Ашық сабақ. «Аңшылық» 6сынып

Ашық сабақ Қазақ тілі 6 « Г» сыныбы

Мухтизарова Бибігүл Қоңырқызы

Тақырып: Аңшылық

Максаттары:

Білімділік аңшылық туралы мәліметпен таныстыра отырып, оның түрлерін анықтау, оқушылардың таным-дүниесін кеңейту

Дамытушылық: оқушылардың сөйлеу тілін дамыту арқылы сөздік қорын байыту, ой- өрістерін қалыптастыру, есте сақтау қабілеттерін дамыту, сұрақтарға жүйелі, толық жауап беруге, еркін сөйлеуге, сауатты жазуға дағдыландыру, мәнерлеп оқу дағдысын дамыту

Тәрбиелік: табиғатты қорғауға, елін, жерін сүюге, әсемдігін сезіне білуге, қоршаған ортаны аялауға, ұлттық салтын құрметтеуге баулу

Көрнекілік: интербелсенді тақтасы, тест, суреттер, мақал-мәтелдер

Әдістері: түсіндіру, оқу, аудару,топтық,жұптық жұмыс,сұрақ-жауап, суретпен жұмыс,тест,әңгімелесу,ойын

Пәнаралық байланыс: экология,дүниетану,тарих

Сабақтың түрі: жаңа сабақ

Сабақтың барысы

1. Ұйымдастыру-мақсаттық кезең

Сәлемдесу. Сәттілік тілеу.

-Қазір қай жыл мезгілі? Нешесі? Аптаның қай күні?

Сыныпта кім кезекші? Оқушылардың санын анықтау

2. Үй жұмысын тексеру

-Өткен сабақтарымызда қандай тақырыптарды өттік? (Қоршаған орта, табиғатты қорғау)

-Үйге қандай тапсырмалар берілді? (Деңгейлі тапсырмалар)

1.тапсырма: табиғат туралы мақал-мәтелдерді іздеп табу, жаттау

2тапсырма: «Қоршаған орта және мен» шағын шығарма жазып келу

Сонымен, балалар, қоршаған ортаны қорғау үшін сендер қандай үлес қосасыңдар?

3. Жаңа тақырыпқа шығу. Суретпен жұмыс (интербелсенді тақта бойынша)

-Балалар, осы суретте не көріп тұрсыңдар?

-Олар қай жерде тұр деп ойлайсыңдар?

-Неліктен адамның қасында ит (қазақтарда жеті қазынаның біреу - құмай тазы деп аталады) жүреді?

-Аң-құстарды не арқылы ұстайды? (Тазы, құс)

Сонымен аң-құстарды аулау кәсібі - аңшылыққа жатады.

Бүгінгі тақырып бойынша біз сабақта не істейміз, мақсаттарымыз қандай деп ойлайсыңдар.

Оқушыларды екі топқа бөлу,әр топтың жетекшісіне бағалау парағында баға қоюдың мүмкіндігі беріледі.

Сабақтың тақырыбын дәптерге жазып алу

Мұғалім сөзі: Қазақ халқы ерте заманнан аңшылық кәсіппен шұғылданды. Аңдарды терісі мен еті үшін аулады. Құстарды әр алуан әдістермен аулап, қосымша азық етті. Аң аулау дәстүрлі мен тәжірибелері ұрпақтан-ұрпаққа жалғасып, аң аулау шаруашылығы дамыған. Соған байланысты қазақтар арасында аңшылықты жақсы меңгерген мамандар: аңшы,

құсбегі, бүркітші, аңкөс. Аң-құс аулауда әр түрлі әдістер қолданылды. Олар: ор қазу, қақпан құру, тор жаю,тұзақ құру,

ит жүгірту, құс салу және т.б. Аңшылық мақсатына қарай кәсіптік, спорттық- әуесқойлық және ғылыми болып бөлінеді.

Құс салып аңға шығу енді спортқа, өнер түріне айналды.

Бұл өнермен араб шейхтары, ағылшын лордтары айналысады.

4. Мәтінмен жұмыс

Аңшылық-аңдарды, құстарды аулау кәсібі. Қазақ халқы ерте заманнан аңшылық кәсіппен шұғылданды. Олар аңдарды бағалы терісі, еті үшін аулап отырды. Құстарды әр алуан әдістермен аулап жүріп, қосымша азық етті.

Аң-құс аулауда ор қазды,қақпан құрады,тор жаяды,тұзақ құрған, құспен аңға шығады. Қазақтар арасында аңшылықты жақсы меңгерген мамандар-бүркітші, құсбегі,аңкөс.

Аңшылық мақсатына қарай кәсіптік, спорттық-әуесқойлық

және ғылыми болып бөлінеді.

Алгоритм: * Мәтінді мәнерлеп оқу, мазмұнын түсіну

• Сөздікпен жұмыс

• Мәтін бойынша пікірлесу,әңгімелесу

• Екі топтың сұрақтармен алмасуы, сұрақтарға

жауап беру

• 1топ-тірек сызба арқылы мәтінді мазмұндайды

• 2 топ- жоспар жасайды, қорғайды

5. Сергіту сәті

Бойымызды жазайық!

«Аңшылық» ойынын бастайық!

Ойынның шарты: аулайтын аң мен құсты шапалақтаймыз, ауланбайтындарға-аяқтарымызды тыпырлатамыз.

Түлкі, қоян, ит, қасқыр,қырғауыл, сиыр, түйе, тауешкі,арқар.

6. Грамматика әлемінде (етістікті,оның шақтарын қайталау)

-Етістік дегеніміз не?

-Етістіктің неше шақтары бар? Атаңдар, жасалу жолдарын анықтаңдар

Мәтіннен етістіктерді теріп жазыңдар

Интербелсенді тақта бойынша жұмыс . Берілген етістіктерді

шақтарына дұрыс жазып шығыңдар

Етістік

Өткен шақ Нақ осы шақ Келер шақ

Аулап отыр, қазды, шығады, жаяды, ұстап жатыр,азық етті,

бөлінеді, шұғылданды.

7. Рефлексия

Интербелсенді тақтада оқушылар тест сұрақтарына жауап береді, тексереді (кілт арқылы және бағалау критерий бойынша)

Топ жетекшілері мұғалімге бағалау парақтарын тапсырады, өз тобы бойынша қорытынды жасайды

8. Үй жұмысы: мәтін бойынша диалог құрастыру