Кәсіпкерлік және бизнес сыныптан тыс жұмыс

Алматы облысы

Карасай ауданы

М. Габдуллин орта мектебі-мектепке

дейінгі шағын орталығымен

коммуналдық мемлекеттік мекемесінің

математика және информатика пәнінің мұғалімі Ж. Темиргалиева

«Кәсіпкерлік және бизнес»

Мақсаты: Білімділік- оқушыларға кәсіпкерлік туралы түсінік бере отырып бизнес жасау жолдарын үйрету, кәсіптік бағыт-бағдар беру.

Дамытушылық- оқушылардың бойында іскерлік, әдеп, ұйымдастырушылық қабілетін, ұжыммен жұмыс дағдыларын қалыптастыру, кәсіпкерлік туралы түсініктерін, ой-өрісін арттыру.

Тәрбиелік- кәсіпкерлік еңбекке баулу, маңызды шешім қабылдай алатын, жетістікке жететін белсенді азамат болуға тәрбиелеу.

Түрі: дөңгелек үстел

Әдісі: Баяндау, сұрақ -жауап, ой бөлісу.

Көрнекілігі: проектор, «кәсіпкерлік», «бизнестің жол картасы-202» бағдарламасы

Барысы.

Қайырлы күн құрметті қонақтар. Бүгінгі біздің «Кәсіпкерлік және бизнес» атты дөңгелек үстелімізге келгендеріңізге қуаныштымын.

Осы тақырыпты талқыға салмас бұрын ортамызға қонақтарымызды қарсы алайық.

• «Бизнес жол қартасы -2020» бағдарламасының жетекші маманы: Әбіш Мөлдір ортамызда

• «Бизнес жол картасы -2020» бағдарламасының несиелеу маманы Мамедова Фатима.

• «Жылыжай» жобасымен Молбосын Аружан

• «Ірімшік» жобасымен Қазыкен Аяулым

• «Арнайы киімдер» жобасымен Қасен Қымбат

• «Сиыр фермасы» жобасымен Әбдіхан Ерсұлтан

Ой қозғау

• Кәсіпкер, кәсіпкерлік ұғымын қалай түсінесіңдер? ...

• Кәсіпкерлік дегеніміз не?

Жоспары.

1. Кәсіпкер және кәсіпкерлік қызмет туралы түсінік.

2. Кәсіпкердің міндеттері мен құқықтары

3. Шағын және орта кәсіпкерлік

4. Жарнама

5. «Бизнестің жол картасы - 2020» бағдарламасы

6. Менің бизнес жоспарым

Нарықтық экономика жағдайында кәсіпкерлік -шаруашылық қызметінің маңызды түрі. Кәсіпкер -өнеркәсіп, сауда, т.б. фирмалардың иесі, тиімді істерді ұйымдастыра білетін іскер адам. Ақылмен қорыта алатын, тәуекелге бара алатын адамдар басқара алады және қойған мақсатына жете алады. Бұларды кәсіпкер деп, ал іс-әрекетін кәсіпкерлік деп атайды.

Кәсіпкерлік -экономикалық іс-әрекет, мақсаты - пайда табу, табысқа ие болу. Кәсіпкерлік өз ынтасымен тәуекелге бел буа алатын, жеке табыс пен пайда табуға ұмтылған азаматтардың қызметтері болып табылады. Кәсіпкерлік кез келген адам айналысуға болатын әрекет түрі. Бірақ құқы бар барлық адам кәсіпкер болуы тиіс емес. Табсты кәсіпкер болу үшін білім, іскерлік, қабілеттілік, қүш-жігер, жауапкершілік, табиғи дарын болуы керек.

Кәсіпкерлер әр түрлі іс-әрекетпен шұғылдана алады.

«Әрбір кішкене жұмыстан түпкі мақсатқа жетудің баспалдағын көре білу - адамның идеалы болуының ең жақсы көрсеткіші». (Б.М. Теплов).

Басқару саласындағы ірі маман Макс Вебер бизнесті ақыл-ойдың дәнін себуші ретінде бағалаған. Атақты ортағасырлық араб ғұламасы Ибн Халдун кәсіпкерлікті «Адамдардың өз мүмкіндігі мен адал еңбегі арқылы молшылыққа кенелу іс-әрекеті» деп бағалады.

Кәсіпкерліктің негізгі түрлері

Қаржылық кәсіпкерлік

Өндірістік кәсіпкерлік

Консультативтік кәсіпкерлік

Коммерциялық кәсіпкерлік

Ой бөлісу

• Кәсіпкер қандай болу керек?

• Фирмалар қалай құрылады және қандай түрлері бар?

• Шағын және орта кәсіпкерліктің мәні мен маңыздылығы неде?

• Кәсіпкер кез-келген уақытта өз бетінше шешім қабылдайтын, жаңалықтарын белсенді түрде тез іске асыратын, барынша тапқыр, тәуекелшіл, жігерлі, жауапкершілікті адам.

Кәсіпкер оның білімін, біліктілігін, бизнестің мәнін және ерекшеліктерін түсінуін сипаттайтын кәсіби қасиеттерге де ие болуы керек.

1. Қолайлы жағдайды тиімді пайдалана білу.

2. Уақытты пайдалана білу. «Уақыт- ақша» деген сөзді бизнесмен өз мәнінде түсінуі керек.Уақытты жоғалтқанда өз мүмкіндігің мен дәрежеңді де жоғалтасың.

3. Еркі мақты болу. Мақсат қойсаң, оған жет.

4. Өз ісіңді таба білу қабілеті. Әр адамның қабілеті мен біліктілігі әр түрлі, сондықтан қолынан не келетінін өзі анықталған маңызды.

5. Іске бағыттала білу. Соңына дейін беріле істей білу - кәсіпкердің маңызды қасиеті.

6. Құрбандыққа даяр болу. Бизнесте жетістікке жетем десең, өз уақытың мен үйреншікті тұрмыс жағдайларын, ұйқыңды жиі қиюға тура келеді.

Фирма - дербес шешім қабылдай отырып жоғары пайда табуға ынталанатын жеке және заңды тұлғалардың кәсіпкерлік қызметінің ұйымдық - құқықтық формасы. Мұнай, газ, металл барлығы 5-7 ғана пайыз адамдарға жұмыс береді. Барлық әлемде 90 пайыз халыққа жұмыс беретін - шағын, орта бизнес. Германияның шайқалмай дағдарыстан өткен себебі: бүкіл өнімнің 80 пайызын кіші және орта бизнес береді.

Шағын бизнестің нақты қызметі:

Жаңа жұмыс орындарын құрады:

Жаңа тауарлар мен қызметтерді ендіреді:

Ірі кәсіпорындардың қажеттіліктерін өтейді:

Арнайы тауарлар мен қызметтерді қымтамасыз етеді.

Бизнес-пайда алуға бағытталған экономикалық қызмет, кәсіпкерлік.

Бизнес- жоспар - идеясын іске асырып пайда алу үшін жасалатын кәсіпкер әрекетінің жоспары. Жарнама жасау болып табылады.

Жарнама - 7 сынып

Жарнама түрлерімен ой бөлісу.

«Бизнестің жол картасы - 2020» бағдарламасы Қазастан Республикасы Президентінің «Жаңа онжылдық - жаңа экономикалық өрлеу. Қазақстанның жаңа мүмкіндіктері» атты Қазақстан халқына жолдауын және Қазақстанның 2020 жылға дейінгі стратегиялық даму жоспарын іске асыру үшін әзірленді. Дөңгелек үстеліміздің қонағы «Бизнес жол картасы -2020» бағдарламасының жетекші маманы : Әбіш Мөлдірге сөз кезегін берейік.

«Бизнестің жол картасы - 2020» бағдарламасы Мемлекеттік үдемелі индустриалды-инновациялық даму бағдарламасын іске асыру тетіктерінің бірі болып табылады.

Бағдарламада нақты төрт бағыт қамтылған.

1-бағыты - жаңа бизнес-бастамаларды қолдау.

2-бағыты - кәсіпкерлік секторды сауықтыру.

3-бағыты - кәсіпкерлердің валюталық тәуекелділігін төмендету.

4-бағыты - кәсіпкерлік мүмкіндікті арттыру.

Экспортқа бағдарланған өндірістерді қолдау.

Сұрақтарыңыз болса

«Бизнес жол картасы -2020» бағдарламасының несиелендіру бөлімінің маманы Мамедова Фатима несиелендіру түрлерімен таныстырып өтсін.

Мемлекет «Даму» қоры арқылы 5 пайызына субсидия береді. Субсидия -бюджеттен берілетін қаражат түріндегі қайтарымсыз көмек. Айналып келгенде кәсіпкердің кредиттік ставкасы 7 пайыздан аспайтын болады.

«Бизнестің жол картасы - 2020» бағдарламасы аясында мемлекеттік қолдауға ие болған жергілікті кәсіпорын нысандары аз емес.

Менің бизнес жоспарым.

Қатысушыларымыздың бизнес жобасынмен танысайық.

Марапаттау.

Қорытындылау: Мемлекет кәсіпкерлердің арқасында, ал кәсіпкерлер өз мемлекетінің қолдауының арқасында өркендейді. Бұл дөңгелек үстел сіздерге үлкен ой салды деген ойдамын, алдағы өмірде белгілі кәсіпкер болуларыңа тілектеспін.

Еліміз бен мемлекетіміздің дамуына үлкен үлес қосады деген сеніммен бүгінгі тәрбие сағатымызды аяқтаймыз.