САБАҚТЫҢ ТАҚЫРЫБЫ БОС УАҚЫТ ӨЗІН-ӨЗІ ТАЛДАУ

Амралина Қ.А.

Өзін-өзі талдау

Тақырыбы: «Бос уақыт»

Сабақтың мақсаты: Бос уақыт тақырыбын меңгерту, бос уақыттың маңыздылығы мен мәнін анықтату;

Міндеттері: оқушылар бос уақыттарын қалай өткізетіні туралы әңгімелейді, диолог арқылы топтық жұмыста талқылайды;

Психологиялық ахуалды жақсарту кезеңінде оқушылар сергіту сәтін орындап, қағаз қиындылары арқылы топқа бөлінді.

Қолданылған әдіс-тәсілдер: АКТ, сын тұрғысынан ойлау стратегиясы.

Қолданылған құралдар: АКТ, флипчарт, түрлі түсті маркерлер, доп, қағаз қиындылары

Қызығушылығын ояту кезеңінде оқушылар бос уақыттың тәртібін көрсетті. Үй тапсырмасын сұрау «Өрмекші торы» әдісі арқылы өтті. Оқушылар шеңберге тұрып, бір-біріне жіптің ұшын беру арқылы, сұрақтар қойып жауап берді. Бұл кезеңде бас бармақ бағалау әдісін пайдаландым. «Миға шабуыл» кезеңінде видео көрсеттім. Бүгінгі сабақпен қалай байланыстырасыңдар?-деген сұрақтар қойылды. Оқушылар өз ойларын жеткізді. «Classter» әдісі өз бос уақыттарын постерге түсірді және жасаған жұмыстарын баяндап берді.

Мағынаны тану кезеңі бойынша «Ассоциация» әдісі қолданылды. Бұл әдістің мақсаты оқушылар тақырыптың сызбасын көрнекілікпен көрсете білу, оқыған тақырып бойынша алынған ақпаратты қолдану.

1- топ бос уақыттарыңды қалай пайдаланасыңдар?

2- топ бос уақыт не үшін қажет тақырыбында өз ойларын дәптерлеріне түсірді. Оқушылар жазған ойларын оқып, бір-біріне сұрақ қойып, диалогтық қарым- қатынасқа түсті.

Ой толғаныс кезеңінде оқушылар 1- топ өлең шығарды, 2-топ ойтолғау жазды, 3-топ сурет салды . 3 топтың оқушылары жұмыстарын айтып сабақты қорытындылады. «ВLОВ ағашы» арқылы рефлексия жүргізілді. Бұл кезеңде оқушылар өздерінің білім деңгейлерін бояп көрсетті. Нәтежиесінде оқушылар бос уақыттың маңыздылығы мен адам өміріндегі алатын орнын анықтады, білді, түсінді.«А» оқушы: анықтады, түсіндірді, салыстырды, «С» оқушы: жинақтады, талдады, сұраққа жауап берді, сурет салды. Қорытындылай келе, тақырыпты оқушылар меңгерді, сабақ мақсатына жетті деп ойлаймын.