Ағылшын тілі сабағындағы ойын және шығармашылық тапсырмалар

Ағылшын тілі сабағындағы ойын және шығармашылық тапсырмалар Шет тілін оқуға қызығушылықтың өсуі — қазіргі заман ерекшелігі. Қазіргі заман адамы үшін шетел тілін білуі — оның карьералық өсуінің, табысқа жетуінің, қызықты өмір сүрудің негізгі кепілі. Шетел тіліне деген қызығушылықтың өсуі ұстаздарға үлкен жауапкершілікті әкеліп жүктейді. Әр сабақтың қызықты, әрі тартымды өтуіне сабақта қолданылатын шығармашылық тапсырмалар мен ойындар қамтамасыз етеді. Қазақ халқының даналық сөзі «Ойында озған, ө...
Раздел Иностранные языки
Класс -
Тип Конспекты
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

Ағылшын тілі сабағындағы ойын және шығармашылық тапсырмалар

Шет тілін оқуға қызығушылықтың өсуі - қазіргі заман ерекшелігі. Қазіргі заман адамы үшін шетел тілін білуі - оның карьералық өсуінің, табысқа жетуінің, қызықты өмір сүрудің негізгі кепілі. Шетел тіліне деген қызығушылықтың өсуі ұстаздарға үлкен жауапкершілікті әкеліп жүктейді. Әр сабақтың қызықты, әрі тартымды өтуіне сабақта қолданылатын шығармашылық тапсырмалар мен ойындар қамтамасыз етеді. Қазақ халқының даналық сөзі «Ойында озған, өмірде де озады» дейді. Өйткені ойын -
• оқушылардың ойлау іс - әрекеттерін белсенді ететін оқыту құралы.
• оқушылар үшін оқу процесін қызықты әрі тартымды етуге көмектеседі.
• барлық оқушылардың белсенді қатысуын қамтамасыз етеді.
• оқушыларға өзара түсінісуге, бір - біріне көмектесуге әрі соңғы нәтижеге жету үшін береке - бірлікті нығайтады.
• оқушыларға өз сезімдерін ашық білдіруге, өздеріне деген сенімділікті нығайтуға үйретеді.
Жалпы айтқанда ойын тілді меңгеруге арналған өте мықты құрал.
Ойынды сабақта өткізудің өз талаптары бар. Ойын кез - келген уақытта ойнатылуы мүмкін: сабақ басында, ортасында немесе аяғында. Ол өзіңіздің қойған мақсатыңызға байланысты. Егерде тақырыпты бекітуге арналаса тіпті 20 - 25 минутыңызды арнауға болады, ал келесі жолы сол ойын қайталауға арналас, оған аз уақыт жұмсалады. Ойынға қойылатын негізгі талабы ойын ережесін қатаң сақталуы (карточканы ешкімге көрсетпейміз десек - көрсетпейміз, ойын кезіндегі тәртіп), мұғалім ойын барысында мүмкіндігінше мейірімді болу қажет (белсенділігін төмендетпеу үшін оқушыларға тәртіп бойынша ескертулер жасалмайды), оқушы өзін ойында еркін сезіну қажет. АҚШ - тың мектептерінде мұғалімдерге оқу жылының басында мынадай жадынама беріледі екен: "101 ways to praise a child".
Ойынның педагогикалық классификациясын сіздер өздеріңіз де жақсы білесіздер. Оны қайталаудың қажеті жоқ деп ойлаймын. Тек оқуға арналған ойын түрлерін атап өтейін:
1. Фонетикалық ойындар
Негізгі мақсаты дыбыстарды дұрыс айтуға үйрету. Әріптердің, сөздердің, мәтіннің дұрыс оқуын үйрету.
• Әріптерді дұрыс атау
• Әріптердің алфавиттегі орнын білу
• Әріптер мен дыбыстардың сәйкестігін білу
• Фонетикалық жаттығулар
• Тыңдауға арналған ойындар
2. Орфографиялық ойындар - сөздердің дүрыс жазылуын қалыптастыру. Бүл ойындарға: wordsearches, word spaghetti, crosswords, puzzles және ребустар жатады. (экраннан көрсетіп түсіндіру) орфографияға келесі ойындарды ойнатуға болады:
• «Телеграмма» (1 оқушы телеграфта істейді, басқа оқушылар телеграмма жібереді, ал ол болса оларды тақтаға жазып жібереді)
• «Кезекші әріп» ойыны. Бір әріп кезекші болып таңдалады. Оқушылар 2 - 3 минут ішінде сол әріптен басталатын сөздер жазып шығу керек.
• «Шашылған әріптер» (жеке әріптерден сөз құрау керек)
• «Word building» ойыны (оқушыларға ұзақ сөз беріледі, сол өзден басқа сөздер құрау керек)
3. Лексикалық ойындардың мақсаты әртүрлі жағадаяттарда қажетті лексикаларды қолдануды жаттықтыру, оқушылардың тілдік реакциясын дамыту.
Лексикалық ойындарға кроссвордтарды, board games, ребустарды жатқызуға болады. (слайдтан көрсетіп айту)
Ойын ойнату: Finding places.
4. Грамматикалық ойындар. Шетел тілін оқу үй салумен тең деген екен бір ғұлама. Лексика сол үйдің кірпіші болса, грамматика сол кірпіштерді біріктіретін цемент тәріздес деген екен ол. Жалпы ойындарды лексикалық не грамматикалық, фонетикалық не орфографиялық деп бөліп жарып қаруға болмайды. Олардың барлығы да бір - бірімен тығыз байланыста. Грамматикалық ойындардың мақсаты - қиындық туғызатын нақты бір грамматикалық тақырыптар бойынша сөйлеу бірліктеріндамыту, қайталау. Мен сабақтарымда мынадай грамматикалық ойындарды қолданамын. Олар board games, talking worksheets. (слайдтан көрсетіп айту)
5. Рөлдік ойындар (слайдтан көрсетіп айту)
Ойынды өткізу технологиясы:
1. Ойынды дайындау
● Тақырыбы
● Оқыту мақсаты
● Ойынның қатысушыларын анықтау және рөлдерді бөлу
● Сценарийді қарастыру, қажетті көрнекілік құралды дайындау, ойынның орынын және уақытын белгілеу
2. Ойынды өткізу
• Оқыту жағдаятын жүргізу
3. Нәтижесін шығару
• Уақыты
• Оқушыларға жалпы және жеке баға беру
• рефлексия
Ойынның қандай қызықты әрі тиімді болса да, ойын оқушыларды шаршатып, эмоционалдық әсерін жоғалту мүмкін екенін ұмытпау керек. Сабақтың басынан аяғына дейін ойынмен өткізу мүмкін емес.




© 2010-2022