Конспект урока по калмыцкому языку Мини бичкн Элст ( 4 класс)

Хальмг Танhчин сурhуль-эрдмин, сойлын болн номин министерств

Элст балhсна мэрийин заллт

Ач иктә Радонежскийин нертә орс келн-улсин гимназь

Хальмг келнә

ил кичәлин зура-конспект

Төр: «Мини бичкн Элст»

4 класс

Белдснь: Куроноса Г.М.

Хальмг келнә багш

Элст, 2015

Ил кичәл.

Кичәлин төр:

Мини бичкн Элст.

(Келлһ оргжуллһнә төр)

Кичәлин күцл:

«Элст» гидг дассн төрән батллһн, Элстин туск шүлг даслһн.

Кичәлин дөңцл:

Зургуд, элстин герб, элстин бумблвс, магнитофон, компьютер, проектор.

Кичәлин йовуд.

1. Мендлһн. Кичәлин бүрдәц. Багшин үг.

2. 1) Герин даалһвр сергәлһн.

а) Элст ямаран балһсн?

б) Элстин һарсн өдр кезә ?

в) Элстд ямаран сәәхн өрм бәәнә?

г) Ямармн Бумблвс элстиг кеерүльнә?

д) Элстин захд ямаран бичкн балһсн бәәнә?

е) Элстд кедү микрорайон бәәнә?

ё) Элстд ямаран уульнцс бәәнә?

ж) Танд ямаран уульснцд бәәнәт?

з) Кедү школ Элстд бәәнә? Тадн ямаран тойгта школд сурчанат? Тадна школ ямаран уульцнр бәәнә?

2) Самбрур һарад, элстин туск келвр келҗ өгтн.

Күүкд, сурвр бәәнү? Эн ямаран бумблв? (зургуд үзүләд).

3. Физминутк.

Цуһар бостн. Амрх, яс-үсән кондәх цаг ирв. Һаза намрин цаг, салькта өдр зогсчана.

1. Салькн үләнә, үләнә

Модд нәәхлнә

Салькн дор-дор-дор

Модд деер-деер-деер.

2. Күүкд, цаатн хур орн гиҗәнә, хур цааран көөхмн.

Хур-хур, цааран йов,

Хуцын махн, нааран йов,

Мөндр, мөндр, цааран йов,

Мөрнә махн, нааран йов.

Нә, хур мадн көөчквидн, ода һаза сәәхн нарта өдр зогсчана. Тегәд, байрлад биилцхәй!

3. Хатхн ишк, хатхн ишк

Хаһрхаһинь олҗ ишк,

Цумлңг ишк, цумлңг ишк

Цомрхаһинь олҗ ишк.

Суутн, кичәлән цааранднь давулый.

4. Элстин туск олн дуд, шүлгүд бәәнә. Эндр мадн Элстин туск нег бичкн шүлг дасхмн. (самбрт бичәт ә). Эн Буджала Егорин шүлг. (Багш айслулҗ умшна).

Өндр гермүд

Энд бәәнә

Олн машид

Уульнцар г үүнә.

Сарул өрәтә

Школмуд бәәнә

Цевр хашаднь

Цецгүд урһна.

Энкр Элстм

Эндән цәәнә

Ээҗ, аавм

Энд бәәнә.

А) Ода цуһарн умший.

Б) Зәрм үгинь билләд, умший (Өндр юн? Ямаран өрәтә? Юн билә? б.н.ч.)

В) Цуг үгмүд билләтә.

О

Э

О

У

Г

Б

М

Ч б.н.ч.

Кен умшч өгнә? (5-6 неҗәдәр һарад умшна)

Ода самбрур һарад, үгмүд күцәһәд бичтн. (2-3 күн һарад, неҗәд баг бичнә).

Ода девтртән бичәд авчктн.

5. Кичәлин ашлвр.

Тегәд, эндр мадн юуна тускар күүндвр тогтавидн?

Кенә шүлг дасвидн?

Мана Элст ямаран?

Тадн Элстд дуртавт? Юңгад?

Эн җил Элстд кедү җилин өөн болв?

6. Темдг тәвлһн.

7. Герин даалһвр.

Эн шүлг чееҗәр дасад иртн. Элстин туск зургуд зуртн.