КПУ по английскому языку на тему Рей Бредбери

Сабақты талдау

Әр сабақта жағымды атмосфера орнатуға ұмтылу - жақсылық пен ізгілік нышаны[2.,119]. Сабақтың басында жағымды атмосфера құрып алу, сабақтың ары қарай сәтті өтуіне оңды ықпал етеді. Сол себепті, ең алдымен оқушыларды «Шаттық шеңберіне» тұрғызып, «От шашу» деген сергіту сәтін өткіздім.Оқушыларға ұнағаны сонша көздері жайнап, жүздері бал-бұл жанды.

Осылайша сыныпта жағымды көңіл-күй орнаған соң, оқушыларды топқа бөлуге кірістім. Оқушыларды Америка, Англия, Қазақстан жазушылары деп 3 топқа бөлдім. Бұлай бөлуімнің себебі -Америка жазушыларымен, олардың еңбектерімен танысу сабақтары басталды.

Бүгінгі сабағымның тақырыбы -«Рей Бредбери, оның творчествосы». Бұл топқа бөлу сабақ тақырыбына тікелей байланысты болды.

Үй тапсырмасы Вашингтон қаласы туралы айту және неге дәл осы жер елдің астанасы болып таңдалды деген сындарлы сұрақ дарынды оқушыларға тапсырма ретінде берілген болатын. Вашингтон қаласы туралы білімдерін тексеруде «Көпір салу» тәсілін қолдандым. Оқушының білім алуын қолдау үшін сұрақ қоюдың түрткі болуға арналған сұрақтар бірінші жауап алу үшін және оқушының жауабын түзетуге көмектесу үшін қажет,айталық, сұрақты қарапайым етіп қою, өткен материалға оралу,ойға салу, дұрысын қабылдау және толығырақ жауап беруге итермелеу.[1.,41] Оқушыларға ағашта тұрған алмаларды ала отырып , сұраққа жауап берді.

Ал сындарлы сұрақты «Ыстық микрофон» арқылы тексердім,әр оқушы өз ойларын айтып берді.Нақты жауапты сыныптағы үлгерім деңгейлері әртүлі үш оқушының бірі, дарынды және талантты оқушы (жоғары деңгей) Дауренова Дана берді.

Рей Бредберидің журналиске берген интервьюден бейне үзінді көрсетілді.Сол бойынша тақырып анықталды.Бұл жерде ұтымды шыққаны- оқушылар интервьюді ағылшын тілінде тыңдады және көзбен көрді. «Мағынаны ашу» бөлімінде оқушыларға жазушының өмірбаяны туралы ресурстар таратылып берілді. Мәтін интернет ресурстарынан алынды, ол оқушылардың жас ерекшеліктеріне сәйкес сұрыпталып, өңделді.Әр мәтіннің төменгі ұжағында жаңа таныс емес сөздердің аудармасы берілген.Ол сөздер бірнеше рет қайталанып айтылды,яғни сөздікпен жұмыс жүргізілді.Insert әдісі бойынша қажетті ақпаратты дәптеріне түртіп алды.Алдымен жекелей жұмыс жасалынды, сосын жұбыме н талқылады осы кезде жазушының еңбегіне қатысты мағлұматты ұқпай қалғанын байқадым. Жұппен талқылаған сон топпен жұмыс істеді. Мерсер(2005) құрдастар тобындағы өзара қарым-қатынас оқуда маңызды рөл атқаратынын көрсетті.Оқушылар жұпта немесе топтарда жұмыс істегенде, олар «мұғалім-оқушы» сұхбаты түріндегі өзара іс-қимылға қарағанда мейілінше «симметриялы» болып табылатын өзара іс-қимылға тартылады, осылайша, негізделген дәлелдерді әзірлеуде және қадағаланатын оқиғаларды сипаттауда түрлі мүмкіндіктерге ие болады [1.,29]- деген.

Топқа салғанда дарынды оқушылардың ,яғни Дана ,Талшын, Саяттың көмегімен талқылап, олар ұқпаған оқушыларға түсіндіріп,ойын қорытып, өзекті пікірлерін ұсына білді. Топта талқылаған соң шағын 8 абзацтар мен 8 сұрақтарды сәйкестендіру туралы 1 тапсырмасын орындады. Мирас отырған топ алғаш аяқтады, сосын сағат тілімен әр топ бірінің жұмысын бірі тексерді,артынан интерактивті тақтада жасырылған жауабымен тексерілді.Бір топ ламинат арқылы бағалады, екінші топ « Екі жұлдыз, бір тілек» айтты. «Екі жұлдыз, бір тілек » айтқан кезде оқушылардың сөздік қорларының жетіспеуіне байланысты алдын-ала қолдануға болатын сөздер тізімі берілді. Сол сөздерді қолдануға тырысты,бірақ менің көңілімнен шықпады.келешекте осындай тірек сөздерді қабырғаға іліп, оқушылармен жиі қайталап , қолданып тұру керек деп шештім. Сосын кім? не? не істеді? қашан? қайда? қалай -деген тапсырманы орындап, оны тақтада қорғады.

Сабақ соңында оқушыларға сындарлы ойлану үшін Неге Р.Бредбери осындай ғылыми фантаст жазушы болды? Не түрткі болды? Осы жазушының жазғандарынан қазіргі өмірден орын алып жатқандары барма? деген сұраққа жауап іздеу берілді.Әртүрлі жауап берілді,бір оқушы оның ішкі дүниесі бай десе,біреуі ол кішкентай кезіндегі әр сәтін есінде сақтауы көмектесті деді.Қазіргі өмірде оның жазғандарынан Марсқа саяхаты, әртүрлі байланыс құралдары өмірге енгенін айтып шықты.Оқушылардың бұл тақырып бойынша қызығушылықтары артқаны соншалықты жазғы демалыста барлық кітаптарын оқып шығуға уәде берді.Топ басшысы барлық топ мүшелерін нақты бағалады деп ойлаймын,әр бағасына комментарий беріп отырды.Сабақ соңында кері байланысқа ББҮ кестесі берілді, сабақ барысында не үйренді, өзіне не алды деген сұрақтар бойынша оқушылар өз ойларын интербелсенді тақтаға жазды.Осы топтастырылған сабақтарды беру барысында бағдарламада берілген білімнің қаншалықты маңызды екенін түсіндім. Бұрынғы дәстүрлі сабақта 45 минут бойы тек өзім ғана жұмыс істегенімді ойласам,ұялам. Ал Кембридж Бағдарламасы ол оқушыларға тапсырмалар мен әдіс-тәсілдерді дұрыс бере алсаң, оқушылар өз беттерімен жұмыс істей отырып,бір-біріне үйрете отырып оқи алатындарына көзімді жеткізді. Келешекте сабақтарымда осындай түрлі әдіс-тәсілдерді қолдана отырып, оқушыларды білімнің шыңына жеткізуге күш саламын деп ойлаймын.Бұл тізбектелген сабақтарды өткізе отырып,көңіліме түйгенім мұғалімнен көп іздемпаздықты, көп ойлануды қажет етеді екен. Жеті модульдің әрқайсысын өз сабақтарымда тиімді және нәтижелі қолдануға тырыстым. Бұл алған білімдерімізді, оқу үрдісіне жоспарлы түрде енгізуіміз қажет деп ойлаймын.Әрине сабағым кемшіліктерсіз өтті деп айта алмаймын,уақытты тиімді пайдалана алмадым.Бағалау мен кері байланыс үзіліс кезінде айтылып жатты,оқушылардың тіл байлықтарының аздығы өз ойларын жеткізуде қиындықтар туғызды, Келешекте сөздік қорларын кеңейту үшін әртүрлі тірек схемаларды,клишелерді көбірек дайындауды жоспарлап отырмын.Формативті бағалауға да көбірек көңіл бөлу,тағы да әдіс-тәсілдерін табу,ойластыру, түрлендіруді қажет етеді.

Дарынды оқушыларға арналған ШҚО мамандандырылған мектеп-лицей-интернаты

Ағылшын тілі пәні:

«Рей Бредбери»

Пән мұғалімі: Турсынбаева Т.А

Өскемен қаласы. 2014-2015оқу жылы