Планрование по теме информатике Информатика дарабоздары

Маңғыстау облысы

Түпқараған ауданы

Форт-Шевченко қаласы

Есбол Өмірбаев атындағы орта мектебінің

ІІ санатты информатика пәнінің мұғалімі

Ахметова Айнұр Өндірғалиқызы

Сыныптан тыс сабақтың тақырыбы: Информатика дарабоздары

Сабақтың мақсаты: Оқушылардың информатика пәніне деген қызығушылығын арттыру, ой - өрісін және танымдық қабілеттерін дамыту, шығармашылыққа баулу, өз ойын еркін жеткізе білу, өткенді шапшаң еске түсіру дағдыларын қалыптастыру. зеректікке, білгірлікке тәрбиелеу

Сабақтың түрі: интеллектуалдық сайыс

Мұғалім:

Информатика болашаққа бастайды,
Келешекке білім қуған жастарды.
Қадам басып 21 - ші ғасырға,
Барлық әлем жаңалығын тастайды.

Нұрлы үмітпен арқалаған арқаға,
Жан сәулесін тарататын баршаға.
Шын пейілмен құрметімізді көрсетіп,
«Информатика дарабоздары» сайысына кеп тұрған сайыскерлерді қошеметтеп қояйық.

Армысыздар, ұстаздар мен оқушылар!
Мектебімізде өткізгелі отырған «Информатика дарабоздары» білімділік сайысына қош келдіңіздер!
Олай болса бүгінгі «Информатика дарабоздары» білімділік сайысын бастауға рұқсат етіңіздер. Сайысқа төрелік етуші әділқазылар алқасымен таныстырып өтейік:

1. Мектеп директоры: Ибраева Гүлнәр Сарықызы

2. ИФМ бірлестігінің жетекшісі: Шанышбаева Амангүл Айбасқызы

3. Қазақ тілі пәнінің мұғалімі Тәіғұлова Жарқынй Сұлтансихқызы

Бүгінгі сайысымыздың кезеңдерімен таныс болыңыздар:

1 "Таныстыру"

2. "Бәйге"

3. "Ғажайып сандар"

4. "Полиглот"

5." Paint аралына саяхат"

6. "Мақал -сөздің мәйегі"

Тойлап маржандай боп өлеңдесіп,
Достарым отырсың ба елеңдесіп.
Ата - салт, баба дәстүр жолыменен,
Алайық біз әуелі сәлемдесіп.

1. Әр топ өздерін таныстырады, амандасу рәсімі

1. "Алгоритм" тобы

2. "Паскаль" тобы

3. "Ақпарат" тобы

Бақ пен бап сыналар бұл жарыста қатысып отырған топтарға сәт сапар тілей отырып, шыңдарға биік қонғайсың демекпін.

І І- бөлім. «БӘЙГЕ»

Қарап тұрмай бәйгеге кеп еніңіз,
Қатысып отырған топтарға әділ шешім беріңіз,
Жүзден жүйрік, мыңнан тұлпар шығарар,
Бәйге, бәйге, бәйгені бір көріңіз.

Сұрақтың жауабына шапшаң жауап берген топтарәрбір дұрыс жауабы үшін 2 ұпайға ие болады.
1. Ақпарат дегеніміз не?(Ақпарат дегеніміз бұл қоршаған ортадан білім, мәлімет немесе команда)

2. Ақпараттық үдерістер дегеніміз не? (Ақпаратты алу, беру, сақтау, өңдеу және қолдану үдерісі)

3.Ақпараттың қасиеттерін ата? (Нақты, сенімді, толық, өзекті, пайдалы, түсінікті, қолжетімді)

4. Компьютерлік вирус дегеніміз не? (Көбеюге және басқа программаларға жұңуға қабілетті, арнайы жазылған шағын көлемді компьютерлік программа)

5. Вирустан қорғау пргорамманың түрлерін ата? (детектор, доктор, фильтр,ревизор)

6. Архив дегеніміз не?(Архив-бұл бір немесе бірнеше файлдарды сығу ретімен қаттауға араналған файл)

7. Алгоритм дегеніміз не?(Нәтижеге жету мақсатында атқарушыға қандай әрекеттерді жасау қажеттігін түсінікті әрі дәл етіп көрсететін нұсқаулар реті)

8. Алгоритм атауы кімнің жазылуынан шыққан?(Алгоритм атауы араб математигі Әбу Жафар Мұхаммед ибн Мұса әл-Хорезми (763-850) есімінің латынша алгоритм жазылуынан шыққан)

9. Алгоритмнің негізігі қасиеттері (түсініктілік,дискреттілік,анықтылық, нәтижелілік, жалпылылық)

10. Блок-схема дегенімізі не? (Бұл алгоритмнің графикалық түрде жазылу түрі)

11. Алгоритмнің жазылу түрлерін ата? (сөздік , кестелік, графикалық, программалық)

12. Тармақталған алгоритм дегеніміз не? (бұл шартқа байланысты әрекеттердің біріншісін немесе басқасын орындайтын алгоритм)

13. Абзац -бұл ентер пернесін басқанда абзац белгісінің арасына қойылатын символдар жиынтығы.

14. Циклдік алгоритм дегеніміз не? - (циклдік алгоритм -бұл командалары бірнеше рет қайталанып орындалатын алгоритм.

15. Модельдеу дегеніміз не?(Модельдеу -бұл нысандарды , үдерістер мен құбылыстарды зерттеу мен жобалауға негізделген модельдерді құру)

16. Мәтінді поцессор дегеніміз не? (Мәтінді процессор -бұл қарапайым және кешенді мәтіндік құжаттарды енгізуге, түзетуге, пішімдеуге, сонымен бірге экранға және қағазға басып шығаруға мүмкіндік беретін программалар түрі)

3-кезең "Ғажайып сандар"

Білімнің ұшқырлығын танып сен,

Асып, тасып, асықпа, қалыспа сен.

Уақыт деген зымырап, зулап жатыр,

Шапшаңдық бұл сайыста керек екен.

1. Ортадан ақпаратты адам қалай қабылдай алады (пайыздарымен ата)?

көру -90%, есту-9 %,иіс сезу-1 %,дәм сезу -1 %,сипау-1 % , (10 ұпай)

2. Ақпараттың өлшем біріліктерін ата? Бит,байт, кбайт,мбайт,1байт-8бит,1кбайт-1024байт,1мбайт-1024кбайт,1гбайт-1024мбайт (20ұпай)

3. Ақпараттық үдерістер дегеніміз не?Әлемнің ақпараттық бейнесі дегеніміз не?( Ақпаратты алу, беру, сақтау,өңдеу және қолдану үдерісі ақпараттық үдерістер деп аталады. Әлемнің ақпараттық бейнесі-бұл нақты әлемдегі нысандар туралы ақпараттар көзі)(30 ұпай)

4. Кіші көлемдегі микросхемалар қашан пайда болды? (1964ж-1971ж ) (10ұпай)

5. Транзисторлар қашан пайда болды? (1956ж-1964ж ) (20үпай)

6. ЭЕМ-нің жаңа буындары? (Жаңа элементтік база,жаңа өндірістік технологиялар,жаңа программалық қолданба,жаңа қолдану саласы)(30үпай)

7. Сызықтық алгоритм дегеніміз не? (Командалары бірінен соң бірі тізбектеле орындалатын алгоритм) (10ұпай)

8. Блок-схеманың әрекеттерін ата? (1.Алгоритмнің басы мен соңы

2. Әрекеттерді орындау үдерісі 3. Әрекеттерді орындау шарт тары

4. Мәліметтерді енгізу немесе шығару 5. Есептеуіш әрекет)

9. Сөздік пен программалық жазылу түрлерінің міндеттерін ата? (Сөздік-алгоритмнің табиғи тілде жазылып берілуі

2.Программалық-алгоритмнің компьютер тіліне түсінікті түрде жазылуы)

4-Кезең -Полиглот

Келді кезек полиглотты шешуге,
Жауаптарды аударуға үш тілде.
Қазақ, орыс, ағылшынды білсеңіз,
30 ұпай, шәкірт саған несібе.

1. Компьютерге мәтін енгізуге арналған құрылғы? (Пернетақта-клавиатура-Keyboard)

2. Латынның түсіндіру, баяндау, мәлімет деген ұғымдарды білдіретін сөзі.( Ақпарат-Информация-Information)

3. Компьютер пенетақтасында қанша пернелер бар? (Жүз бір-сто один-One hundred one

4. Бұл ең басты перне, оны басу әдетте белгілі бір әрекеттің, операцияның аяқталғанын, компьютер бұл әрекеттерді өңдеу керек екенін көрсетеді (енгізу-ввод-enter)

5. Бұл перне меңзердің оң жағында тұрған символды өшіреді(өшіру-удалить-delet)

6. Өшірілген файлдар қайда сақталады? (себет-корзина-basket )

5-кезең. PAINT аралына саяхат .

Берілген үлестірмелер бойынша PAINTграфикалық редакторында суреттер салу

6-кезең. Мақал-сөздің мәйегі.

Білімдіден шығар алғыр, шешен
Шешендікпен болған ғой барлық көсем
Сайра шәкірт, суырыл, шарықташы
Қалмасын бұл жарыста сенің есең.

1. Жігітті компьютеріне қарап, бағала.
(Жігітті досына қарап, бағала)
2. Байт биттен құралады.
(Теңге тиыннан құралады)
3. Вирустан қорыққан, Интернетке шықпас.
(Шегірткеден қорыққан, егін екпес)
4. Компьютердің жұмысы, иесіне мәлім.
(Атының сыры иесіне мәлім)
5. Веб - дизайншының өз еркі, сайтты қалай жасаса.
(Қазаншының өз еркі, қайдан құлақ шығарса)
6. Білмесең, «анықтамадан» сұра.
(Білмесең білгеннен сұра)
7. Бір ядролы процессор жақсы, ал екі ядролы одан да жақсы.
(Бір бас жақсы, екі бас одан да жақсы)
8. Антивирусы күштіні - Вирус ала алмайды.
(Досы көпті жау алмайды)
9. Күлсең ескірген компьютерлерге күл.
(Күлсең кәріге күл)
10. Компьютерде екі колонка, дауысы жер жарады.
(Айдағаны бес ешкі, ысқырығы жер жарады)

Қорытынды
Әділқазыларға сөз беру. Жеңген топты анықтау. Марапаттау.

Ойын толқын жатқандай асып, тасып,
Біреу мығым, біреулер шалыс басып
Бұл ойыннан өтеді ғұлама ойлар,
Жеңсең де, жеңілсең де қалма жасып,-дей отыра бүгінгі сайысымызды аяқтаймыз.
Кеш соңында жеңіске жеткен топ марапатталады.
Қош сау болыңыздар!