Доп. материалы на тему ОҚУ ҮДЕРІСІНДЕГІ АҚПАРАТТЫҚ ТЕХНОЛОГИЯЛАР

Раздел Информатика
Класс -
Тип Другие методич. материалы
Автор
Дата
Формат doc
Изображения Нет
For-Teacher.ru - все для учителя
Поделитесь с коллегами:





ОҚУ ҮДЕРІСІНДЕГІ АҚПАРАТТЫҚ ТЕХНОЛОГИЯЛАР



Тасболат Мөлдір Тасболатқызы

«Саты жалпы орта білім беретін мектеп» ММ


Саты ауылы, Май ауданы, Павлодар облысы


ОҚУ ҮДЕРІСІНДЕГІ АҚПАРАТТЫҚ ТЕХНОЛОГИЯЛАР

Ақпараттандыру білім берудің сапасын, қолжетімділігін және тиімділігін арттыруға бағытталған білім беру жүйесін реформалаудың ең маңызды тетігі болып табылады.

Ақпараттық-коммуникациялық технологияларды қалай түсіндіруге болады?

Бұл - ақпаратты жинау, сақтау, өңдеу, ұсыну мен беру тәсілдері мен алгоритмдерін сипаттайтын жалпы түсінік.

Ақпараттық технологиялардың (АТ) қарқынды дамып, олардың қоғамның барлық салаларына енуі соңғы он жылдағы бүкіләлемдік дамудың ең маңызды үрдісі болып табылады.

Қазіргі уақытта компьютерлік техникалар мен заманға сай коммуникациялық құралдардың дамуына байланысты, сонымен қатар АТ адам өмірінің кез келген саласында пайдаланылғандықтан, ақпараттық технологиялармен оқыту туралы жиі айтылып жүр. Аталған технологияларды мектеп партасында отырып меңгеру бүгінгі мектеп оқушысының келешектегі кәсіби дайындығының сәтті болуын айқындайды.

Қазіргі қоғамда ақпараттандыру үдерісіне бағытталған басымдықтың бірі білім беруді ақпараттандыру - білім беру жүйесіндегі жаңа ақпараттық технологиялық құралдарды енгізу. Мұны жасаудың мүмкіндігі төмендегідей:

• ғылыми-педагогикалық ақпаратты, ақпараттық-әдістемелік материалдарды, сонымен қатар коммуникациялық желілердегі мәлеметтердің автоматтандырылған банкін пайдалану негізінде білім берудің басқару тетігін жетілдіру;

• қоғамды қазіргі заманға сай жағдайда ақпараттандыруда оқушы тұлғаның дамуының тиісті міндеттері, оқытудың мазмұнын, әдістері мен ұйымдастыру формаларын іріктеу әдіснамалары мен стратегиясын жетілдіру;

• оқушының интеллектуалдық әлеуетін дамытуға, өз бетінше білім алу дағдысын қалыптастыруға бағытталған оқытудың әдістемелік жүйесін құру, ақпараттық өңдеу бойынша өз бетінше жүргізілетін қызметтің әртүрін жүзеге асыру;

• компьютерлік тестілеу, диагностика жасау, бақылау және бағалау жүйесін құру мен пайдалану.

Компьютерді техникалық құрал ретінде информатика мұғалімі ғана қолдануы тиіс, ал басқа оқытушыларға оның қажеті жоқ деген пікірді жиі еститінбіз. Бірақ бүгінгі күні АТ кәсіби қызметтің түрлі салаларында үлкен мүмкіндіктерге қол жеткізіп, көптеген міндеттерді, оның ішінде білім беру міндеттерін шешуге арналған қазіргі заманғы ыңғайлы құралдар болып отырғандығы баршамызға мәлім.

Педагог үшін үлкен міндеттер ашылуда: компьютер білімді бақылау міндетін атқарып, сабақты көрнекі материалдармен қамтамасыз етіп, уақытты үнемдеуге көмектеседі, түсінуге қиындық келтіретін сәттерді динамикада көрсетіп, қайталауға ықпал етеді, әрбір оқушының жекелеген ерекшеліктеріне байланысты сабақты кіріктіруге мүмкіндік береді.

Компьютерлендірудің даму үдерісін тоқтату мүмкін емес. Барлық дамыған мемлекеттер АТ оқытуды кең түрде қолданып келеді. Бұл - компьютердің адам өмірінің барлық саласында еңбектің жоғары өнімділігінің құралы болып отырғандығының айғағы. Қажетті білім көлемінің бірден өсуі оқытудың дәстүрлі әдіс-тәсілдерінің көмегімен жоғары кәсіби мамандардың талап етілген санын дайындау мүмкін емес. Барлық әлемде оқытуда АТ пайдалану арқылы оқу үдерісінің тиімділігін жоғарлатсақ деген үмітпен мектеп қабырғасында берілетін білім мен өскелең ұрпаққа қоғамның қойған талаптарын ұсыну болып саналады.

Ақпараттық қоғамның қарқынды дамып, мультимедиа технологиясының, электронды ақпараттық ресурстардың, технологиялық желілердің пайда болып, кең таралауы, ғаламдық кеңістіктегі АТ оқыту, диалогтық қарым-қатынас жасау, тәрбиелеу, интеграциялау құралы ретінде пайдалануға мүмкіндік береді. Жалпы білім беретін мектепте АТ дәстүрлі және ақпараттық бағытта бірге енгізу білім беруде АТ қолданудың жаңа интеграциялық тұжырымдарын іске асыруға мүмкіндік береді.

Соңғы он жылда АТ қарқынды даму кезеңінде қазіргі заманғы білім беру жүйесінде мұғалімнің ролін өзгерту туралы келелі мәселе туындайды. Бүгінгі таңда пән мұғалімдері қазіргі заманғы ақпараттық технология мен оған тиісті бағдарламалық-техникалық білімнің білім беру үрдісінің жаңа сапалы деңгейге ұласып, білім беру әлеуетінің жоғарылағанын жоққа шығара алмайды. Мұғалімдер жинақталған әдістемелік білім мен дидактикалық материалдарды пайдалану арқылы сабақта білім беру әрекетінің деңгейін жоғарлатуға, оқушылардың жаңа материалдарды меңгеруге деген құлшынысының деңгейін арттыруға мүмкіндік береді.

АКТ-ның психологиялық-педагогикалық аспектілері әртүрлі.

Адам мен компьютердің өзара әрекеті, адам мен ЭЕМ диалогының заңдылығы, ойлаудың, есте сақтаудың, елестетудің өзара ақпаратты қабылдау мен өңдеу үрдісін, есептегіш машиналардың көңіл-күйге әсер етуін И.В.Марусеева, Е.С.Полат және т.б. қарастырды.

Мектепте ақпараттық-коммуникациялық технологияларды пайдалану барысында тиісті дәрежеде техникалық базаның жеткіліксіздігі, компьютерлік бағдарламамен қамтамасыз етілмеуі, Интернет желісіне қосылмау және мұғалімнің өзінің компьютермен жұмыс істеу дағдысының болмау жағдайында түрлі пәндер курсын оқыту мүмкін емес.

Біздің педагогтарымыз білім беру, тәрбиелеу үрдісінде компьютерді жиі пайдаланады. Бүгінгі күні медиа-құралдарды пайдалану аса қажет болып отыр. Мұғалімдер сабақ әдісін жетілдіру үшін компьютердің артықшылығын бағалап келеді.

Компьютерлік технологияны білім беру саласында енгізу адам дамуына түрлі өзгерістер әкелді, атап айтқанда, танымдық тұрғыдан, сонымен қатар эмоционалды-мотивациялық үрдіс, олар адамның мінез-құлқына әсер етеді, оқушының компьютермен жұмыс жасау барысында танымдық сипаттың басым болуына көп көңіл бөлінеді. Оқытуда АКТ құралдарын пайдалану оқушының оқу қызметін өз бетінше жүргізіп, «оның тұлға ретінде қалыптасуға, білім алуға, өз бетінше оқып-үйренуге, өзін-өзі тәрбиелеуге, өз мүмкіндігін іске асыруға, қабілетін шыңдауға жол ашуға», оның белсенділігін арттыруға көмектеседі. Психологиялық зерттеулерде көрсетілгендей, АКТ оқушының теориялық, шығармашылық және модульды-рефлексивтік ойлауын қалыптастыруға әсер етеді, яғни оқу ақпаратын компьютер арқылы қарау образды ойлауда басты орын алады, ал образдылық оқушының оқу материалын қабылдап, есте сақтау үрдісін, ғылыми түсінігін кеңейтеді.






Пайдаланылған әдебиеттер тізімі


  1. Ершов А.П. и др. Школьная информатика (концепции, состояния, перспективы) // ИНФО, №1, 1995. 3-20 бб.

  2. Новые педагогические и информационные технологии в системе образования. Под ред. Е.С.Полат. М.: ACADEMA, 2000. - 271 б.

  3. Роберт И.В., Самойленко П.И. Информационные технологии в науке и образовании. - М., 1998. - 178 б.

  4. Роберт И.В. Современные информационные технологии в образовании: Дидактические проблемы; перспективы использования. - М.: Школа - Пресс, 1994. - 205 б.



© 2010-2022