Урок изложение по осетинскому языку на тему Ивгъуыд ама абон 9 класс

Темæ: Изложени.

Урочы нысан: 1. Сывæллæтты ныхасыхъæд фæхъæздыгдæр кæнын.

2. Æнæ ивгъуыд абон нæй.

Урочы æрмæг: презентаци.

Урочы цыд:

1. Бацæттæгæнæн рæстæг.

2. Изложени.

1. Текст бакæсын:

Æнæ ивгъуыд абон нæй, æнæ абон райсом не рцæудзæн. Йæ ивгъуыдæн аргъ цы адæм нæ кæнынц, уыдон нæ хъуыды кæнынц сæ абоныл, уыдон зонгæ-зонын цыбырдæр кæнынц сæ фидæн. Абон æмæ райсом рæхысы цæгтау баст сты. Æмæ уыцы рæхысы цæгтæм æнæмæнгæй хауынц адæмы æгъдæуттæ, адæмы бæрæгбæттæ.

Адæм адæм цæмæй сты, адæм иннæ адæмтæй цы æууæлтæй æмæ миниуджытæй хицæн кæнынц, адæмæн йæ бындур цы æнусон цæджындзтыл лæууы, цыфæнды зын уавæрты дæр, суанг цъысымы дæр, фыдæлтæ фæлтæртæм цы стыр хæзнатæ раттынц, уыдон сты адæмы æгъдæуттæ, сæ гуырæн суадон та - адæмы бæрæгбæттæ.

Вазыгджын æмæ хъæздыг сты ирон адæмы æгъдæуттæ. Рæстæг сæ ивы, фæлæ сæ апп æнустæй æнустæм цæуы. Ирон æгъдæуттæ адæймаджы кæнынц рæсугъддæр, йæ ном ын исынц бæрзонддæр, адæймаг кæй у, уый тыххæй йæм æвзæрын кæнынц сæрыстырдзинад, уадзынц дзы ныфс.

Адæмы базонын дæ фæнды, уæд сын, фыццаджыдæр базон се гъдæуттæ, сæ бæрæгбæттæ, уымæн æмæ уыдон сты адæмы зæрдæ, адæмы æнусон тугдадзинтæ, адæмы æвдисæг айдæнтæ.

( Агънаты Гæстæн)

2. Пълан саразын

1. Ивгъуыд æмæ абон.

2. Адæм æмæ æгъдæуттæ.

3. Бæрæгбæтты ахадындзинад адæмы царды.

3. Зынæмбарæн дзырдтимæ бакусын:

Рæхысы цæгтау, цæджындзтæ, цъысымы, сæрыстырдзинад, тугдадзинтæ.

5. Хатдзæгтæ:

базыдтон …

Абон мæ зæрдæмæ фæцыд …

нæ фæцыд …