Оқушылардың жазба жұмыстарына білім білік дағдыларын тексеру

Оқушылардың жазба жұмыстарына білім білік дағдыларын тексеру.

Оқушылардың білім білік дағдыларын тексеру үшін жазба жұмыстарын: диктант, сөздік диктант, аударма, шығарма, аударма, шағын эссе, өздік жұмыс т.с.с. жұмыстарын алу керек. Жіберілген қателермен жұмыс сабақтары көрсетілуі тиіс, болмаса тақырыптың қайталау сабақтарын пайдалануға болады.

Қатемен жұмыс сабақтарын дұрыс ұйымдастыру болашақта қатені жібермеудің кепілі болып табылады. Қатемен жұмысты деңгейлік тапсырмалар арқылы жүргізу жақсы нәтижелер береді.

Қазақ тілінің ерекше дыбыстарын дұрыс ажырата білу, сөзді дұрыс айту,екпінді дұрыс түсіру, мәнерлеп оқи білу, грамматикалық ережелерді дұрыс қолдана білу әр сабаққа қойылатын талаптар. Көрсетілген талаптарды жүзеге асыру үшін әр сабақ жоспарлы, мақсатты болуы керек. Сабақта мұғалім әрбір сөздің мағынасын дәл, дұрыс түсіндіруі керек. Үйретілген сөздерді әр сабақтағы жаттығу жұмыстарына енгізіп, оны ауызекі сөйлеу тілінде пайдалана алатындай дәрежеге жеткізуі қажет.

Жазба жұмыстарында жіберілген қателерге міндетті түрде талдау жасау мұғалімнің міндеті. Әр оқушыға жазба жұмыстары бойынша мониторинг жасалса, соның нәтижесінде жоспарлы түрде жұмыстар жасалса, оң нәтиже болары сөзсіз.

Әр сынып оқушыларының жазба жұмыстарын тексеру кезінде сөздік норма талаптары қатаң сақталуы тиіс.