Атырау қаласы

Дамбы селосы.

Амангелді орта мектебі.

Информатика пәні мұғалімі: Мадагаева Ботагоз Бисембиевна

І жүргізуші: Сәлеметсіздер ме, құрметті ұстаздар, оқушылар, әділ - қазылар! Сіздермен бірлесе отырып, «Не? Қайда? Қашан?» атты сайысымызды бастағалы отырмыз.

Ойын толқын, айналған қатты ағысқа

Табылғандай танымда, жат дауыста

Біреу озып келеді қатарынан

Біреу қалып жатады асығыста.

ІІ жүргізуші:

Ойын толқын жатқандай асып, тасып

Біреу мығым, біреулер шалыс басып

Бұл ойыннан өтеді ғұлама ойлар

Жеңсең де, жеңілсең де қалма жасып.

«Батылдық - балалық шақта шыңдалады» десек, баланы бала ететін тәрбие құралдарының бірі -сайыс екендігі белгілі. Алдымен сайысқа шығатын топтарды ортаға шақырамыз.

1 топ - 8 а сыныбынан құралған - «Жас қыран» тобы

2 топ - 8 б сыныбынан құралған - «Антивирус» тобы.

Жол сілтеген биіктерге ұстаздарым

Іштеріңнен шығар әлі жаңа дарын.

Әділдікті тек алға мақсат еткен

Таныстырам әділқазы алқаларын.

І жүргізуші:

Бүгінгі ойын - сайысымызда өз өнерлерін, білімдерімен сынасқалы тұрған ойыншыларымызды сайыстың шартымен таныстырып өтейін. Сайыс 8 кезеңнен тұрады:

1. «Өзім туралы» топтардың өздерін таныстыруы. (Аты, ұраны, эмблемасы. Болса слайд түрінде)

2. «Компьютер әлемі менің көзіммен» атты шығармашылық жұмыс.

3. «Бәйге» сұрақтар жарысы. Бұл бөлімде шапшаңдылыққа мән беріледі. Әр сұраққа 10 ұпай.

4. Топ басшылар сайысы. «Қатені тап»

5. «Ғажайып үштік».

6. «Құпия жәшік»

7. Полиглот

8. «Көрермен көзайымы»

1 бөлім бойынша. 2 топты ортаға шақырамыз.

Өнер қуып сайыскерлер өтсе дейміз

Бір басына өнерлері жетсе дейміз.

Бәске түскен сайыскерлер кезектесіп

Таныстырып өздерін өтсе дейміз.

ІІ жүргізуші:

2 бөлім бойынша топтардың жұмысын тамашалайық.

І жүргізуші.

2 бөлім бойынша, әділқазылар бағасын білсек....

3 бөлім. «Бәйге» сайысы. Бұл бөлімде ойыншыларға топтар бойынша сұрақтар бөлек беріледі. Жауап нақты әрі тез болу керек. Әр сұрақтың дұрыс жауабы 10 ұпаймен белгіленеді.

1 топ. 8 а.

1. Меңзердің сол жағындағы символды өшіру пернесі

2. Жалпы желіге қосылу үшін қажет құрылғы

3. Мәліметті енгізу пернесі

4. Адам денсаулығына зиянды құрылғы.

5. Кез келген санның 0 дәрежесі

6. Интернет желісі қай жылы пайда болды?

7. Циклдік алгоритм дегеніміз не?

8. Принтердің неше түрі бар?

9. Ноутбук қандай компьютер?

10. «Көбейтілуге» және басқа программаларға «жұғуға» қабілетті шағын компьютерлік программа қалай аталады?

2 топ. 8 б

1. Меңзердің оң жағындағы символды өшіру пернесі

2. Дүниежүзілік компьютерлік желі.

3. Бос орын қалдыру пернесі

4. Компьютер жанына қойылатын өсімдік

5. Кез келген санның 0 дәрежесі

6. Интернетпен қосылуды жүзеге асыратын заңды тұлға

7. Алгоритмнің арнайы бекітілген геометриялық фигуралар арқылы графиктік түрде жазылуы.

8. ЭЕМ нің неше буыны бар?

9. «Компьютердің атасы» деп кімді атаған?

10. Ең алғаш есептеу құралы болып не саналған?

ІІ жүргізуші:

Әділқазылардан баға сұрасақ.

Келесі сайысымыз, топ басшыларына арналады. «Қатені тап»деп аталады.

1 топқа

Бір бала компьютерде қалай жұмыс істегені туралы әңгіме жазыпты. Сол әңгімені оқып, оның неше қате жібергенін анықта.

Мен компьютермен жұмыс жасағанда, міндетті түрде монитор мен сканерді қосамын. Тышқанмен әріптерді теріп, сурет салу керек болса, сканерді пайдаланам. Компьютерге дайын мәтінді қолдан енгізбеу үшін джоистик қолданамын. Ал мәтінді басып алу үшін жүйелік блокқа қағаз саламын. Принтер арқылы әндерді тыңдап, динамик деп аталатын плоттерде құжаттарды сақтаймын.

2 топқа.

Меніңше, сурет салу үшін ең ыңғайлы программа Word графикалық редакторы шығар. Ол арқылы мен тек сурет салып қана қоймай, оның кез келген бөлігін бояймын. Оған қоса осы программа арқылы мәліметтерді еске сақтаймын. Өз жұмысымның нәтижелерін мен векторлық .bmp форматында сақтаймын.

І жүргізуші: Әділқазылардан баға сұраймыз.

Көрермен жиналғани бұл тамашаға

Құр қарап жай отыру жараса ма?

Туыс, досқа, сыныптас, танысқа емес

Соқ қолыңды білімді жас талантқа

Келесі бөлім, «Ғажайып үштік». Экранға назар аударайық. Әр ұяшықтағы сұрақты ашып, жауап беру. Әр сұраққа 1 минут.

1 топ.

Сол жақтағы 10 - Компьютердің атасы кім?

Ортадағы 10 - Paint графикалық редакторының "Заливка» құралының қызметі?

Оң жақтағы 10 - Атақты Microsoft фирмасының негізін қалаушы?

2 топ.

Сол жақтағы 10 - Windows тің негізгі объектісі?

Ортадағы 10 - Жүйелік қорапта орналасқан ақпаратты өңдейтін негізгі құрылғы қалай аталады?

Оң жақтағы 10 - Компьютер өшкен кезде қай жадыдан ақпарат жойылады?

ІІ жүргізуші:

Жарайсыңдар! Ендеше, әділқазылардың бағасын білейік,

Сайыскерлер, келесі сайымыз «Құпия жәшік» деп аталады. Бұл жәшіктің ішіндегі құралды гректер мен Батыс Еуропалықтар «абак» деп, қытайлықтар «суанпан» деп, жапондықтар «серобян» деп атаған. Бұл қандай құрал?

І жүргізуші:

Әділқазылар бағасын білсек.

7 бөлімге де келіп жеттік. Бұл бөлімде «Полиглот» ойыны ойналады. Сұрақтар 2 топқа бірдей беріледі. Әр сұрақтың жауабына 10 ұпайдан.

1. Фонограф бағдарламасы қандай мәліметті өңдеуге мүмкіндік береді?

2. Жіпке ілдім мен өзім,

Кіп кішкентай күн көзін

3. Ақпараттық қайнар көзі ....

4. Ас адамның арқауы, ал компьютердің асы ....

5. Өнер алды қызыл тіл ...

ІІ жүргізуші: Әділқазылар,баға берейік. Ендігі сайысымыз көрермен, жанкүйерлерге арналған «Көрермен көзайымы» ойыны.

Ортаға бір оқушы шығып, 2 қолына бор беріледі.

Тапсырма: оқушы сол қолымен үш үшбұрыш, ал оң қолымен екі шеңбер салу керек.

Берілетін баға -5 ұпай. Жанкүйер алған бағасын өзі қалаған топқа береді.

І жүргізуші: Осымен, 8 сыныптар арасында өткен «Не? Қайда? Қашан?» атты ойын сайысымыз тамамдалды. Екі топтың жүлдесін анықтау үшін әділқазылар сөз кезегін береміз.