План по информатике Паскаль тілінің шарты соңынан тексеретін қайталау операторы REPEAT

Сабақтың тақырыбы: Паскаль тілінің шартты соңынан тексеретін қайталау операторы - REPEAT.

Сабақтың мақсаты: Паскаль тілінің шартты соңынан тексеретін қайталау REPEAT операторын оқып үйрену.

Білімділік:

1. Паскаль тілінің шартты соңынан тексеретін қайталау REPEAT операторын оқып үйрене отырып, программа құра білу;

2. Паскальда программа құру дағдыларын қалыптастыру;

Дамытушылық:

1. Материалды оқып үйренуде оқушылардың танымдық қызығушылығын дамыту.

2. Алгоритмдік ой-өрісін дамыту.

Тәрбиелік:

1. Өз ойын жүзеге асыру, нәтижеге жету іскерлігін ояту.

2. Оқып үйренген білімін қолдана білуге талаптандыру.

Сабақтың типі: Жаңа сабақ (жаңа материалды оқып үйрену және бекіту).

Сабақтың түрі: Әңгіме - сабақ, жаңа материалды өз бетімен оқып үйрену, дәптерде және компьютерде практикалық жұмыс.

Оқыту әдісі: Көрнекі -түсіндірмелі, практикалық .

Оқыту үлгісі: жеке дара- ұжыммен.

Оқыту құралдары: ДК. Паскаль жүйесі. Оқыту программалары. Дидактикалық материал. Интерактивті тақта.

Оқушылар білуі тиіс:

1. Шартын соңынан тексеретін циклдік алгоритмді;

2. Шартын соңынан тексеретін циклдік алгоритмге қолданылатын операторды;

3. Шартын соңынан тексеретін циклдік алгоритмге блок-схема құра білу;

Оқушылар үйренуі тиіс:

1. Шартын соңынан тексеретін циклдік алгоритмге блок-схема құруды;

2. Паскаль тілінің шартты соңынан тексеретін қайталау REPEAT операторын қолданып программа құру;

3. Программаны араластыруды жүргізу;

Сабақтың барысы:

Ұйымдастыру

Сәлемдесу, оқушыларды түгелдеу. Журнал толтыру.

• Өткен матералды қайталау

• Оқушылардың алдында сабақтың мақсатын қою

• Жаңа сабақты түсіндіру. Компьютермен жұмыс.

• Сабақты бекіту

• Сабақты қорытындылау

• Үйге тапсырма

Өткен материалдарды қайталау сұрақтары

• Қайталау операторлары не үшін қолданылады?

• Цикл дегеніміз не?

• Қайталау операторларының неше түрі бар?

• While қандай оператор?

• While операторының жалпы жазылу түрі қандай?

Жаңа материалды түсіндіру

REPEAT - қайталау операторы WHILE операторына ұқсас, айырмашылығы - қайталану шарты цикл соңында тексеріледі, сондықтан ол кем дегенде бір рет орындалатын болады. Екінші өзгешелігі -цикл тұлғасы шарт жалған болғанда қайталанып, ол ақиқат болған кезде циклді орындау доғарылады (While операторында керісінше болған).

Бұл оператор REPEAT (оқылуы: рипит, қайталау болып аударылады) және UNTIL (оқылуы: антил, дейін, шейін болып аударылады) түйінді сөздерін пайдаланып орындалады.

Жазу үлгісі:

REPEAT

< 1- оператор>;

< 2- оператор>;

…………………

< n- оператор>;

UNTIL <шарт>;

оператор

жоқ

Шарт

Иә

Мұндағы: REPEAT (қайталау) және UNTIL (дейін) - қызметші сөздер;

<шарт> - логикалық типті өрнек;

REPEAT операторының орындалу тәртібі

1. Алдымен REPEAT сөзінен кейінгі операторлар тізбегі орындалады;

2. UNTIL сөзінен кейінгі шарт тексеріледі;

3. Егер өрнектің мәні False (жалған) болса, онда цикл қайталанады. True (ақиқат) болса аяқталады.

Begin . . . End операторлық жақшаларды қолданбаса да болады, себебі мұнда операторлар Repeat . . . Until аралығында жазылып сол жақшалардың функциясын орындап тұр.

Мысалы: y= 3x+1, мұндағы x, -1 мен 2 аралығындағы сандарды қабылдайды, қадамы 0,5 тең.

Program eseptey;

Var x, y: real;

Begin

x:= -1;

Repeat y:= 3*x +1

Writeln ('y=' , y);

x:= x+0.5;

Until x > 2

End.

Компьютермен жұмыс

№1. P = 1*2*3* . . . *NN! факториалды табу программасын жаз.

Program fakt;

Var i, n, p: integer;

Begin

Writeln ('n= butin sanin engiz');

Readln (n);

i:=1;

p:=1;

repeat

p:=p* i;

i:=i+1;

Until i> n;

Writeln ('p=' , p:4);

End.

№2. y= 3x+1, мұндағы x, -1 мен 2 аралығындағы сандарды қабылдайды, қадамы 0,5 тең.

Program y-tabu; {REPEAT бойынша}

Var x, y: real;

Begin

x:= -1;

Repeat y:= 3*x +1

Writeln ('y=' , y);

x:= x+0.5;

Until x > 2

End.

Program y-tabu; {WHILE бойынша}

Var x, y: real;

Begin

x:= -1;

While x<= 2 do

Begin y:= 3*x +1;

Writeln ('x=' ,x:5:2, ' , ' ,'y=' , y:5:2);

x:= x+0.5;

end;

End.

№3. аралығында 0,2 қадамман өзгергендегі функциясының мәнін тап.

Program esep;

Var x, y: real;

Begin

x:=1;

Repeat

y:= sqrt(x+1) - 1/x;

Writeln ('x=' , x:3, 'y=' ,y:5);

x:=x+0.2;

Until x> 3

Readln;

End.

№4. n! есептейтін программа құр.

№5. 1-ден 100-ға дейінгі сандардың қосындысын, көбейтіндісін есептеудің программасын құру.

№6. X=8, 6, 4, 2 болғанда y = x² мәндерін табатын программа құр.

Сабақты бекіту сұрақтары

• Қайталау операторлары не үшін қолданылады?

• Цикл дегеніміз не?

• Қайталау операторларының неше түрі бар?

• REPEAT қандай оператор?

• REPEAT операторының жалпы жазылу түрі қандай?

Үйге тапсырма: 3.7 тақырып Repeat операторы. 103 бет, 9 тапсырма.