Конспекты по информатике на тему Paint графикалық редакторы. Сурет салу, сақтау және ашу (5 класс)

Сынып: 5 «А»

Мерзімі: 14.12.15ж.

Сабақтың тақырыбы: Paint графикалық редакторы. Сурет салу, сақтау және ашу

Сабақтың мақсаты: Paint графикалық редакторын бағыттауды, қосуды, сурет салу және сақтауды үйрету.

Білімділік:оқушыларға редактордың құрал-саймандарын дұрыс пайдалана білу және командалары орындай алу қызметін меңгерту.

Дамытушылық: оқушылардың графикалық бейнелеу жұмыстарын орындау арқылы бейнелік ойлау қабілетін дамыту.

Тәрбиелілік: оқушылардың эстетикалық талғамын қалыптастыру, нәтиже алуға және уақытты үнемдеуге дағдыландыру, ақпараттық мәдениеттілікке, компьютерлік сауаттылыққа тәрбиелеу.
Оқушылар білуі тиіс: «Растарлық графикалық редактор» ұғымын.

Оқушылар үйренуі тиіс: сурет өлшемін орнатуды, сақтауды. Түстер палитрасын іске қосуды. Қылқалам, қарындаш, сызық, доғал, масштаб құралдарын қолдануды

Сабақ түрі: жаңа сабақ, практика

Сабақ типі: Практикум элементтері бар, көрсете-түсіндіру

Сабақтың әдіс-тәсілдері: түсіндіру, баяндау, сұрақ-жауап, жазбаша жұмыс, практикалық жұмыс

Жұмыс формалары: жеке, ұжымдық

Сабақтың көрнекілігі: компьютер, проектор, тапсырмалар, үлестірмелер

Сабақтың барысы

І Ұйымдастыру кезеңі

• Оқушыларды түгелдеп, оқу құралдарын тексеру

• Сабаққа назарларын аудару

ІІ Сабақтың мақсаты мен міндеттерін қою

ІІІ Үй тапсырмасын тексеру

§ 13 бойынша тест алу

Өзіңді тексер!

1.Бумадағы «Құжат» файлын тез іздеу үшін не істеу керек?

а) Буманың терезесінде Д әрпі бар пернені басу. +

в) Буманың терезесінде бір мезгілде Shift және Д пернелерін басу

с) Іздеуге кіріп, Д әрпі бар пернені басу

d) Іздеуге кіріп, Shift және Д пернелерін басу

2. Егер буманың терезесінде бір әріптен басталатын бірнеше файл болса, онда келесі файлға өтуүшін:

а) Іздеуді бірнеше рет шақырамыз.

в) Нысан атының бірінші әрпі бар пернені қажетті файл ерекшеленгенше басамыз +

с) Tabпернесін басамыз

d) Бос орын пернесін басамыз

3. Файлды сол атпен қайта сақтау үшін қандай бұйрықты таңдау керек?

а) Қалай сақтау в) Қайтадан сақтау с) Сақтау + d) Құру

4. Файлды жаңа атпен қайта сақтау үшін қандай бұйрықты таңдау керек?

а) Қалай сақтау + в) Қайтадан сақтау с) Сақтау d) Құру

5. Ctrl+O пернелер тіркесімі қандай бұйрықты алмастырады?

а) Қалай сақтау в) Ашу + с) Сақтау d) Құру

6. Ctrl+S пернелер тіркесімі қандай бұйрықты алмастырады?

а) Қалай сақтау в) Ашу с) Сақтау + d) Құру

7. Қосымшаның терезесін жабу үшін қандай пернелер тіркесімін қолдануға болады?

а)Ctrl+S в) Ctrl+О с) Alt+F4 + d) Alt+Tab

IVБілімді өзектендіру

Сұрақтар:

1. Ақпараттың қандай түрлерін компьютерде өңдеуге болады?

2. Қандай графикалық редакторды білесіңдер?

3. Компьютердің қандай құрылғысы графикалық редакторды өңдейді?

4. Бейнені қалай редакциялаймыз?

5. Компьютердің қандай құрылғысы графикалық ақпаратты шығарады?

6. Кез келген қосымша терезеде қандай элементтер орналасады?

7. Paint графикалық редакторын іске қосу бұйрығын орындаңдар.

V Жаңа тақырыпты түсіндіру

Paint графикалық редакторында жұмыс істеу барысында, бізге мәтіндерге жеке иллюстрациялар, жұмыс үстелі үшін фон бейнелерін жасау, қарапайым фотомонтажды орындау, мәтіндерді көркемдеу, бейнені редакциялау және т.б. жұмыстарды орындау талап етіледі. Графиканы өңдеудің қағи даларын меңгеріп, программалық жабдықтаманың күрделі программаларын меңгеру арқылы ПЖ-мен жеңіл жұмыс істеуге болады.

Компьютерде графикалық ақпаратты құру құралдарына жататындар:

• Енгізу құрылғылары (сканер, тышқан, графикалық планшет және т.б.)

• Графикамен жұмыс істеуге арналған программалар (графикалық редакторлар)

Графикалық редактор - графикалық бейнелерді құруға және өзгертуге арналған программа.

Paint (ағылшынша сурет, сурет салу) - бұл растрлық (нүктелерден тұратын) бейнелермен жұмыс істеуге арналған графикалық редактор.

Барлық растарлық бейнелер нүктелерден - пиксельдерден тұрады. Ол суреттің мөлшерін өзгерткенде аянық көрінеді.

Пиксель - (ағылшынша picture element- суреттің элементі)- растрлық бейненің ең кішкентай элементі.

Өзекті сұрақтар:

1. Кескін мен фон түсін қалай таңдаймыз? (2-түсті таңдау)

2. Палитрада түстің неше түрі бар? Басқа түс керек болса не істеу керек? Түсті өзгерту үшін «изменить палитру» командасын таңдаңдар. Түстің дәл мәнін «Определить цвет» бұйрығы арқылы және матрицалық анықтамадан таңдауға болады. Палитра негізіг 3 түстен тұрады: қызыл, жасыл және көк. Сондықтан политра RGB деп аталады. Түсті рең, жарық, өң беріп анықтауға болады. (0-255аралығында).

3. 255-қызыл мәнін таңдаңдар, көк және жасыл - 0.

4. Егер (0,0,0), (255,255,255) мәнін таңдаса қандай түс шығады?

VI Сабақты бекіту

Таңдалған деңгей бойынша тәжірибелік жұмысты компьютерде орындау.

Құрал-саймандардың қосымша мүмкіндіктеріне және тышқанның екі батырмасын басу арқылы сурет салу мүмкіндіктеріне назар аудару.

А деңгейі

1. Жаңа сурет салыңдар

2. Сурет салу аймағындағы маркерлерді жылжыта отырып, суреттің мөлшерін 10х15 см етіңдер.

3. Белсенді түстерді таңдарңдар.

4. Қылқаламды, Қарындаш сайманын, Сызық және Сопақ фигураларды пайдаланып сурет салыңдар. Бояу үшін контурлардың «тесіктері» болмауы керек екеніне көңіл аударыңдар. Ұсақ детальдармен жұмыс жасау үшін Масштаб сайманын қолданыңдар.

5. Суретті үлгі бойынша бояңдар. Аймақтардың контурларын бояп көріңдер. Бірінші тәсіл - алдымен қара түске, одан кейін қажетті түске бояңдар. Екінші тәсіл - қажетті түсті - фонның, ал қараны Қылқаламның түсі етіп алып, боялған өшіргішті пайдаланып, түсті өзгертіңдер.

6. Суретті өз бумаларыңдар Ойыншық деген атпен сақтаңдар.

В деңгейі

А деңгейінің тапсырмасын орындаңдар.

Қар бүршіктерінің бейнесін қосыңдар.

С деңгейі

В деңгейінің тапсырмасын орындаңдар.

Суретке мәтін қосыңдар.

Келесі тапсырма: Компьютерде орын ауыстырылып, оқушылар жұмбақтардың шешуін тауып, суретін компьютерде салады.

Жаңбыр жауса нөсерлеп,
Әрі - сәрі болмаймын.
Алып жүрсең қолыңа,
Су болудан қорғаймын

Қақаған қыста,
Өседі тыста.
Өзгертпей өңін,

Сақтауға ұста
Күндіз кірер «інге»,
Жұрт қалады білмей.
Шығады тек түнде,

Болам дейді күндей.

Көктем сайын жайқалып,
Жаңбыр суын ішемін.
Күз болғанда сарғайып,
Қурап - қурап түсем

С е р г і т у с ә т і .

Дөңгелене тұрайық,

Керегені құрайық.

Уықтар боп иіліп,

Шаңыраққа киіліп

Киіз үйді құрайық

VІІ Сөзжұмбақ шешу

Сөзжұмбақ «ТЫШҚАН» мұнда Paint құралдарына байланысты сұрақтар берілген.

т

ы

ш

қ

а

н

1. Үлкейтіп көрсететін құрал? (масштаб)

2. Қисық сызықтар сызу құралы? (сызық)

3. Суреттің белгілі бөліктерін өшіруге арналған. (өшіргіш)

4. Бояу құралы. (қара)

5. Мәтін енгізу құралы. (жазу)

Сызықты әртүрлі қалыңдықта сызуға арналған құрал? (қарындаш)

VIІІ Сабақты қортындылау

Сабақта орындалған тәжірибелік жұмысты бағалау.

ІХ Үй тапсырмасы

§ 14 оқу, сұрақтарға жауап беру.

ДОЖЖО ____________ Л.Е.Алибекова