- Преподавателю
- Информатика
- Урок 1: Блокнот Калькулятор
Урок 1: Блокнот Калькулятор
Раздел | Информатика |
Класс | 6 класс |
Тип | Конспекты |
Автор | Жунисова Г.А. |
Дата | 19.01.2016 |
Формат | docx |
Изображения | Нет |
-
ССабақтың тақырыбы: Калькулятор. Блокнот
Сабақтың мақсаты:
Білімділік: Блокнот және Калькулятор қолданбаларының міндеттері үйрету.
Тәрбиелік: Жан - жақты болуға, өз бетімен жұмыс істеуге тәрбиелеу.
Дамытушылық: Оқушылардың ойлау қабілетін, логикалық-абстракциясын дамыту. :
Сабақтың түрі: Теория
Сабақтың көрнекілігі: Компьютер, интерактивті тақта, электронды оқулық, жұмыс дәптері
1. Ұйымдастыру: Сәлемдесу. Оқушыларды түгендеу, тексеру.
2. Үй тапсырмасын тексеру:
• Суретті мәтінге қосудың тәсілдері.
• Кірістіру→Кескін және Кірістіру→Paint суреті бұйрықтары арасындағы айырмашылық неде?
• Мәтіндегі суреттің мөлшерін қалай өзгертуге болады?
• Суретті алмастыру буферінен мәтінге кірістіруді сипатта.
• Суреттерді рамкаларға орналастыру.
3. Жаңа сабақ:
Блокнот-мәтінмен жұмыс жасауға арналған ең қарапайым программа. Оның ерекшелігі - онда әріпті немесе абзацты пішімдеу мүмкіндігі қарастырылмаған. Блокноттың қызметі - мәтінді, мәтіндік пішімде сақтау. Осының арқасында Блокнотта сақталған файл дискіде ең аз орын алады. Блокноттың басқа мәтіндік редакторлардан артықшылығы - ол өте жылдам жүктеледі. Оны іске қосу үшін мына әрекеттерді орындаймыз. Пуск - Программы - Стандартные - Блокнот. Блокнот қолданбасының терезесі. Формат-Шрифт командасы арқылы мәтінді пішімдеу әрекеттерін орындай аламыз. Файл - Сохранить как командасы арқылы құжаттарды сақтаймыз. Файлдар кеңейтілуі *txt болады. Файл - Открыть командасы арқылы сақталған құжаттарды ашамыз.
Калькуляторды пайдалана отырып, есептеулерді жылдам орындауға және есептеу нәтижелерін басқа программаларға беруге болады. Сонымен қатар калькулятор сандық ақпаратты өңдеуге арналған. Калькуляторды іске қосу: Пуск - Программы - Стандартные - Калькулятор. Осы программаның кейбір мүмкіндіктері мен оны қолдану тәсілдерін қарастыру. Сандар мен арифметикалық амалдардың таңбаларын тышқанның көмегімен программаның терезесіндегі батырмаларды шерту арқылы немесе пернетақтадан енгіземіз.
4. Бекіту:
• Блокнот қолданбасының атқаратын қызметі қандай?
• Блокнот қолданбасын қалай іске қосамыз?
• Блокнот қолданбасында қаріп пішінін, өлшемін, түрін қалай өзгертеміз?
• Блокнот қолданбасында құжаттарды сақтау, ашу, әрекеттері қалай орындалады?
• Калькулятор қолданбасының атқаратын қызметі қандай?
• Калькулятор программасының бірнеше терезесін бір уақытта ашуға бола ма?
5. Үй тапсырмасын беру: Калькулятор. Блокнот.
6. Бағалау: Оқушыларды бағалау.