1 сыныпта қазақ тілінен сабақ жоспары «Ойын сабақ»

1 сынып

Сабақтың тақырыбы: Ойын сабақ. Қайталау.

Мақсаты:

Білімділік: Өткенді қайталай отырып, сөздерді дұрыс айтуға үйрету. Модуль бойынша сөздерді бекіту

Дамытушылық: Оқушылардың тілін, шығармашылық қабілеттерін дамыту. Сөйлеу дағдыларын қалыптастыру. Өзім туралы, менің ойыншықтарым, ойындар туралы өткен тақырыптарды қайталау.

Тәрбиелік: Білімге, мектепке деген қызығушылықтарын арттыру. Сауаттылыққа тәрбиелеу

Түрі: Қайталау сабағы

Әдісі: Ойын, сұрақ- жауап

Көрнекілігі: әріптер, суреттер.

Сабақтың барысы:

І. Ұйымдастыру бөлімі

Сынып оқушыларын түгелдеу.

Оқушылар назарын сабаққа аудару.

(Есік қағып пошташы келеді)

Пошташы:

Оқушылар сіздерге Астана қаласынан Нұрсұлтан Әбішұлы Назарбаевтан хат келді.

(хатты оқиды)

Ақсу қаласындағы № 4 орта мектептің 1 сынып оқушыларына!

Қымбатты қазақ елінің азаматтары! Бүгінгі өтіліп жатырған сабақтарың құтты болсын!

Мен сендердің осы уақытқа дейін оқуды қаншалықты меңгергендеріңді білу мақсатымен бірнеше сұрақ тапсырмалар беремін.

Кім жауап бере алса, сол оқушы келешекте Қазақстанның ел басқаратын сенімді азаматы болады.

Іске сәт жас достар!

Сұрақ тапсырмалар:

• Сендерде қазір қандай сабақ?

• Өздерің туралы айтыңдар.

• Сергіту сәтін білесіңдер ме? Жасаңдар.

- Сонымен бірге оқушылар біздің бүгінгі сабағымызға кейіпкерлер қонаққа келіпті.

Олар сендерге өз тапсырмаларын әкеліпті. Енді біз достарымыздың тапсырмасын орындап оларды риза етейік.

1- тапсырма: Аң патшасы арыстанның тапсырмасы:

Әріптерді атаңдар: Әә, Іі, Ыы, ң, Ғғ,Үү, Ұұ, Ққ,Өө,Һ.

2- тапсырма: Қоянның тапсырмасы: Ойын: «Жеміс жинау» Ойыншықтарды себетке жинаңдар.

3- тапсырма: Аюдың тапсырмасы: Пирамида ойыны

Сөйлем құраңдар.

Доп.

Әдемі доп.

Әдемі доп әкелді.

Атам әдемі доп әкелді.

4- тапсырма: Түлкінің тапсырмасы: Санап көр

5-тапсырма: Тиіннің тапсырмасы. Сәйкестендір

қонжық

машина

қуыршақ

текше

доп

секіртпе

мысық

қоян

6- тапсырма: Қасқырдың тапсырмасы: Сергіту сәті.

IV. Білімді қорытындылап, жақсы қатысқан оқушыларды мадақтап, марапаттау.