«Долда» (Колобок) 1993 г. Сценарий, для теневого (или кукольного театра), с участием детей дошкольного и младшего школьного возраста. Составлен по мотивам русской народнойсказки «Колобок»

«ДОЛДА» 1-гч вариант

«Долда» (Колобок) 1993 г. Первый сценарий, для теневого (или кукольного театра), с участием детей дошкольного и младшего школьного возраста. Составлен по мотивам русской сказки «Колобок». Сценарий опубликован в республиканско газете «Хальмг үнн»16.10.1998 җ., затем в сборнике «Нарн» 2004 җ.

Нүүрләгч: Кезәнә өвгн эмгн хойр бәәҗ. Эдн эм-ээмән түшлдәд, эгц дууһан дууллдад бәәҗ.

(Эмгн Өвгн хойр ширә һатц һурнисн бәәдлтә сууцхана. Кезәнк ду дуулна):

Мана нохан нерн-лә. Бумбрҗан,

Хәңкр-хүңкр дуута-ла, Бумбрҗан,

Мана ноха догшн-ла, Бумбрҗан,

Маңһдур-нөкәдүр иритә, Бумбрҗан,

Нүүрләгч: Нег дәкҗ, өвгнә геснь өлсәд бәәхлә, өвгн эмгндән келнә:

Өвгн: Э - э, эмгн, гесм өлсәд бәәнә. Чи, эмгн, нег долда-боорцг болһад өгич.

Эмгн: Нә-нә, өвгн! Нег долда болһх һуйр олдх.

Нүүрләгч: Эмгн бәәсн һуйран элдәд, долда боорцг болһад, терүгән көргәхәр терз деер тәвнә.Долда-боорцг кевтҗ-кевтҗ, көлвәдҗ бууһад, һазаран һарна. Хаалһар көлвәдәд йовхлань Туула харһна.

Туула: Долда-боорцг, би чамаг иднәв!

Долда: Уга-уга, бичә ид! Би чамд ду дуулнав:

Би Долда-боорцг долдалад,

Бичкн күүкд ниргүләд,

Би аавасн зуллав,

Би ээҗәсн зуллав,

Чамас, Туула би бас зулнав!

Нүүрләгч: Тиигчкәд, Долда цааранднь көлвәдәд одна. Удлго, хаалһднь Чон харһна.

Чон: Долда-боорцг, би чамаг иднәв!

Долда: Би - Долда-боорцг, долдалад,

Бикн күүкд ниргүләд,

Би аавасн зуллав,

Би ээҗәсн зуулав,

Би туулаһас зуллав.

Чамас, Чон, би бас зулнав!

Нүүрләгч: Тиигчкәд, Долда цааранднь көлвәдәд одна. Йова- йовтлнь, Аю харһна.

Аю: Долда-боорцг, би чамаг иднәв!

Долда: Уга-уга, бичә ид! Би чамд ду дуулнав:

Би - Долда-боорцг, долдалад

Бичкн күүкд ниргүләд.

Би аавасн зуллав.

Би ээҗәсн зуллав.

Би Туулаһас зуллав.

Би Чонас зуллав.

Чамас, Аю, би бас зулнав!

Нүүрләгч: дууһан дуулчкад, Долда цааранднь көлвәдәд һарв. Тиигәд йовтлнь, Арат харһна.

Арат: Долда-боорцг, чи альдаран долдалҗ йовнач?

Долда: (сеңкәчкәд) Хаалһар долдалҗ йовнав. Чини юн керг?

Арат: Долда, хәәмнь! Чи нанд ду дуулхнчн, буйн болтха…

Долда: Келхд, би йир сән дуучв! Соңс эврән!

Би - Долда-боорцг долдалад

Бичкн күүкд ниргүләд.

Би аавасн зуллав.

Би ээҗәсн зуллав.

Би Туулаһас зуллав.

Би Чонас зуллав.

Би Аюһас зуллав.

Чамас, Арат, би бас зулнав!

Арат: Ямаран сән дун! Зуг би чикндән дүләв. Долда-боорцг, мини хамр деер сууһад, дууһан нанд дәкәд нег дуулчк, буйн болтха!

Долда: Би - Долда-боорцг долдалад,

Бичкн күүкд ниргүләд

Би аавасн зуллав.

Би ээҗәсн зуллав.

Би Туулас зуллав.

Би Чонас зуллав.

Би Аюһас зуллав.

Чамас, Арат, би бас зулнав!

Арат: Йир сәәхн дун! Долда-боорцг, хәәмнь! Келн деерм сууһад, дууһан чаңһур дуулчк, буйн болтха!

Нүүрләгч: Долда-боорцг аратын келн деернь суухлань - Арат терүг «ам» гиһәд зальгчкв.

Нүүрләгч: Долда-боорцг хуурв.

Дегәд көөртә бәәҗ.

Тадн, күүкд, тодлтн -

Цугтан ухата өстн.

Көшг.