Графикалық объектілерді және көркем жазуларды кірістіру. Суреттер мен жазуларды пішімдеу

Сыныбы: 8 сынып

Пәні: Информатика

Сабақтың тақырыбы: Графикалық объектілерді және көркем жазуларды кірістіру. Суреттер мен жазуларды пішімдеу.
Сабақтың мақсаты:
Білімділік: Ms Word редакторында көркем жазуларды, сурет қою жөнінде оқушыларға толық
түсінік беру.
Тәрбиелік: Ms Word редакторында көркем жазуларды, сурет қоюда жылдамдыққа тәрбиелеу.
Дамытушылық: Оқушылардың компьютерге қызығушылығын, ойлау қабілеттерін, танымдық
белсенділігін арттыру.
Сабақтың уақыты: 45 минут
Сабақтың түрі: Теория
Сабақтың көрнекілігі: Компьютер, электронды оқулық, жұмыс дәптері
Сабақтың жүрісі: І. Ұйымдастыру
ІІ. Үй тапсырмасын тексеру
ІІІ. Жаңа сабақ
ІV. Бекіту
V. Үйге тапсырма
VІ. Бағалау
І. Ұйымдастыру: Сәлемдесу. Оқушыларды түгендеу, тексеру.
ІІ. Үй тапсырмасын тексеру:
• Кесте дегеніміз не?
• Бір ұяшықты бірнеше ұяшыққа қалай бөлуге болады?
• Кестедегі қандай қозғалыс әдістерін ата.
• Бірнеше ұяшықты бір ұяшыққа біріктіру және бір ұяшықты бірнеше ұяшыққа бөлу қалай орындалады?
• Кесте құру әдісін ата.
ІІІ. Жаңа сабақ:
Құжатқа сурет, сызба (схема) құрылымдарын орналастыру үшін:
1) Обьект қойылатын жерге курсорды әкелу;
2) Кірістіру→Сурет→Картинкалар (Вставка→Рисунок→Картинки) командаларын таңдау;
3) Пайда болған терезедегі Картинкаларды кірістіру (Вставка картинки) өрісінен қажет файлды сипаттайтын сөзді немесе сөйлемді жазуға болады. Суретті таңдап, оған курсорды апарып тышқанның сол жағын шертсеңіз, таңдалған сурет орналасады.
Клиптер коллекциясынан сурет қою:
4) Таңдалынған сурет құжатқа орналасады.
Суреттің шеттері қоршаумен ерекшеленеді. Қоршауда қара нүктелер бар. Сурет өлшемін өзгерту үшін оны тышқанмен шерту керек. Бұрыштарын созу арқылы суреттің өлшемін өзгерту. Суретті кез келген жерге көшіруге болады. Ол үшін курсорды суреттің ортасына қойып, оны қажет жерге апару керек немесе көшіріп алып, қажет жерге орналастыру. Суретте тышқанның оң жақ батырмасын шертіп, суреттің параметрлерін өзгертетін Шекаралар мен бояу (Границы и Заливка) батырмалары бар тақта пайда болады. Осы жерде шекараның түрін, сызықтың ені мен түсін таңдауға болады. MS Word-та суреттерді салу үшін арнайы құралдар қолданылады. Сурет салу үшін Түрі→Құрал-жабдықтар тақтасы→Сурет (Вид→Панели инструментов→Рисование) командасын таңдау керек. Сонда экранда сурет салу үшін қажет құрал-жабдықтар тақтасы пайда болады. Енді қарапайым суреттер мен блок-сызбаларды орындауға болады. Сурет салу құрал-жабдықтар тақтасы сурет салуға, дайын суреттерді орналастырып қоюға, сондай-ақ обьектілерді пішімдеу параметрлерін өзгертуге мүмкіндік береді. Суреттің қажет элементін таңдап (тышқанмен шерту), тышқанның батырмасын басып тұрып сілтемені мәтіндегі сурет қоятын жерге апарып орналастырылған соң суретті сала беруге болады. Сурет салынып біткен соң обьектінің сыртындағы кез келген жерге тышқанды шерту.
ІV. Бекіту:
• Қандай құрал-жабдықтар тақтасының көмегімен Word-та сурет салуға болады?
• MS Word суреті қалай қойылады?
• Word құжтында сурет қалай өшіріледі?
• Сурет тақтасын қалай іске қосады?
• Экранның қай жерінде құрал-жабдықтар тақтасы орналасқан?
• Сурет тақтасында батырмалардың қандай тобы бар?
V. Үй тапсырмасын беру: §24-25. Графикалық объектілерді және көркем жазуларды кірістіру. Суреттер
мен жазуларды пішімдеу.
VІ. Бағалау: Оқушыларды бағалау.