План урока по информатике на тему Мәтін үзінділерімен жұмыс (WordPad)

Сабақ №23

Тақырыбы: Мәтін үзінділерімен жұмыс

Мақсаты:

Білімділік: мәтінді енгізу, оны пішімдеу және форматтай алу қабілеттерін дамытып, мәтіндік құжаттың үзіндісі жайлы анықтама беру.

Дамытушылық: ойлау қабілеттерін дамыту, мәтіндік ақпаратпен жұмыс жасау қабілеттерін қалыптастыру.

Тәрбиелік: оқушылардың ақпараттық мәдениетін, ұқыптылық, тәртіптілік, назар аудару қабілеттерін тәрбиелеу, жұмысына жауапкершілікпен қарау. Өзін және басқа оқушылардың жұмысы мен білімін дұрыс бағалауға тәрбиелеу.

Типі: аралас

Көрнекілік: Оқулық, дәптер, ДК, WordPad, жұмбақтар, тапсырмалары бар карточкалар, компьютердегі тапсырмалар, презентация, флипчарт, бағалау парағы.

Сабақ барысы:

I. Ұйымдастыру кезеңі (3 мин):

1. Оқушыларды түгелдеу, журнал толтыру, оқушылардың дәптерлерін, оқулықтарын қарап шығу.

2. Сынып, тақта, парта тазалығын қарап шығу, қажет болса ескертулер жасау. Оқушылардың назарын сабаққа аудару.

Балалар, бірнеше жұмбақ шешіп көрейік (сынып 3 топқа бөлініп, алдын ала жұмбақты шешеді, содан кейін сынып алдында оқып басқа екі топ оның жауабын шешеді).

Мәтіндерді теремін, есептеп те беремін, қателерді көрсетіп, әуенді де ойнатамын, суреттерді көрсетемін, бойым төмен болса да, бәрі де қолымнан келеді!

Менімен диалог ретінде көп сұрақтарға жауап таба аласың, сұрақтарың болса, шеше аласың,

Телевизорге ұқсас, компьютердің қандай құрылғысын білесің?

Анасыз жүре алмайтын кішкентай баладай, компьютер ненің көмегінсіз жұмыс істей алмайды?

КОМПЬЮТЕР

ДИСПЛЕЙ (МОНИТОР)

ПРОГРАММАЛАР

Балалар, біз сендермен компьютердің негізімен танысып жатырмыз, сендер компьютердің негізгі құрылғылары, олардың қызметтерімен таныстыңдар. Тышқан, пернетақтамен жұмыс жасауды үйрендіңдер. Мәтін тересіңдер, ал бүгінгі сабақта сендер мәтіннің үзінділерімен жұмыс жасауды үйренулерің қажет:

Үзіндіні, сөзді, жолды, абзац, барлық мәтінді белгілеу;

Үзіндіні буферге көшіру, оны буферден қоюды;

Қате орындалған операцияны болдырмауды.

Жаңа тақырыпты жариялау, балалар дәптерлеріне жазады.

II. Білімді өзектендіру (5 мин):

Ауызша жұмыс:

1) Қандай программа мәтіндік редактор деп аталады? (мәтіндік құжат құруға арналған программа)

2) Редакторда ақпарат құруға болады. Ақпарат құруды ақпараттық үрдістердің қайсысына жатқызуға болады: сақтау, беру, өңдеу? (өңдеу, сақтау)

3) Мәтінді терудің қандай ережелері бар? Қазір кішкене ауызша тест орындаймыз, назарларыңды экранға аударыңдар.

4) Пішімдеудің қандай операцияларын білесіңдер? (жою, қою, алмастыру, көшіру, орнын ауыстыру)

III. Жаңа материалды түсіндіру (7 мин):

Балалар! Мәтінді пішімдеу кезінде бір сөзбен ғана емес, сонымен қатар мәтіннің бүтін үзіндісімен жұмыс жасауға болады.

Үзінді (мәтіндік) - бұл символдардың еркін тізбектілігі (сөз, жол немесе жолдар бөлігі, абзац, бет, толық мәтін).

Ауызша тапсырма: белгіленген мәтін не болып табылатытын анықтау

Анықтама үшін: таңдалған бөлік, сөз, жол (жолдар бөлігі), абзац, толық мәтін.

Оқулықпен жұмыс. 162-165 беттер: оқушылар мәтін үзіндісін белгілеудің тәсілдерін жазады.

IV. Практикалық тапсырма (18+2 мин):

Оқушылардың ДК-де жұмысы:

№1: Жұмыс үстелінде 5 сынып бумасының ішінде Тапсырма №1.rtf атауымен өлең жолдары терілген, кезекпен кез келген бөлігін, сөздерді, жолдарды, абзацты, толық мәтінді белгілеу қажет.

Ұстаз

Ұстаздар! Кәусар бұлақтың көздері,

Нәр жинап көш алған дананың өздері.

Бұлақ боп жаһанда таратса көлдерін,

Ұстаздар қаламас өмірде өзгені.

Ұшырған қыраны көрінсе асқардан,

Ұстазда бар ма екен фәниде басқа арман

Жоғары ұстайық тәлімгер есімін,

Жүректің қалауын ақылмен басқарған.

№2: Ғылым таппай мақтанба.rtf құжатын ашып, өлең жолдарындағы артық сөздерді алып таста, Абайдың өлеңін бастапқы қалпына келтір, құжатты Ғылым таппай мақтанба1.rtf. атауымен осы бумада қайта сақта.

Балам, ғылым таппай мақтанба,
Орын таппай баптанба,
Құмарланып қой шаттанба,
Ойнап босқа күлуге.
Бес нәрседен қашық бол,
Бес нәрсегеде асық бол,
Адам болам десеңіз.
Тілеуің, өмірің, досың алдыңда,
Оған қайғы жесеңіз.
Өсек, өтірік, мақтаншақ,
Еріншек, бекер мал шашпақ -
Бес-алты дұшпаның, білсеңіз.
Талап, еңбек, терең ой,
Қанағат, рақым, ойлап қой, балам -
Бес асыл іс, көнсеңіз ғой.
Жамандық көрсең нәфрәтлі,
Суытып көңіл тыйсаңыз.
Жақсылық көрсең ғибрәтлі,
Оны сіз ойға жисаңыз.
Ғалым болмай немене,
Балалықты қисаңыз?
Болмасаң да ұқсап бақ,
Бір ғалымды өмірде көрсеңіз.

Физкультминутка (көзге арналған жаттығулар)

№3: «Мақал-мәтелдер» құжатын аш. Сендердің алдарыңда мақал-мәтелдер жазылған, оларды терген адам бәрін шатастырып, қате жіберген. Сендер оларды қайының көмегімен қиып алып, керекті орынға қоюларың керек.

1. Айтылған сөз - өлеңде.

2. Ерді намыс өлтіреді, қорқақтың көзі үлкен.

3. Оқусыз білім жоқ, сөз өнері - өлеңде.

4. Інісі бардың тынысы бар, Қол өнері - кілемде.

5. Қорқақтың көзі үлкен, қоянды қамыс өлтірер.

6. Әзілдің алысқа бармағаны жақсы, айтылған сөз - атылған оқ

Айтылған сөз - атылған оқ

Ерді намыс өлтіреді,
Қоянды қамыс өлтіреді

Оқусыз білім жоқ,
Білімсіз күнің жоқ

Әзілдің алысқа бармағаны жақсы.

Інісі бардың тынысы бар, Ағасы бардың жағасы бар.

Қол өнері - кілемде, Сөз өнері - өлеңде.

Ерді намыс өлтірер,
Қоянды қамыс өлтірер.

Қорқақтың көзі үлкен,
Ақымақтың сөзі үлкен.

Құжатты 5 сынып бумасында Мақал-мәтел1.rtf деген атпен сақта.

V. Сабақты қорытындылау (3 мин): флипчарт

Тақтада кестемен жұмыс жасау: құралдар панеліндегі батырмалар мен мәзірлердің атаулары жазылған карточкалардың көмегімен тақтадағы кестені толтыру:

Мәзір

Батырма

Батырманың қызметі

Файл - құру …

Құру

Файл - ашу …

Ашу

Правка - қиып алу

Қиып алу

Правка - көшіру

Көшіру

Правка - қою

Буферден қою

Правка - болдырмау

Болдырмау

Вставка - күн мен уақыт

Күн/уақыт

VI. Оқушылардың жұмысын бағалау:

Оқушының аты-жөні

Жұмбақ

1 ұпай

Ауызша жұмыс

Компьютерде практикалық жұмыс

Тақтада жұмыс

2 ұпай

Қорытынды ұпай

Баға

№1

1 ұп

№2

1 ұп

№3

1 ұп

№4

1 ұп

№1

2 ұп

№2

3 ұп

№3

3 ұп

Бағалау критерийі:

«5» - 15 ұпай

«4» - 13 ұпай

«3» - 10 ұпай

«2» - 10 ұпайдан төмен

VІI. Үй тапсырмасы (2 мин):

Оқулықтың 162-168 беттерін оқу, тестілеуге дайындалу.