Сабақтың тақырыбы: Компьютердің қосымша құрылғылары

С.Есқараев атындағы №27 орта мектеп

Тақырыбы: Компьютердің қосымша құрылғылары.

Пәні: Информатика

Сыныбы: 5 «А»

Пән мұғалімі: Мысаева Р.

2015-2016 оқу жылы

«БЕКІТЕМІН»

Директордың оқу ісі

жөніндегі орынбасары

_________ Д.Қауысов.

«_____» ______ 2015ж.

Сабақтың тақырыбы: Компьютердің қосымша құрылғылары.

Сабақтың мақсаты:

Білімділік: Компьютер бөліктерінің негізгі қызметімен таныстыру.

Дамытушылық: Тақырып бойынша бекіту тапсырмалары арқылы оқушылардың білімін меңгерту, дамыту.

Тәрбиелік: Оқушылардың эстетикалық талғамын қалыптастыру, нәтиже алуға және уақытты үнемдеуге дағдыландыру.

Дамытушылық: Пәнге деген қызығушылығын арттыру, ойлау қабілетін дамыту.

Сабақтың типі: Жаңа білімді игерту сабағы.

Сабақтың түрі: Аралас, дәстүрлі.

Оқыту әдістері: Түсіндіру, сұрақ-жауап.

Қолданылатын құрал-жабдықтар мен көрнекіліктер : Компьютер, интерактивті тақта,

тапсырмалар, бағалау парағы, Рower Рoint бағдарламасында жасалған слайдтар.р.

Сабақ барысының жоспары:

І. Ұйымдастыру бөлімі.

ІІ. Үй тапсырмасын тексеру.

ІІІ. Жаңа тақырыпты түсіндіру.

ІV. "Тапқырлар" бөлімі.

V. "Ойшылдар" кезеңі.

VІ. "Құрал - жабдықтар" сыры.

VІІ. "Жұмбақтар" ауылы.

І. Ұйымдастыру бөлімі. Оқушылармен амандасу, оларды түгендеу.

Сынып дайындығын тексеріп, оқушылар назарын сабаққа аудару.

ІІ. Үй тапсырмасын тексеру. «Кім жылдам?» Сұрақ -жауап әдісі арқылы тексеремін.

1. Компьютердің негізгі құрылғыларын атаңдар.

2. Компьютердің жүйелік блогы құрамына кіретін құрылғыларды атаңдар.

3. Ақпаратты ұзақ уақытқа сақтау үшін қолданылатын жады түрі қандай?

4. Компьютер өшірілгеннен кейін ақпарат жедел жадыда сақтала ма?

5. Компьютердің миы.

6. Бас әріптер режимін қосу үшін қолданылатын перне.

7. Мәтін тергенде сөздердің арасында қандай пернені басады?

8. ENTER пернесінің қызметі.

9. CAPS LOCK пернесінің қызметі.

10. Курсор дегеніміз не?

ІІІ. Жаңа тақырыпты түсіндіру:

Компьютер - есептеуіш. Дербес компьютер - бір-ақ адам жұмыс жасауға арналған Компьютердің ең негізгі құрылғысы: жүйелік блок, монитор, пернетақта. Блок ішінде барлық ақпараттарды еске сақтап тұратын құрылғы - процессор орналасқан. Ол - «компьютердің миы».

Ең көп тараған процессордың түрі ПЕНТИУМ деп аталады.

Монитор - ақпаратты компьютер экранына шығаратын құрылғы. Монитор экранындағы кескінді құрайтын кішкене нүктелер пиксельдер деп аталады.

Пернетақта - компьютерге әріптік және сандық ақпаратты енгізетін құрылғы.

Тышқан - ақпаратты енгізу құрылғысының бірі. Қос батырмалы. Сол жақ батырма - негізгі,

оң жақ батырма- қосымша батырмалар деп аталады.

Колонка - дыбыс шығару құрылғысы.

Сканер - қағаздағы кескіннің немесе мәтіннің көшірмесін компьютерге енгізетін құрылғы.

Текстік және бейнелік ақпараттарды компьютерге енгізетін құрылғы.

Принтер -ақпаратты қағаз бетіне басып шығаратын құрылғы.Түрлері: матрицалық,

түрлі-түсті, лазерлік.

Енгізу құрылғылары : пернетақта , тышқан , сканер

Шығару құрылғылары : монитор, принтер, колонка.

ІV. «Тапқырлар» бөлімінде Жаңа тақырыпты қорыту мақсатында оқулықтағы жаңа тақырып бойынша берілген бақылау сұрақтары мен тапсырмалар оқылып, талқыланады. (оқулықпен жұмыс)

V. «Ойшылдар» кезеңі. Жаңа тақырыпты бекіту мақсатында оқушыларға интерактивті тақтадан тест тапсырмалары көрсетіледі және тест парақшалары таратылады. (карточкамен жұмыс)

VІ. «Құрал-жабдықтар» сыры деп аталады. Жаңа тақырыпты оқушылардың қалай меңгергенін байқау мақсатында оқушылар электрондық оқулықтан тапсырмалар орындайды.

(элект. оқулықпен жұмыс)

VІІ. «Жұмбақтар» ауылында оқушыларға жауабы компьютер құрылғылары

болатын жұмбақтар жасыру.

1. Бар нәрсеге жетік

Миы күшті тетік

Ол арқылы сөйлесіп

Кетесің шетелге де өтіп / компьютер /

2. Әдетте үнсіз тұрамын

Белгі берсең ұғамын

Жазуы бар қағаздың

Құралы боп шығамын / принтер /

3. Компьютердің айнасы

Бағдарыңды таңдашы

Сурет, сөзін көрсетіп

Тиер саған пайдасы / монитор /

VІІ.Бағалау. Бағалау парағы бойынша.

VІІІ. Үй тапсырмасын беру:

Компьютердің қосымша құрылғылары анықтамаларды жаттап келу.