Урок по информатике на тему Adobe Photoshop бағдарламасында практикалық жұмыс (7 класс)

Сабақ жоспары: 34 «Бекітемін»

Оқу ісінің меңгерушісі

«_______» ___________2015 ж

Пәні:

Информатика

Сынып :

7 «А»

Күні:

19.05.15

Сабақ тақырыбы:

Adobe Photoshop бағдарламасында практикалық жұмыс.

Жалпы мақсат:

Adobe Photoshop бағдарламасында түрлі суреттерді бір суретке біріктіре алуға үйрету.

Сілтеме:

• 7-сыныпқа арналған информатика оқулығы

• e.edu.kz порталынан материалдар

• google.kz

Оқу нәтижесі:

А) Adobe Photoshop бағдарламасында қабаттармен жұмыс істеуді, қабаттарды біріктіруді біледі.

В) Adobe Photoshop бағдарламасында қабаттарды біріктіруді және бейнеге мәтін қосуды біледі.

С) Adobe Photoshop бағдарламасының барлық мүмкіндіктерін біледі және басқа оқушыларға үйрете алады.

Сабақта қолданыла-

тын материалдар:

ДК, интерактивті тақта, тұсаукесер, оқулықтар, дәптерлер, бағалау парақшалары, рефлексия парақшалары, қима қағаздар (мозаика), стикерлер, кубик, фломастерлер, т.б.

Оқыту әдістері:

Түсіндірмелі, иллюстративті, көрнекілік, сұрақ-жауап.

Дерек көздері:

• Сілтемелер

• Электронды оқулық

• e.edu.kz

• QuizMaker бағдарламасы

• Prezi бағдарламасы

Тапсырмалар:

Жеке жұмыс, интернетпен жұмыс, тест тапсырмасы, топпен жұмыс.

Сабақ бойынша мұғалім мен оқушының іс-әрекеті:

Тапсырмалар

Мұғалімнің іс-әрекеті

Оқушының іс-әрекеті

І. Ұйымдастыру бөлімі, оқушыларға психологиялық ахуал туғызу

(3 мин)

Оқушылармен амандасып, класс тізімін тексеріп өтемін.

Тренингтерді ұйымдастыру:

Оқушыларды қарама - қарсы тұрғызып, сергіту сәтін ойнату.

Сәлемдесу тренингі:

Әр елдердің, яғни «Жапония», «Тай», «Филиппин», «Тувалу», «Жаңа Зеландия», «Гренландия» және өзіміздің қазақ елінің сәлемдесу түрлерін көрсету.

Мұғаліммен амандасып, тренингке қатысады.

Алдымен оқушылар ортаға шеңбер құрады,жұп-жұп болып бөлініп, бір-біріне қарама -қарсы тұрады. Содан соң әр елдің сәлемдесу рәсімін былай жасайды.

«Жапония» елі бір-бірін көрген кезде олар иіледі.

«Жаңа Зеландия» бір-бірін көрген жандар сәлемдескен кезде мұрнымен үйкелесіп тигізіп амандасады.

«Тай» елі екі алақанын қосып төбелеріне қояды да «савадди» деп айтады.

«Филиппин» елі оң жақ қолының ұшын екінші адамның маңдайына тигізіп «мано-по» деп айтады.

«Тувалу» елі бір-бірін көрген бойда екі адам бір-бірінің беттеріне жақындап, терең дем алады.

Гренландиялықтар жүздескенде ешқандай сәлемдесу жасамайды, бірақ олар «ауа райы тамаша» деп сөз айтады.

Амандасудың ең әдемісі - қазақ ұлты төс қағыстырған.

ІІ. Сергіту сәті.

(4 мин)

Мозаика құрастыру:

Парта үстіне сурет қиындыларын қоямын. (жемістердің суреттері)

Сол жемістерді құрастыру қажет.

Құрастырған мозаиканың бүгінгі сабаққа қатысы, яғни Adobe Photoshop бағдарламасында бірнеше суретті бір суретке біріктіру керек болады.

Оқушылар қолдарына түскен сурет қиындыларынан тұтас сурет (жеміс) құрастырады. Шыққан сурет бойынша оқушылар

1)топқа бөлінеді және де

2)жасаған әрекеттері бойынша бүгінгі сабаққа қандай қатысы бар екенін талдап, тақырыпты анықтайды.

ІІІ. Үй тапсырмасын сұрау

(7 мин)

Алдымен бағалау парақшаларын таратып беремін және тақтадан бағалау критерийлерін көрсетіп, түсіндіріп кетемін.

Сұрақ-жауап арқылы үй тапсырмасын сұраймын. Кубикті лақтыру арқылы түскен түс бойынша интерактивті тақтада қалпақтардың астында жасырылған сұрақтарға жауап береді.

Сұрақтар:

1) сары қалпақ: Графиканың түрлерін атаңыз.

2) жасыл қалпақ: Adobe Photoshop бағдарламасын қалай іске қосады?

3) қызыл қалпақ: Жаңа бетті және дайын суретті қалай ашамыз?

4) қара қалпақ: Adobe Photoshop бағдарламасында құрал саймандар тақтасын қалай ашамыз?

5) көк қалпақ: Бейненің бөлшегін қандай құралмен қиып аламыз?

6) ақ қалпақ: Бейненің керек емес бөлшектерін қандай құралмен алып тастауға болады?

Жауаптары:

1)Растрлық, векторлық, фракталды.

2) Пуск-Все программы- Adobe- Adobe Photoshop.

3)Жаңа бет ашу үшін Файл-Новый(жаңа)-Ок батырмасын басамыз, ал дайын суретті ашу үшін Файл-Открыть сосын өзімізге керекті суретті таңдап «открыть» батырмасын басамыз.

4)Adobe Photoshop бағдарламасында құрал саймандар тақтасын ашу үшін Окно-Инструменты (Құрал-саймандар) сөзіне белгіше қоямыз.

5)Лассо, магнитное лассо.

6)Ластик, волшебный ластик.

ІV. Компьютерде тәжірибелік жұмыс

(10 мин)

Тақтадан көрсету (3 мин)

Теорияда алған білімдерін шыңдау мақсатында тапсырмалар беремін.

Интерактивті тақтадан ағашта ілулі тұрған жемістер көрсетіледі. Әр жемістің астында бейнелер, яғни тапсырмалар бар.

1-тапсырма: (алмұрт)

2-тапсырма: (құлпынай)

3-тапсырма: (алма)

4-тапсырма: (жүзім)

5-тапсырма: (шие)

Оқушылар тапсырмаларды орындап болғасын Prezi бағдарламасына салып, интерактивті тақтадан көрсетемін.

Оқушылар мозаика арқылы құрастырған жемістерді интерактивті тақтадан қарап, сәйкес жемісінің астындағы бейнелерді, яғни тапсырмаларды компьютерде Adobe Photoshop бағдарламасында орындайды.

Тапсырманы орындап болғасын әр оқушы флешкаға салып, маған әкелуі тиіс.

V. Бекіту (10 мин)

Тест сұрақтары

(5 мин) мен

тапсырмалар

(5 мин)

1. QuizMaker бағдарламасында дайындаған тест сұрақтары.

100% - өте жақсы

90-80% - жақсы

70-60% - қанағаттанарлық

2. e.edu.kz порталынан алынған тапсырмалар экраннан көрсетіледі.

1. Оқушылар компьютерде QuizMaker бағдарламасында тест сұрақтарына жауап береді. Тест жауабы тест тапсырмасы аяқталысымен экранда көрсетіледі.

2.Оқушылар кезекпен-кезек тақтаға шығып e.edu.kz порталындағы тапсырмаларды орындайды.

VІ. Үйге тапсырмасын беру (2 мин)

Adobe Photoshop бағдарламасында класс оқушыларының фотосуреттерін біріктіріп шағын виньетка жасау.

Үй тапсырмасын күнделіктеріне жазып алады.

Суретін қорғайды, түсіндіреді.

VIІ. Бағалау

(3 мин)

Әр оқушыға бағалау парақшасында жинаған смайликтері бойынша критерийлерді ескере отырып, жеке тұлға ретінде баға беру. (өте жақсы, жақсы, қанағаттанарлық)

Бағалау критерийлері:

1. Үй тапсырмасы

2. Компьютерде тәжірибелік жұмыс

(бағыты, нәтижесі)

3. Тест (100%-өте жақсы, 90-80%-жақсы,

70-60%-қанағаттанарлық)

4. e.edu.kz порталынан тапсырмалар

VIІІ. Рефлексия

(3 мин )