Графика әлемі

Графика әлемі

26th Сәуір 2012

1. 1. Бағдарламаны құрастырушы: Баймурзаева Разия Конакбаевна, Қызылорда қаласы №264 мектеп лицейдің информатика пәнінің мұғалімі

2. 2. Қолданбалы курс: «Графика әлемі», 8-сынып

3. 3. Бағдарламаға түсінік хат:

1. Бұл бағдарлама жаратылыстану-математикалық бағыттағы 8-сыныптарға информатика пәнінен қолданбалы курс оқытуға арналған. Графикамен жұмыс жасау арқылы оқушылардың логикалық ойлау қабілетін дамытуға, шығармашылықпен жұмыс жасауға бағыттау.

2. «Графика әлемі» тақырыбындағы курс оқушыларға графикалық редакторлар түрлерін, олардың қолданылуын анықтауға көмектеседі және бейнелермен жұмыс жасай білу дағдысын қалыптастыруға көп көңіл бөлінген.

3. Графикалық бағдарламаларды пайдалану арқылы сурет салу және көркемдеу, безендіру жұмыстарын орындауда оқушы графикамен жұмыс жасау және программаның көмегімен құрылатын күрделі иллюстрациялардың маңызы жайлы түсінік алады.

4. Paint, Adobe Photoshop, Corel Draw бағдарламаларында кез келген тапсырманы орындауға арнайы құрал-жабдықтары жәрдемдеседі. Осы құрал-жабдықтарды қолдану жолдарын үйренеді.

5. Paint, Adobe Photoshop, Corel Draw бағдарламаларында бейнелерге түрлі эффектілерді пайдалануға үйретеді.

Курстың негізгі мақсаты:

● Білімдік: қазіргі заман талабына сай бәсекеге қабілетті, қарқынмен дамып келе жатқан қоғамда кәсіби маман болып қалыптасуына бағыт беру, компьютерлік технологияның мүмкіндіктерін өздерінің кәсіби дайындық деңгейіне еркін пайдалана білуге үйрету; нәтижелі жұмыс жасауға баулу; оқушыларға білім алудың қарапайым түрлерін қолдана отырып, графикалық редакторлардағы жаңа ұғымдармен таныстыру, көркемдеу, безендіру жұмыстарын орындауда құрал-жабдықтардың қызметтерін есінде қалатындай етіп қабылдауға үйрету.

● Тәрбиелік: жанашырлық, мейірімділік пен әділдік тәрізді адамгершілік санат негізінде эстетикалық талғамын қалыптастыру, нәтиже алуға және уақытты үнемдеуге дағдыландыру. өз білімін пайдалану, өз көзқарасын білдіру, шешім қабылдау және ол үшін жауапты болуға, отанға деген сүйіспеншілік пен құрмет сезімдерін нығайтуға тәрбиелеу.

● Дамытушылық: Графикалық бейнелеу жұмыстарын орындау арқылы бейнелік ойлау қабілетін дамыту, графикамен жұмыс жасау маңыздылығын терең түсіну, қызығушылықты қалыптастыру; оқушыларға жаңа білім бере отырып, ой-өрісін жан-жақты дамыту.

Курстың негізгі міндеттері:

• Бағдарламаны үйрету арқылы оқушылардың танымдық, біліктілік қабілеттерін дамыту;

• Оқушылардың пәнге деген қызығушылығын арттырып, кәсіби бағдар беру.

• Оқушылардың компьютерлік сауаттылығын дамыта отырып, кәсіби маман болып қалыптасуына ықпал жасау;

• Алдыға қойылған мақсат нәтижеге бағытталуы қажет.

• Оқушылардың өз бетінше жұмыс жасауға дағдысын қалыптастыру.

Күтілетін нәтиже:

• Оқушылар қабілетіне қарай мемлекеттік стандартқа сай сапалы білім алады.

• Проблеманы көре алатын және оны шеше алатын, барлық ақпарат түрлерімен жұмыс істеп, алған білімдерін өмірде кездескен нақты жағдайда пайдалана алатын тұлға қалыптасады.

• Оқу үрдісінде репродуктивтік, эвристикалық және зерттеушілік тапсырмаларды қолдану оқушылардың белсенділігін арттыру.

• Өз заманына сай білімді, іскер, шығармашыл, жан-жақты дамыған, терең білімді шығармашыл тұлға қалыптастыру.

Пәнаралық байланыс: география, математика, физика, бейнелеу.

Оқушыларға қосымша тәрбие беріліп, пәнаралық байланыстар нығайтылады. Оқушылардың төмендегідей іскерлік дағдылары қалыптасады:

· меңгерту;

· пысықтау;

· дәлелдеу;

· бағалау;

· қорытындылау.

Оқушыларға қойылатын талаптар:

Білу: «Графика әлемі» тарауын толық меңгеріп, бейнелермен жұмыс жасау жолдарын, олардың маңызын, қасиетін, қолданылуын, графика ұғымын сараптай, Paint, Adobe Photoshop және Corel Draw бағдарламаларын терең зерттеп, олардың күрделі командаларын орындай біледі ;

Үйрену: Компьютерге сараптама және шығармашылықпен жұмыс жасауды, графикалық бағдарламалармен жұмыс жасау кезінде құрал-саймандардың қызметін біледі.

Түсіндіру: Paint, Adobe Photoshop және Corel Draw бағдарламаларын.

Қолдана білу: Курстан алған білім мен білікті кәсіби бағдар алуда, күнделікті өмірде.

Мазмұны:

- Есептеуіш техника кабинетіндегі техника қауіпсіздігінің және тәртіп сақтау ережелері. Электр тогымен зақымданған жағдайда алғашқы дәрігерлік көмек көрсету. Көз шаршағанда жасалатын жаттығулар. Жұмыс орнының журналы

- Компьютерлік графика: векторлық, растрлық және фракталды.

- Paint графикалық редакторы.

- Adobe Photoshop бағдарламасы.

- Corel Draw бағдарламасы.

Сағат жүктемесі: аптасына 1 сағаттан, барлығы 34 сағат.

1. 1. Тақырып жоспарының мазмұны: (бағдарламасы)

1 - тақырып. Paint графикалық редакторы (3 сағат).

Paint графикалық редакторымен танысу.

Құрал-саймандармен жұмыс. Суретті сақтау жолдары және оны редакторда жүктеу.

Өзіндік жұмыс: Шығармашылық жұмыс

Көрсетілімдер: слайдтар, сызбанұсқа, плакаттар, электрондық оқулық, интерактивті тақта.

2 - тақырып: Adobe Photoshop бағдарламасы (14 сағат).

Adobe Photoshop бағдарламасы терезесімен танысу. Жұмыс экраны. Жұмыс өрісі. Мәзір ерекшеліктері. Құралдар тақтасы

Текстуралар. Әртүрлі текстуралар құру: ағаш, кірпіш, гранит, мрамор. Көлемді имитациялау. Бейнелерді өңдеу негіздері.

Мәтін эффектілері. Мәтінмен жұмыс. Эффектілер құру.

Бейнелерді біріктіру. Фотомонтаж. Фотосуреттермен жұмыс жасау. Фотосуреттер коллажы.

Adobe Photoshop ортасында мәтіндер мен фотосуреттерге стильдерді пайдалану

Өзіндік жұмыс: Өз фотосуреті бойынша фотомонтаж құру. Шығармашылық жұмыс

Көрсетілімдер: слайдтар, плакаттар, электрондық оқулық, интерактивті тақта.

3 - тақырып. Corel Draw бағдарламасы (14 сағат).

Corel Draw графикалық редакторымен танысу. Құрал-саймандар тақтасы. Суретті дискіде сақтау және редакторда жүктеу.

Қарапайым объектілерді ерекшелеу және өңдеу. Объектіні бояу және контурының түсі.

Геометриялық фигураларды пайдаланып, ою-өрнектер салу

Corel Draw графикалық редакторының қосалқы мүмкіндіктері.

Өзіндік жұмыс: Шығармашылық жұмыс

Көрсетілімдер: слайдтар, плакаттар, электрондық оқулық, интерактивті тақта, тест тапсырмалары.

Шығармашылық жұмыстар: «Графика әлемі» қолданбалы курсында жасалынған жұмыстарға талдау жасау.

Тақырыптық - күнтізбелік жоспар:

1. 2. Курсты ұйымдастыру формасын анықтау:

- лекция

- сұхбат - әңгіме

- топтау, жұптық оқыту

- өзіндік жұмыстар әдістерін пайдалану

3. Курсты оқытуды аяқтау формасы.

- Қорытынды бақылау жұмысы.

- Рефераттар.

- Өз бетінше іздену жұмыстары (жоба)

4. Оқушылардың оқу жетістіктерін бағалау жүйесі.

- Тест тапсырмалары.

-Шығармашылық жұмыс

- Өзіндік жұмыс.

Пайдаланылған әдебиеттер:

Мұғалімдер үшін:

1. Интернет желісін пайдалану.

2. 8 - сыныптың оқулығы.

3. Инфоматикадан 30 сабақ. Балапанов Е.Қ., Бөрібаев Б., А.Б.Дәулетқұлов. Алматы ЖТИ. 2005.

4. Жалпы информатика. С. Симонович, Г. Евсеев- Москва: «АСТ-ПРЕСС»

5. Информатика негіздері журналы

6. 100% самоучитель Компьютерная графика Гаевский А.Ю.

7. Компьютерлік дизайн (әдістемелік құрал) С.Т.Мұхамбетжанова, Д.С.Момбекбаев, Е.Бұлтұлы, М.Е.Сағымбаев

8. Компьютерная графика. Динамика, реалистические изображения
   Автор: Е.В.Шикин, А.В.Боресков. Издательство: Диалог-мифи Год: 1995

9. Adobe Photoshop. Официальный учебный курс (+ CD-ROM) Юрий Гурский, Андрей Васильев

10. Самоучитель Corel DRAW Нина Комолова, Александр Тайц, Александра Тайц

Оқушылар үшін:

1. Информатикадан 30 сабақ . Б.Б.Бөрібаев, Е.Қ.Балапанов,

А.Б. Дәулетқұлов Алматы - 2004

1. Компьютерлік дизайн (әдістемелік құрал) С.Т.Мұхамбетжанова,

Д.С.Момбекбаев, Е.Бұлтұлы, М.Е.Сағымбаев

1. Интернет сайттары : google.kz, mail.ru, yandex.ru, rambler.kz

2. Компьютерная графика. Динамика, реалистические изображения
   Е.В.Шикин, А.В.Боресков. Издательство: Диалог-мифи Год: 1995

3. Фотошоп для чайников Генадий Федоров 2008

4. CorelDRAW X4. Лучший самоучитель С. В. Глушаков, Е. В. Гончарова

Рефераттар тақырыбы:

1.Графикалық редактор ортасы

2.Бейнелерді өңдеуде қолданатын қосымша мүмкіндіктер