай мезгілінде болады?
- Қыс мезгілінде болады.
- Қыс мезгілі қандай болады?
- Салқын болады, беті - қолымыз тоңады. Қар жауады, боран болады.
- Қыста біз қалай киінеміз?
- Жылы киімдерімізді киеміз.
- Қандай қысқы ойындарды білеміз?
- Аққала соғамыз, шанамен сырғанаймыз, шаңғы, коньки тебеміз. Хоккей ойнаймыз.

-Біз бүгін сендермен далаға барамыз. Қысқы ойындарды ойнаймыз. Далаға бару үшін не істейміз? Жылы киінеміз, керекті заттарды аламыз.

"1" дегенім - бөрік,
Кисең бойға көрік.
"2" дегенім - етік,
Киер сәнді етіп.
"3" дегенім - ішік,
Теріден тігер пішіп.
"4" дегенім - тымақ,
Қыста кисең жылы - ақ.
"5" дегенім - байпақ,
Іші жылы,тайпақ.

2.Жаңа сөздермен жұмыс

бөрік, тымақ - шапка

етік - сапоги

ішік, тон - шуба

байпақ, пима - валенки

қолғап - варежки

аққала - снеговик

қалау - лепить

шана - санки

шаңғы - лыжи

тоңу - мерзнуть

1. Сергіту сәті:
   Ішік, пима, қолғап бар
   Арада жоқ тоңғақтар
   Баста қалың малақай
   Біз тоңбаймыз алақай.

2. Деңгейлік тапсырмалар. Тапсырмалар аққаланың бөлшектеріне жазу. Әр деңгейді орындаран кезінде аққала болып шығады.

ІІІ- деңгей

1. Диалогты сын есімдермен толтырыңдар.

• Қыста күн салқындайды, адамдар қалай киінеді?

• Адамдар жылы киінеді.

• Басына не киеді?

• Басына ...тымақ киеді.

• Ал аяғына не киеді?

• Адамдар аяғына ...пима киеді.

• Мойына не тағады?

• Мойына ...шарф тағады.

• Адамдар үстіне не киеді?

• Адамдар үстіне ...тон киеді.

Керекті сөздер: жылы, әдемі, ұзын, қалың

ІІ-деңгей

1.Берілген сөзді септеңіз: тымақ

2. Берілген сөзді тәуелдеңіз: тон

І-деңгей

«Қысқы ойындар» атты тақырыбына әңгіме құрастырыңыз.

ІV. Сабағын бекіту.

• Қазір қандай жыл мезгілі?

• Қыс айлары қандай?

• Қыста адамдар қалай киінеді?

• Балалар қандай ойындарды ойнайды?

V . Үй тапсырмасын беру: ІІІ-деңгей - сөздерді жаттау, ІІ-деңгей -89-90 диалог жаттау, І-деңгей - «Қысқы киім» туралы әңгіме құрастыру

VІ. Оқушылардың жауаптарын бағалау.

VІІ. Сабақтың аяқталуы:

• Сабақ аяқталды. Сау болыңыздар