Разроботка по информаике на тему Тапқыр достар 4 класс

Сабақтың тақырыбы: «Тапқыр достар»

Информатика пәнінен сыныптан тыс сабақ жоспары.

Сабақтың мақсаты:

А) Білімділік Бұрын алған теориялық білімдерді бір жүйеге келтіріп, графикалық редактормен жұмыс істеу кезіндегі практикалық біліктіліктер мен дағдыларды қалыптастыруды жалғастыру, информатика пәніне қызығушылығын арттыру.

Б) Дамытушылық: Оқушылардың логикалық және ақпараттық ойлау қабілеттерін дамыту, өз пікірін айтуға, пайымдауға талпындыру.

В) Тәрбиелік: Оқушыларды ұқыптылыққа, шапшаңдыққа, саналылыққа, компьютерлік іскерлікке тәрбиелеу.

Сабақтың түрі: Сайыс сабақ.

Сабақтың типі: Аралас сабақ.

Сабақтың әдіс - тәсілдері: білім - білік дағдыларын қайта жаңғырту.

Сабақтың көрнекілігі: компьютер, проектор, интерактивті тақта, MS Power Point - та жасалған слайдтар.

Пәнаралық байланыс: математика

Сабақтың барысы:

Сайыс сабақ 10 кезеңнен тұрады. Сайысқа 2 топ қатысады.

Қайырлы күн, құрметті қонақтар, ұстаздар мен білімге құштар жас өрендер!

«Тапқыр достар» атты сайыс сабаққа қош келдіңіздер!

«Адам байлығының ішіндегі ең тамашасы - білім»,- деген екен шығыс ғұламасы Әбу - р - Райхан әл Буруни. Ендеше, сайысымыздың барысымен танысып өтейік.

Сайыс кезеңдері:

1 - бөлім. «Таныстыру» (Әр топ өздерін таныстыру)

2-бөлім «Сөз тапқанға»

3 - бөлім. Сөзжұмбақтар шешу

4-бөлім «Ойлан, тап!»

5-бөлім «Сен білесің бе?»

6 - бөлім. Суретті жұмбақ.

7 - бөлім. «Ұшқыр оймен» (Берілген әріптерден сөз құрастыру)

8 - бөлім. «Кім жылдам?»

9 - бөлім. Қылқалам сыры» (Сурет салу)

10 - бөлім. Қорыту.

Ойынымыздың алдында білім сайысының әділ мүшелерімен таныс болыңыздар. (Әділқазылар алқасының төрағасы және мүшелерімен таныстыру).

Бас иіп топ алдында шығатын

Сәлемдесу парызы әрбір жастың

Білімдерін паш етер сайыскерлер

Сәті келіп қалғандай танысатын, - дегендей сайысымыздың

1 - бөлім. «Таныстыру»

Алдарыңызда өз білімімен, ақыл - ойымен, ерекшеленген әр топтың білімді оқушылары. Ендеше кезек оқушыларда (Әр топ өз аты мен ұранымен таныстырады).

I. «Алғырлар» тобы:

Ұраны:

Болашақтың ұрпағымыз алғырлы,

Сайыста көрсетпекпіз мектепте алған білімді.

II. «Тапқырлар» тобы

Ұраны:

Тапқырлық таныту мақсатымыз,

Біліммен шықсын тек жақсы атымыз.

Барысы:

Білімнің ұшқырлығын танып сен,

Асып тасып, асықпа, қалыспа сен

Уақыт деген зымырап, зулап жатыр

Тапқырлық пен шапшаңдық бұл сайыста керек екен - дей отыра келесі кезеңді бастайық.

2-бөлім «Сөз тапқанға»

Мұнда әр ойыншы бір-бірден әріп таңдап алады, сұрақ қойылғанда сол әріптен басталатын жауап беру керек. Әр дұрыс жауап 1 ұпай.

1 топқа сұрақтар:

1. Интернет не үшін керек?

2. Компьютер қашан пайда болды?

3. Компьютердің бағасы қанша?

4. Компьютер не үшін қажет?

5. Кітапханадан қандай кітап алдың?

6. Ноутбук сатып алғың келе ме?

7.Пернетақтаның балалары кімдер?

2 топқа сұрақтар

1. Компьютер алдында қалай отыру керек?

2. Принтердің бояуы бітсе не істейсің?

3. Компьютермен жұмыс істей аласың ба?

4. Вирусты қалай жояды?

5. Интернеттен не іздейсің?

6. Агентте кімге хат жазасың?

7. Әріптер пернетақта арқылы терілеме?

3 - бөлім. Сөзжұмбақтар шешу

- «Білекке сенген заманда - ешкімге есе бермедік,

Білімге сенер заманда қапы қалып жүрмейік», - деген Абылай ханның ойлы сөзімен келесі бөлімімізге көшейік.

«Алғырлар» тобына:

1. Ақпаратты қағазға шығаратын құрылғы (Принтер)

2. Дыбысты шығаратын құрылғы (Колонка)

3. Ақпаратты сақтайтын құрылғы (Диск)

4. Модем не үшін керек (Интернет)

5. Компьютерді басқаратын құрылғы (Тінтуір)

П р и н т е р

к о л о Н к А

д И с К

и Н т е р н е т

т і н т у і р

«Тапқырлар» тобына:

1. Сурет салуға арнлған графикалық редактор

2. Компьютерге мәтін жазу құрылғысы

3. Экранға ақпаратты шығаратын құрылғы.

4. Жазу құралының орысша атауы

5. Монитор, клавиатура, жүйелік блок, тінтуір - мұның бәрі.................

деп аталады.

П а й н т

к л а в и А т у р а

м о н И т о р

Н а д п и с ь

к о м п ь ю т е р

4-бөлім «Ойлан, тап!»

Бұл кезеңде интерактивті тақтада слайд-шоумен көрсетілген суреттерді топ басшысы өз тобының мүшелеріне жасырып айтады. Топ мүшелері экранға қарамай тұруы тиіс. Әр сурет 4 секунд тұрады, сосын келесі суретке ауысады. Сол уақытта топ басшысы түсіндіріп үлгеруі тиіс.

1 топқа мынадай суреттер жеке-жеке слайдта көрсетіледі: жүйелі блок, кактус, құлаққап, хат, модем, электр тогы, қарындаш, әділ-қазылар суреті, колонка, калькулятор

2 топқа мынадай суреттер жеке-жеке слайдта көрсетіледі: сағат, мұғалім, маус, үй тапсырмасын орындап отырған қыз, сканер, доп, алма, фотоаппарат, монитор, кітап.

5-бөлім «Сен білесің бе?»

Тақтада ұпай сандары жазылған ұяшықтарды таңдау.

5 ұпай - Ақпаратты қағаз бетіне басып шығаратын құрылғы

5 ұпай - Тұжырым ақиқат немесе жалған екендігін анықта. Компьютер сыныбында : су қолмен жұмыс жасауға болады.

5 ұпай -Роботтың жүрістерін атаңыз.

10 ұпай - Өрнек ақиқат немесе жалған екендігін анықта 4+4=7-2

10 ұпай -Өрнек ақиқат немесе жалған екендігін анықта. 3+5=8

10 ұпай - Компьютер жанына қойылатын өсімдік?

15 ұпай - Компьютер ақылшысы

15 ұпай - Наурыздан соң - ақпан

Шындап тұрған шынардай арманы бар,

Өнерлерін көрсетсін ұл мен қыздар

«Өнерпаз болсаң» кезеңіне келіп жеттік,

Ойлантып отырғанды таң қалдырар, - деп келесі кезеңге көшейік.

6 - бөлім. Ребустарды шешу.

«Алғырлар» тобына:

Жауабы: «Пайнт»

«Тапқырлар» тобына:

Жауабы: «Компьютер»

7 - бөлім. «Ұшқыр оймен» (Берілген әріптерден сөз құрастыру)

Берілген «Фывапролджэюбьтимақнсчяйцоукенгршщзхъ» тізбегінен компьютер терминіне байланысты сөздерді құрастыр. Бір әріп бірнеше рет қайталануына болады. Екі топтың қайсысы көп сөз құрастырса, ұпай саны көбірек қосылады. Мысалы; Файл, диск, форма, код, компьютер, колонка, тышқан, курсор,хат, принтер, монитор, т. с.

8 - бөлім. «Кім жылдам?»

Кестеде әріптер орналасқан, осылардан Paint графикалық редакторының құралдарының атын оқи аламыз. Қай топ бірінші болып, барлық сурет салу құралдарын тапса, сол жеңіске жетеді.

Жауаптары: өшіргіш, қарындаш, қисық сызық, құю, кисть, масштаб, эллипс, бүріккіш, жазу.

9 - бөлім. Қылқалам сыры» - сайысы. Берілген тақырып бойынша сурет салу тапсырылады.

«Алғырлар» тобына:

1. Шеңбер мен қисық сызықты пайдалана отырып, шәйнектің суретін сал.

Мына тақпақты жаз:

Ішінде - су,

Үстінде - бу.

Тоймай жұпар иісіне,

Ішесің сүйсіне.

«Тапқырлар» тобына:

1. Сызық құралын пайдаланып, өрмекшінің торын сал.

Мына тақпақты жаз:

Жұмыс істеп ұзақ,

Өрмекші құрды тұзақ,

Болмады бірақ күткені,

Оған ешкім түспеді.

10 - бөлім. Қорыту.

Қорытынды

Әділқазыларға сөз беру. Жеңген топты анықтау. Марапаттау.

Ойын толқын жатқандай асып, тасып,

Біреу мығым, біреулер шалыс басып

Бұл ойыннан өтеді ғұлама ойлар,

Жеңсең де, жеңілсең де қалма жасып, - дей отыра бүгінгі сайысымызды аяқтаймыз.

Ембі қалалық №3 орта мектеп

Тақырыбы: «Тапқыр достар»

Пәні: информатика

Сыныбы: 4 ^{а, б}

Пән мұғалімі: Мурзабаева А.Р.

15.04.2015ж