Сценарий калмыцкого праздника Зул

Сценарий калмыцкого праздника "Зул" для детей старшего дошкольного возраста
Раздел Иностранные языки
Класс -
Тип Конспекты
Автор
Дата
Формат doc
Изображения Нет
For-Teacher.ru - все для учителя
Поделитесь с коллегами:

МКДОУ ДС « Тополек»


Нәр-наадн


«Зулан йөрәя»



Хальмг келнә багш:

Ботан.Л.А.





















г.Лагань

Орлцачнр: Нүүрлгч, Хөн җил, Мөрн җил.

Нүүрлгч: Зул улан залатан ик темдгтә нәр. Эн өдрлә цуг улан залат нас авдг.

Түрүләд кеерәс цаһан өвс таслҗ авч ирәд, хагсаһад, зулын һолан бел

кегдмн. Хар һуйрар оңһц кеһәд, белдчкәд, өрк-бүлин күн болһна насна

тоод неҗәд һол немәд, салу-салу көвңгәр баглҗ ораһад, тус-тустнь

оңһцин йоралд углҗ тәвдмн. Зул асхн өрк-бүл болһн зулан темдглдг,

насна оңһц кедг. Асхнь зулан өргәд, цуһар мөргәд, насан авдг.

Маңһдуртнь цә чанад, урдаснь белдсн кампадь, боорцган һарһҗ дееҗ

өргәд, әмтн дуудҗ, насан йөрәлһдмн. Медәтнр ирәд: « Мөрн җил һарч,

Хөн җил орҗ…», - гиһәд йөрәлән тәвәд, күүкдин нас йөрәһәд цаһан-

улан мөңгәр, эс гиҗ шикр-балтаһар белг өгнә. Тиигәд герәс герүр одҗ

авсн насан йөрәдг йоста бәәсмн. Зул йир байрта - бахтаһар давдг билә.

(Бичкдүд йөрәл келнә)

Данир Б-Х: Көк теӊгрин дораhур,

Көрстә hазрин деегүр,

Кезә чигн байрта бәәҗ,

Җил болhн зулан кеҗ,

Зуӊкван аршанд күртҗ,

Зу нас наслтн!

Вова К. Цә шингн болвчн, идәнә дееҗ,

Цаасн нимгн болвчн, номин көлгн

Идән- чигән элвг-делвг болҗ,

Халун хальмг цәәhән ууҗ,

Хавтха хальмг боорцган идӊ

Оньдин дөрвн цагт

Амрҗ, җирhҗ йовтн!

Дельгир М. Авсн наснтн өлзәтә болҗ,

Өлзә кишгтн бат болҗ,

Оньдин дөрвн цагт

Менд, амулӊ җирhтн!

Нүүрлгч: Күүкд, эндр ямаран хальмг улсин сән өдр?

Бичкдүд: Эндр Зул.

Нүүрлгч: Зул - гисн юмб?

Бичкдүд: Зул - хальмг улсин сән өдр. Нас авдг өдр.

Нүүрлгч: Ода ямаран җил?

Бичкдүд: Мөрн җил, бидн ээҗин хашад ямаран мал бәәнә ду меднәвидн.

Дун « Ээҗин хаша дотр». (Көгҗмин айсар Мөрн җил орна).

Мөрн җил: Мендвт, бичкдүд! Тана дууһитн соңсад, би тадн тал адһад ирв, ямаран сәәхн дун, йир сәәнәр дуулвт. Би таднд, дала тәәлвртә туульс авч ирв.

Тәәлвртә туульс:

Цаһан цаһан эрвәкәс,

Цааран-нааран нислднә,

Альхн деер буна,

Усн болад хүврнә. (Цасн).

Деер цаһан, дор цаһан,

Цасн, цасн цәәһәд орҗана,

Кезә тиим болна? (Үвләр).

Герин һаза ова цасн (эрг).

Цаһан ишкә тег бүркҗ (цасн).

«Но» - гихлә йовхш,

«Тр-р» - гихлә зогсхш (цан).

Мөрн җил: Би, бичкдүд, таднд «Маля» гидг наад авч ирв, наадый.

Малята наадн.

Нүүрлгч: Мөрн җил, мана бичкдүд танд шүлгүд, йөрәл белглҗәнә.

Дунд багин бичкдүд зулын йөрәл келнә

Максим У. Буурл җил hарч,

Ботхн җил орҗ,

Авсн наснтн

Өлзәтә болтха!

Дельгира Х. Авсн наснтн өлзәтә болҗ,

Ут наста, бат кишгтә болтха!

Шүлгүд:

Дельгира А. Җил болһн хальмгуд

Зул-байрин өдрән тосна

Кампадь-балтаhан урдаснь белднә,

Зулын цәәһән чанна.

Дамбль Н. Цә, боорцг дееҗ тәвнә

Көгшүд бичкдүдин

Нас йөрәнә.

Күн болhн насан авна.

Мөрн җил: Би байрлҗанав, күүкд, хәрх цаг ирв. Сән бәәтн!

(Үүд цоксн ә соңсгдна)

Нүүрлгч: Күүкд, ода кен үүд цокчана?

Бичкдүд: Җилин эзн.

Хөн җил: Мендвт, бичкдүд! Би юмб?

Бичкдүд: Хөн.

Нүүрлгч: Чик, күүкд, ода хальмг литәр хөн җил орҗана. Мана бичкдүд хөн җилд белгән белдв: шүлг, дуд, йөрәл. Ода күүкд шүлгүд келх.

Айлана А. Шин җилән йөрәhәд

Шилтә тосан белднә

Зул өдр ирхлә

Зулан өрәд мөргий.

Адьян М. Буур җил hарв

Ботхн җил орв

Бәәсн hазр усндан

Буйн кишгән эдлий.

Аня М. Эрт босҗ, Зулан өргҗ,

Күргән, эркән эргүлҗ,

Ээҗ-аавин наснд күрий.

Сережа М. Зулан бәрҗ, көгшүдәр йөрәлhҗ,

Зандн улан цәәhән ууҗ,

Зо тиньгр үвләс hария!

«Хадгта би» ( дунд багин күүкд)

Нүүрлгч: Җил болһн Зулан кеҗ,

Мөрн җил һарч,

Хөн җил орҗ,

Ирсн шин җил

Өлзәтә болтха!

Дун: «Зул ирв». Неблян Я.

Нүүрлгч: Хөн җил маднд шин наад авч ирҗ. Наадн: «Кен чидлтә?»

Нүүрлгч: Ах багин бичкдүд би биилх. Би « Хөөчнр».

Дун: « Хальмг цә ».

Нүүрлгч: Ирсн гиичнриг мана бичкдүд йөрәҗәнә.

Йөрәл:

Цуһар ут наста болҗ,

Бат кишгтә болҗ,

Гем-шалтг уга,

Зун нас наслҗ,

Сансн санантн күцҗ,

Җил болһн Зулан кеҗ,

Җирһәд, сәәхн бәәцхәй!!!

Хальмг айст бичкдүд биилнә.

© 2010-2022