Сабақтың тақырыбы: Графикалық нысандар мен көркем жазуды кірістіру

Графикалық нысандар мен көркем жазуды кірістіру

Г.Т.Токушева

Қарақамыс негізгі мектебінің

информатика пәнінің мұғалімі

Сабақтың тақырыбы: Графикалық нысандар мен көркем жазуды кірістіру

Жалпы мақсаты: Құжатқа растрлық бейнелеу енгізу дағдысын қалыптастыруға ықпал ету. Сызбалар құру және векторлық графикалық бейнелеулермен жұмыс істеуге үйрету.

Күтілетін нәтиже:

А. MS Word мәтіндік процессорына нысандар түрін енгізуді, әртүрлі нысандарды қосу бұйрықтарын біледі.

В. Мәтіндік құжатқа графикалық редактордан сурет, WordArt нысанын, клип, файлдан сурет қосуды үйренеді.

С. Сызба құруды үйренеді.

Әдіс-тәсілдер: Жеке, жұптық, топтық жұмыс. Диалогтық оқыту, АКТ. Сын тұрғысынан ойлау технологиясының көзбен көретін айғақтар стратегиясы.

Тапсырмалар:

1. Тренинг, топқа бөлу.

2. Үй тапсырмасын қайталау.

3. Жаңа сабақты түсіндіру.

4. Топпен кластер құру, қорғау.

5. Практикалық жұмыс.

6. Қорытынды. Бағалау.

7. Рефлексия.

Керекті жабдықтар: Информатика оқулығы (6-сынып), интерактивті тақта, компьютер, слайдтар, ресурстар, жүрекше, үлестірме парақтары, кластер, маркер, стикер.

Сабақтың барысы

Кіріспе:

І. Ұйымдастыру кезеңі:

1. Тренинг «Жүректен-жүрекке»

Бірлескен ынтымақтастық құру.

2. Топқа бөлу.

Кеспе қағаздар арқылы 2 топқа бөлу.

3. Екі топқа бағалау парағы беріледі, топ басшысын сайлайды.

ІІ. Үй тапсырмасын қайталау:

«Домино» ойыны.

Тұсаукесер

Ой қозғау. Оқушылар төмендегі сұрақтар бойынша топпен бірлесіп жауап береді.

1. Microsoft Word мәтіндік процессорын қалай іске қосамыз?

2. Microsoft Word мәтіндік процессорының негізгі мүмкіндіктерін атап шығыңыздар.

3. Microsoft Word мәтіндік процессоры терезесінің негізгі элементтерін атаңыздар.

4. Microsoft Word мәтіндік процессорында құжатты қалай құрамыз, ашамыз, сақтаймыз?

5. Мәтіннің фрагменттерін ерекшелеудің қандай тәсілдерін білесіздер?

6. Пішімдеу деген не?

7. Беттің параметрлерін қалай береміз?

8. Құжатты алдын-ала көріп шығу үшін қандай батырманы қолданамыз?

9. Маркерленген тізімдегі маркердің түрін қалай өзгертеміз?

10. Көпбағанды мәтінді қандай жағдайда қолданған ыңғайлы?

Негізгі бөлім

Білімді өзектендіру

Мұғалім:

- Балалар, кім суреті бар құжат жасай алады?

Оқушылар Paint-тан алмасу буферін қолдана отырып, WordPad құжатына суретті қалай қосқандарын естеріне түсіреді.

Мұғалім:

• Алмасу буфері көмегімен суретті енгізудің алгоритмін кім баяндап береді?

Оқушылар алгоритм әрекеттерін орындау арқылы құжатқа сурет қояды.

Мағынаны тану.

Жаңа тақырыппен жұмыс.

Әр топқа ресурстар тарату. Ресурстан мәтінді оқу.

Топтық жұмыс.

І топ: Декоративтік мәтінді кірістіру.

Иллюстрацияларды кірістіру. Суретті бенебаян коллекциясынан кірістіру.

ІІ топ: Суретті файлдан кірістіру. Фигураларды кірістіру.

Оқушылар:

1. Ресурстан мәтінді оқып, өз түсінгендерін топта талқылайды.

2. Кластер жазып, оны қорғайды.

3. Топ бір-бірлерін «Екі жұлдыз, бір ұсыныс» арқылы бағалайды.

Сергіту сәті. Бейнежаттығу.

Қорытынды. Оқушы қызығушылығын арттыру. Практикалық жұмыс.

«Тау шыңына шығу» ойыны.

Тау шыңына шығу үшін оқушыларға оқулықтың 171-ші бетіндегі деңгейлік тапсырмаларды компьютерде орындату.

Рефлексия. Кері байланысқа стикер тарату. Оқушылар өз көңіл-күйлерін стикерге жазады.

1. Бүгінгі сабақтан алған әсерім?

2. Маған не ұнады/ұнамады?

Бағалау. Топтың белсенділігін бағалау:

1. Топтағы белсенділігі 1-3 балл

2. Диалогтық сұрақ-жауап 1-3 балл

3. Өзіндік жұмыс істеуі 1-3 балл

Сумативті бағалау. Сабаққа қатысқан, өз ойларын айтып дәлелдеген оқушылар бағаланады.

Үйге тапсырма. Оқулықтың §25-ын оқып-үйрену, тест және бақылау сұрақтарына жауап беру.

Солтүстік Қазақстан облысы,

Айыртау ауданы,

Қарақамыс ауылы.