Қазақ әдебиеті Сабақтың тақырыбы: Шығарма Ананың аялы алақаны! (5 сынып)

Оқу ісінің меңгерушісі: Жармуханов А.К

Күні:25,26.02.2016 оқу жылы

Сынып: 5 «а», «ә»

Сабақтың тақырыбы: Шығарма «Ананың аялы алақаны»

Сабақтың мақсаты:

а) білімдік:қасиетті де қадірлі ана туралы ойларын пысықтау,сауатты жазуға және сөйлеуге үйрету;

ә) дамытушылық: ауызша және жазбаша тілді дамыту,қызығушылығын арттыра отырып, танымдық көзқарастарын қалыптастыру;

б) тәрбиелік: әр бала анасын жаксы көруге, құрметтеуге қоғамдық ортада өзін-өзі ұстауға тәрбиелеу;

Сабақтың түрі: пысықтау сабағы

Сабақтың әдісі: түсіндіру, сұрақ-жауап

Сабақтың көрнекілігі: сөздік

Пәнаралық байланыс: тарих, өзін-өзі тану, музыка

Күтілетін нәтиже: сауатты жазу

І. Ұйымдастыру бөлімі 1.Оқушылармен амандасу;

2.Оқушыларды түгелдеу;

3.Зейіндерін сабаққа аудару.

ІІ. Жаңа сабақ.Шығарма«Ананың аялы алақаны»

Дүниеде ана махаббатынан қасиетті нәрсе жоқ. Оның алдында адамды ынтықтырушы өзге дүниелер әлсіз келеді.

В.Г.Белинский

Әр адам жарық дүниеге келгенде мейірімді, жүрегі жылы жанды көреді. Ол - Ана. Балапаның қанаттыға қақтырмай, тұмсықтыға шоқтырмай бауырына басып,аялы алақанында өсіреді. . Ана деген сөзге лүпіл қақпайтын жүрек, мөлдіремейтін жанар жоқ. Әрбір ана отының өшпеуін, бақытының көшпеуін, шаңырағының құламауын, сәбиінің жыламауын, сұм соғыстың болмауын тілейді

Ана - тіршіліктің гүлі, отбасының берекесі, бүкіл адамзаттың тәрбиешісі. «Ат биеден, алып анадан туады» дейді халқымыз. Дүниеде анасыз адам жоқ. Қаламы жүйрік жазушы да, данышпан ғалым да, ел бастаған көсем де, сөз бастаған шешен де ана көкірегінен нәр алып өскен. Ана - барлық өмірдің бастауы. Ол өз сәбиін мәпелеп өсіреді, жақсы болуын қалайды. Адам бойындағы барлық асыл қасиеттер күннің нұрынан, ананың ақ сүтінен дариды. Ана - ұлы адам, қасиетті жан. Тіпті айта берсең сөз жетпейді. Ана бір қолымен бесікті тербетсе, бір қолымен әлемді тербетеді деген. Расымен, анасыз өмірді, әлемді елестету мүмкін емес. Әрбір жұмыр басты пенде бұл өмірге келгені үшін анасына қарыздар. Құдайдан кейінгі құдірет иесі - Ана. Сондықтан мына жарық дүниеге әкелген ана алдында бәріміз басымызды иеміз.

ІІІ. Үйге тапсырма

Өткенді қайталау

ІV. Бағалау бөлімі

Шығарма жұмысы бойынша бағалау.

VІІ. Сабақты қорытындылау