Диаграммаларды құру (8 сынып)

№36 мектеп-гимназия

АШЫҚ САБАҚ

Тақырыбы: Диаграммаларды құру

Өткізген: информатика пәнінің мұғалімі Анесқызы А

Атырау-2015ж

Күні: 16.04.2015ж

Сыныбы: 8 «А»

Пәні: Информатика

Пән мұғалімі: Анесқызы А

Сабақтың тақырыбы: Диаграммаларды құру.

Сабақтың мақсаты:

Бiлiмдiлік: MS Excel - де диаграмма шеберінің көмегімен диаграммалар тұрғызуды және әртүрлі типті диаграммалар құруды үйрету;

Дамытушылық: оқушылардың MS Excel программасы мүмкіндіктерін пайдалана отырып диаграмма тұрғызу дағдыларын қалыптастыру, шығармашылық қабілеттерін жетілдіру және олардың компьютерлік сауаттылықтарын дамыту;

Тәрбиелiк: оқушыларды адмагершілікке, имандылыққа, азаматтық пен жауапкершілікке тәрбиелеу және ұқыптылық пен тиянақтылыққа баулу.

Сабақтың типі: аралас

Сабақтың әдісі: түсіндірмелі, практикалық

Сабақтың көрнекiлiгi: интерактивті тақта, слайд, оқулық.

Сабақ барысы:

1. Ұйымдастыру кезеңі:

• Оқушылармен сәлемдесу;

• Оқушыларды түгендеу;

• Олардың құрал - жабдықтарын және сабаққа дайындықтарын тексеру;

Өткен сабақты қайталау сұрақтары:

1. MS Excel-ді электрондық кестесін қалай іске қосамыз?

2. MS Excel-де қанша баған және қанша жол бар?

3. Ұяшық дегеніміз не?

4. Алфавиттің 26 әрпінен кейін қандай әріп комбинацияларынан басталады?

Біз MS Excel программасының тағы бір мүмкіндігімен танысқанда оны іс жүзінде де пайдалана отырып, мүмкіндігінше өзімізге түсінікті дәрежеде ұғынуға тырысып көрейік.
Microsoft фирмасының Excel программасы - кесте түрінде берілген мәліметтерді өңдеуге арналған кестелік процессорлар немесе электрондық кестелер тобына жататын программа.

Жұмыс парағымен және кітаппен жұмыс істеу.

Excel - де электрондық кесте үш өлшемді құрылымдан тұрады. Ол кітап секілді парақтардан тұрады. Экранда тек бір парақ кітаптың төменгі шетінде кітаптың қалған беттерінің нөмерлері жарлық ретінде бейнеленеді. Тышқан курсорымен сол көрініп тұрған жарлықтардың нөмірлерін таңдау арқылы кез келген бетті ашып көруге болады.

Диаграмма - сандық мәліметтердің өзгеруін айқындап көрсетуге мүмкіндік береді. Кестелік процессорлар статистикалық деректерді түрлі түсті диаграммалармен, графиктермен және графикалық суреттермен, схемалармен әсерлі көрсетуге мүмкіндік берді

Диаграмма - бұл мәліметтерді талдау мен салыстыру ыңғайлы болу үшін кестедегі мәліметтердің көрнекті графиктік түрде берілуі.

Диаграмманы құру үшін:

Қою менюдегі Диаграмма командасын таңдау

Стандарт аспаптар тақтасындағы Мастер диаграмма батырмасын таңдаймыз.

Диаграмма шеберінің жұмысы төрт қадамнан тұрады, батырманы шерткеннен кейін оның бірінші қадамы экранға шығады:

Стандартты ішкі бетіндегі Тип өрісінен қажетті диаграмма типін, ал Вид(түр) өрісінен түрін таңдаймыз және оны Нәтижені көру (Просмотр результата) батырмасы басулы күйде қарауға болады. Дөңгелек диаграмма бүтін нәрсенің бөліктерге бөлінуін көрнекі көрсететін болғандықтан және әр бөлік бүтіннің қандай бөлігін құрайтыны анық көрінетіндіктен оқушылардың таңдауы бойынша осы тип алынды.

Диаграмма құрудың екінші қадамы - мәліметтер аралығын енгізу. Біздің мысалымызда мәліметтерді таңдау әрекеті оларды белгілеу арқылы орындалған еді.
Диаграмма шеберінің үшінші қадамында оған түрлі түсініктемелер (легенда) енгізіп, осьтерді белгілеуге, диаграмманың тақырыбын жазуға, мәліметтерді диаграммада көрсетіп жазып қоюға, т.б. әрекеттер орындауға болады.

Егер диаграмма дұрыс құрылған болса, оның қандай мақсатқа арналғанын анықтау оңай болады. Ол үшін оған берілген, енгізілген мәліметтер анық әрі түсінікті болуы керек.

Диаграммалардың түрлері:

1. Дөңгелек

2. Гистограма

3. График

4. Жапырақ

5. Жолақ

6. Биржалық

7. Аумақтық

Диаграмма құру

Диаграмма құру алдында мәліметтер бетте диаграмма түріне сәйкес орналасқандығына көз жеткізу керек.

1. Диаграмма құрылатын кесте бөлігін ерекшелеңіз.

2. Қою қосымшасында Диаграммалар тобында керекті диаграмма түрін шертіңіз.

Сурет-1. Диаграмма түрін таңдау

Сурет-2. Бетте таңдалған түрдің диаграммасы құрылады

Диаграмма түрін өзгерту

Құрғаннан кейін диаграмма түрін және типін өзгертуге болады.

1. Диаграммалармен жұмыс қосымшасында Түр тобында Диаграмма түрін өзгерту батырмасын басыңыз.

2. Диаграмма түрін өзгерту терезесінде қажетті диаграмма түрін және типін таңдаңыз.

Диаграмма макетін таңдау

Диаграмма макетін диаграмма элементтерінің орналасуы анықтайды.

1. Диаграммамен жұмыс қосымшасының Диаграмма макеті тобының Қосымша параметрлер батырмасын шертіңіз.

2. Қажетті нұсқаны таңдаңыз.

Тапсырмалар:

1. Мәліметтер тізімдемесін толтырып, диаграмма салу.

Кестені мәліметтермен толтырамыз.

1. «1 сағ. толем ақысы» және «Сағат саны» ұяшықтарына мән береміз.

2. «Еңбекақы» (Е2) ұяшығын есептеу үшін, (=)теңдік таңбасын қойып «1 сағ. толем ақысы» және «Сағат саны» ұяшығындағы мәндерді көбейтіп есептейміз.

3. «Зейнетақы қоры» (F2) ұяшығын есептеу үшін, теңдік таңбасын қойып «Еңбекақы» ұяшығындағы мәндерді 10% көбейтіп есептейміз.

4. «Кірістен ұсталынатын салық» ұяшығын есептеу үшін, теңдік таңбасын қойып «Еңбекақы» және «Зейнетақы қоры» мәндерін азайтып , 10% көбейтіп есептейміз.

5. «Еңбекақы» , «Зейнетақы қоры» , «Кірістен ұсталынатын салық» ұяшықтарындағы мәндердің қосындысын есепетейміз.

6. График диаграммасын құрамыз.

2. Информатика пәнінен сыныптардың тоқсандық бағаларының қорытындысын есептеп, 7 түрлі диаграмма салу.

Оқушы саны

III тоқсан 2014-2015 оқу жылы

Сыныбы

«5»

«4»

«3»

«2»

5^а

12

12

-

-

-

5^ә

12

10

2

-

-

5^б

12

7

5

-

-

5^в

11

7

4

-

-

5^г

10

5

4

1

-

6^а

11

8

3

-

-

6^ә

12

11

1

-

-

6^б

11

9

2

-

-

6^в

11

9

2

-

-

6^г

11

4

5

2

-

7^а

10

8

2

-

-

7^ә

11

10

1

-

-

7^б

12

11

1

-

-

7^в

10

2

6

2

-

8^а

10

10

-

-

-

8^ә

21

15

6

-

-

8^б

22

18

4

-

-

8^в

10

4

3

2

-

8^г

19

4

12

3

-

9^а

12

8

4

-

-

9^ә

11

1

6

4

-

9^б

12

1

6

5

-

Техникалық диктант

Excel........................... редактор. Редакторда .................. салуға, ..................... енгізуге мүмкіндік береді. Программаны іске қосу үшін ..........................- ........................-...................- ................... командасын орындау керек.

Диаграмма салу үшін ............. батырмасын басамыз. Жасалған жұмысымызды...................командасы арқылы сақтаймыз.

Тест сұрақтары
1. Microsoft Excel - электрондық кестесін қалай ашамыз?
А) Іске қосу - программалар - Microsoft Office- Microsoft Excel
Б) Іске қосу - программалар - стандартты - Microsoft Excel
В) Іске қосу - құжаттар - Microsoft Excel
2. Жаңа бет қосу үшін
А) Файл - лист Б) Вставка - лист В) Формат - лист
3. Ұяшықтар қалай белгіленеді?
А) А6, Ң12 Б) Д12 В) Ә15
4. Ұяшық дегеніміз не?
А) Бағанның жалпы атауы Б) Жолдың жалпы атауы
В) Бағана мен жолдың қиылысқан орны.
5. Excel электрондық кесте не үшін керек?
А) Мәтіндерді еңгізу үшін;
Б) Есептерді жүргізу және диаграммаларды тұрғызу үшін;
В) Эксперимент жүргізу үшін
6. Excel программасынан шығу үшін қандай программалар орындалады?
А) Файл - параметр Б) Файл - шығу В) Файл - өшіру
7. Бағана мен жолдар қалай белгіленеді?
А) A, B, C, D, E, F, т. б. және 1, 2, 3, 4, 5, 6 т. б. Б) А, И, С, М және 1, 2, 3, 4, 5, 6
В) A6, D12, F15, Q4 және 1, 2, 3, 4, 5, 6
8. Бағана ені мен жолдың ұзындығын өзгерту
А) Бағананың үстіне барып тышқанды шерту керек.
Б) Кез келген жерде тышқанды шерту керек.
В) Тышқанды бағанның аты бар жолды оң жақ шекарасында орналастырып курсор қос бағдарша түріне айналғанда, сол жақ батырмасын шертіп, оны жібермей басып тұрып қажетті бағытқа өзгерту керек.

Білемін

Үйрендім

Үйренгім келеді

Үй тапсырмасы: Сенің жанұяң үшін қандай ақпарат көздерін күніне неше рет пайдаланады? Нәтижені сыныптастарыңмен салыстыра отырып кесте құрып, диаграмма салыңыз

Бағалау