Қазақ тілі Зат есімнің тәуелденуі

Бисембаева Әсия Мәсәлімқызы

«Жітіқара ауданы әкімдігінің білім бөлімі»

ММ-нің «№2 орта мектеп» КММ-сі

Бастауыш сынып мұғалімі

Жоғары санатты

Қазақ тілі

3 сынып

Зат есімнің тәуелденуі

Бекіту сабағы

Аннотация

Зат есімнің тәуелденуі тақырыбы бойынша сабақ өткізу барысында сын тұрғысынан ойлау технологиясының элементтерін, АКТ-ны пайдаландым. Ойын технологиясы ұлттық педагогикаға негізделіп өткізілді. Ойлау, салыстыру, өз бетінше жұмыс жасау,ішінара іздену-семантикалық картамен жұмыс,пресс-конференция өткізіп, қорытындыладым.

Тақырыбы: Зат есімнің тәуелденуі

Мақсаты: Зат есімнің тәуелденуі туралы алған білімдерін пысықтау, оқушыларға грамматикалық көрсеткіштер заттың үш жаққа да, яғни маған да, саған да, оған да тәуелді екенін жете ұғындыру.

Зат есім туралы теориялық білімдерін бекіту. Морфологиялық, фонетикалық, синтаксистік талдау жұмыстарын, сөйлеу дағдыларын, тілдерін дамыту, қызығушылықтарын арттыру.

Таза, сауатты жазуға баулу. Адамгершілік, патриотизм, жалпы ұлттық құндылықтар негізінде тәрбиелеу.

Сабақтың түрі: Бекіту сабағы

Әдістері: Сұрақ-жауап, топтық жұмыс, ой қозғау, өз бетімен сөйлеу, бір айналым сөйлесу, пресс-конференция, ұлттық ойын.

Көрнекіліктер: Интерактивті тақта, суреттер, семантикалық карта, мақал мәтелдер, дидактикалық ойындар.

Сабақтың барысы:

1. Ұйымдастыру кезеңі

Психологиялық дайындық

Сабақта жұмыс жасауға дайынсындар ма?

Мынау менің жүрегім

Бәрі осыдан басталған

Мынау басым-ақылды

Бәрін осы басқарған

Мұнау менің оң қолым

Мұнау менің сол қолым

Барлық істі атқарған

Жүрекпен сезіп, баспен ойлап, қолмен жұмыс жасаймыз.

2. Негізгі бөлім:

Қазір бізде қазақ тілі сабағы

Оқушылар: Қазақ тілім- өз тілім, ана тілім.

Абай, Мұхтар сөйлеген дана тілім.

Қастерлейді ұл-қызың мәңгі сені,

Болашағым, бақытым, дара тілім.

1. Сабағымызды ұлттық «Орамал тастау» ойынымен бастайық: «Сөз таптары», Сын есім, Етістік, Сан есім, Зат есім. 4 топ өз жауаптарын айтады.

2. Жұмбақ шешу:

Сөз табының ең басында тұрамын.

Білесіңдер Кім? Не? Деген сұрағым.

Сөйлемде ой иесі боламын,

Етістікпен көркейемін, толамын.

Жауабы: Зат есім.

Бүгін зат есімді тәуелдеп, зат есім туралы білімдерімізді бекітеміз.

3. Интерактивті тақта: Сурет. Жітіқара суреті. Суреттегі зат есімдер тобын ата.Зат есімдерді атау, сұрақ қою. Бүгінгі күнді жазу.

4. Әр топ бір сөзден таңдап алып жазып тәуелдейді, тексеріледі.

5. «Бір айналым сөйлесу»

Қазақстан, Туған жер.

Не құрастырдық? Мәтін. Мәтін дегеніміз не? Түрлері.

6. Оқулықпен жұмыс 33 бет 3-жаттығу, оқу, талдау.

Мақалдар, карточкалар беру, жазу, тәуелдік жалғауды табу.

7. Интерактивті тақта: «Адасқан сөздер» дидактикалық ойын.

Олардың елім

Менің жерің

Біздің ұрпақтары

Сенің туымыз

8. Сөз тіркесін таңдап алып сөйлем жазу. Синтаксистік талдау жасау.

Біз - бақытты елдің ұрпақтарымыз.

Бірлік - біздің қасиетті туымыз.

9. Дыбыстық талдау (фонетикалық) жазбаша. Карточкамен жұмыс.

10. Интерактивті тақта. Семантикалық карта. «Ой толғаныс» Зат есімдерге морфологиялық талдау жасау.

11. «Тотықұс» ойыны:

1. Алма, алма

Алма-жеміс, алма-қимыл

2. Жаз, жаз

Жаз - жыл мерзімі, жаз - қимыл

3. Қорыту:

12. Пресс-конференция. Зат есімді зерттеу.

Ғалымдар-журналистер.

Сұрақ-жауап.

13. Рефлексия.

4. Бағалау.

5. Үйге тапсырма: 33 бет, 2,5 - жаттығулар.