«Ақпарат енгізу манипуляторы. Басу құрылғылары»

Батыс Қазақстан облысы

Теректі ауданы

Ы.Алтынсарин атындағы ЖОББМ

І санатты информатика пәнінің мұғалімі

Тохлиева Айнагүл Баймұратқызы

Сабақтың тақырыбы: Ақпарат енгізу манипуляторы. Басу құрылғылары. 7 - сынып

Мақсаты: ақпаратты енгізу құрылғылары тінтуір, трекбол, джойстик және ақпаратты

шығаратын құрылғы принтер түрлерімен танысу. Құрылғылардың

жұмыс істеу прициптері мен ерекшеліктерінен мағлұмат беру.

Сабақтың түрі: жаңа тақырыппен танысу

Сабақтың әдістері: екі бөлімді күнделік, сәйкестікті тап, техникалық диктант, практикум

Көрнекілігі: тінтуірлер, принтерлер, слайдтар, электронды оқулықтар

Пәнаралық байланыс: ағылшын тілі (сөздік)

Күтілетін нәтиже:

• манипулятор түрлері және олардың жұмыс істеу принциптерін біледі;

• принтер түрлері мен жұмыс істеу принциптерінің айырмашылықтарын ақпараттар алады;

• түрлі тапсырмалар орындау арқылы практикалық дағдылары қалыптасады.

І. Қызығушылығын ояту. Жұмбақ жасыру арқылы сабақтың тақырыбына көшу. (5 мин)

1. Жануарға ұқсас атым бар, 2. Компьютермен енеді,

Бағдар көрсетер затым бар. Қағазға басып береді.

Кілемше үстінде тұрамын, Жауабы: баспа құрылғысы

Ең қажетті құралмын. принтер, printer)

Жауабы: тінтуір (тышқан), мышь, маус (mouse)

ІІ. Мағынаны тану. 1-тапсырма: оқулық, дәптермен жұмыс (екі бөлімді күнделік толтыру) 10 мин. (курсивпен терілген мәтінді, яғни 2-ші бағанды өздері толықтыру)

Жаңа ұғымдар

Сипаттау, анықтамаларын беру

Тінтуір (маус, мышь) манипуляторы

Трэкбол

Джойстик (тәрте)

Принтер

Матрицалық (инелі) принтер

Сия бүріккіш (струйный) принтер

Лазерлік принтер

2-тапсырма. Нүктенің орнына керекті сөзді жаз. (5 мин)

Қандай 1. .................. (мәтіндік)

ақпаратты

принтерге 2. .................. (графикалық)

шығаруға

болады? 3. .................. (кестелік)

ІІІ. Толғаныс.

І-тапсырма. (электронды оқулықпен жұмыс). «Компьютерлік сауаттылық» 2-6 кл. Электронды оқулықтың «тышқан» бөлімін тыңдату арқылы техникалық диктант, яғни нүктенің орнына керекті сөзді жазу.

Техникалық диктант

Windows ОЖ -де ......... операцияларды орындау үшін ең алдымен ....... деп аталатын манипулятор қолданылады. Тышқанның ............ баатырмасы болады. Оның сол жағында сол саусақ, ал оң жағында ............ саусақ орналасады. Көбінесе қолданысқа түсетін сол жақ батырма. Нұсқағыштың орнын ................ арқылы экранда бізге керекті объектіні таңдай аламыз, ал керекті әрекетті іске қосу үшін ............ батырмасын қолдану керек. Батырманы басып, артынан жіберу шерту деп аталады. Көбінесе ................. жақ қолданылғандықтан сол жақ ................ шертіңіз дегеннің орнына «................... шертіңіз» деп айтатын боламыз. Оң жақ батырмада әртүрлі ............... менюді ашу үшін қолданылады. (13 сөз жасырылды)

Жасырылған сөздер: көптеген, тышқан, екі, ортаңғы, ауыстыру, тышқан, сол, батырманы, контекстік, қатарынан, секундқа, бірдей.

ІІ- тапсырма. Электронды оқулықтағы практикалық тапсырмаларды орындау.SIN.kaz.

1 - тапсырмасы. Тінтуірмен жаттығу жасау.

2 - тапсырмасы. -1,44 Мбайт көлемді дискетаға сақтауға болатын қалтаны апарыңыз.

ІV. Үйге тапсырма: бүгінгі тақырыпқа байланысты тест тапсырмаларын дайындау.

V. Бағалау