Доклад на тему ИКТ

Сабақ үрдісінде оқушылар белсенділігін арттыруда АКТ -ны қолдану

Қоғамда адам өмірінің ақпараттануы және компьютерлік техниканың қарқынды, кеңінен таралуы білім беру мазмұнына да үлкен әсерін тигізіп отыр. Ол оқу-тәрбие үрдісінің нысандары мен әдістеріне де өзгеріс енгізуге ықпал етіп отырғаны белгілі. Мұндай оқыту әдістері мен нысандарының бірі- «Білім берудегі АКТ» (Ақпараттық-коммуникациялық технологиялар).

Ақпараттық - коммуникативтік технология дегеніміз - адам қызметінің барлық түрінің ақпаратын өңдейтін жүйелі және бұқаралық әдіс-тәсілдері мен амалдарының жиынтығы.

АКТ-НЫ САБАҚ ПРОЦЕСІНДЕ ҚОЛДАНУ

дидактикалық (сабақтың оқу материалын дайындау, компьютерлік бағдарламаны талдау);

әдістемелік (тақырыпты беруде АКТ-ны қолдану әдістерін анықтау, сабақтың нәтижесін талдау, келесі оқу мақсатын қою);

ұйымдастырушылық (оқушының шамадан тыс жүктелуін және уақытты тиімсіз өткізуді болдырмайтындай етіп жұмысты ұйымдастыру);

оқыту (қарастырылған тақырып бойынша оқушылардың білімдерін және ұсынылған бағдарлама бойынша біліктері мен дағдыларын нығайту және бекіту).

АКТ - мұғалімнің өз жұмыстарының әдістері мен ұйымдастыру түрлерін түбегейлі өзгертуге, оқушылардың жеке қабілеттілігін дамытуға, оқудағы пәнаралық байланысты күшейтуге, оқу процесін ұйымдастыруды үнемі жаңартып отыруға мүмкіндік береді, жалпы оқыту үрдісінің функциялары: оқыту, тәрбиелеу, дамыту, ақпараттық болжамдау және шығармашылық қабілеттерін дамытумен анықталады.

Оқыту үрдiсiнде АКТ - ны қолдану мұғалiм мен оқушы қарым - қатынасының бұрынғы қалыптасқан жүйесiн, олардың iс-әрекеттерiнiң мазмұнын, құрылымын үлкен өзгерiстерге ұшыратады. Қалыпты бiлiм беру жүйесiнде мұғалiм - оқушы - оқулық түрiнде құрылған үш жақты байланыс бұзылып, мұғалiм - оқушы - компьютер - оқулық жүйесi пайда болды. Мұндай жүйеде бiлiм беру оқыту үрдісінде АКТ-ны қолдану бiлiм мен бiлiктiлiкке қоятын талаптарды қайта қарап, жетiлдiрiп, жүйелеудi талап етедi.

Сабақ үрдісінде АКТ -ны пайдалану оқушыларға ақпараттарды, ғылыми ұғымдарды түсіндіруді олардың жеңіл қабылдануын, түсінікті болуын қамтамасыз етсе, мұғалімдерге сабақ беруде көмектесетін маңызды құрал. Мұғалім сабаққа дайындалу барысында АКТ-ны пайдаланып:
• Илюстративті көрнекіліктер мен плакаттар дайындай алады;
• Ақпараттық видеороликтерді құрады және көрсетеді;
• Сабақты бекіту, білімді тексере және түсіндіре алады;
• Рефераттар, баяндамалар дайындау және презентациялар құрады;
• Кез - келген сабақтың түрін және семинар, ғылыми конференциялар өткізе алады;
• Зертханалық жұмысқа дайындық немесе виртуалды зертханалық жұмыс жасайды;
• Сабаққа дайындалуға қажетті ақпараттарды интернет беттерінен іздеу мүмкіндігі;
• Қашықтықтан оқыту жүйесін пайдаланады.

Сонымен қатар сабақ үрдісінде:

1. Интерактивті тақтаны тек қана слайд көрсету үшін емес, постер

қорғау, кері байланыс кезінде қолдануға болады. Мысалы: бір топ постерді қағазда, екінші топ тақтада жасап қорғайды.

2. Оқушылардан сабақ үстінде бағалауды ұйымдастыру үшін жұмыстарын жинауда желіні пайдалану өте тиімді. Сандық технологияларға қатысты алғанда осы білімдер операциялық жүйелер және компьютерлік аппараттық құралдарды білуді, сондай-ақ мәтіндерді теру мен түзетуге, электронды кестелер құруға мүмкіндік беретін бағдарламалық құралдардың стандартты жиынтығын, браузерлер мен электронды поштаны пайдалана алу қабілеті болып табылады.

3. Оқушылар жұмысын тексеру, бақылау мақсатында Net Cоntrol бағдарламасын пайдалану мұғалім жұмысын жеңілдетеді. Сабақта мұғалім орнында отырып-ақ компьютерден тапсырмаларды таратып, жинап алады. Оқушы жұмысын басқарады, тексеріп, қадағалайды.

4. Видео-аудио сабақтарды қолдану мен презентацияларды демонстрациялау оқу құралы ретінде қиялды, абстрактілі ойлауды, оқытылатын оқу материалына және пәнге қызығушылықты арттырады. Презентациялар бір жағынан оқушыларға жаңа материалды (иллюстрация, фотосуреттер, бейнелік, дидактикалық материалдар, т. с. с.) көрнекті түрде көрсету құралы болса, екінші жағынан, мұғалімдерге осы материалдарды және оны қолдану арқылы сабақты меңгерту процесін жеңілдетеді. Мен сабақты қызығушылығын ояту мақсатында, мысалы компьютерлік графика тақырыбын өткенде компьютерлік графика туралы бейнефильм көрсетемін.

5. Оқушылармен есептерді, тапсырмаларды тексеріп, қате жерлеріне ұсыныс, ескертпе және кері байланыс жасау үшін интернет желісін пайдалану жеңіл. Мысалы: ББҮ, Кері байланыс бутерброды, эссе.

Күнделікті тапсырма орындағанда Net Cоntrol програмасын пайдалануға болады. Осы программа арқылы түсіндім-жасыл жалауша, сұрағым бар -қызыл, түсінбедім, көмек керек-сары жалаушаны көтере алады.

Қорыта келгенде: АКТ -

• Оқу үрдісінің тиімділігін қамтамасыз етеді;

• Баланың ойлау (зерделеу) қабілетін дамытуға бағытталу, яғни елестету, салыстыру, байқағыштық, жалпыдан негізгіні айыра алу, ұқсастықты табу қасиеттерін дамытады;

• Дарынды, орташа және үлгерімі төмен оқушыға сабақты ойдағыдай меңгеруіне мүмкіндік туады;

• Оқушының еркін ойлауына мүмкіндік береді;

• Ақыл - ойын дамытады;

• Шығармашылық белсендігін арттырады;

• Ұжымдық іс - әрекетке тәрбиелейді;

• Тіл байлығын жетілдіреді;

• Жан - жақты ізденушілігін арттырады.

Қолданылған әдебиеттер:

1. МАН.3-деңгей. Үшінші басылым.

2. Интернет мәліметтері. Ақпараттандыру технологиясы- заман талабы оқу әдістемелік құрал