Құжаттың құрылымы, беттердің нөмірленуі, колонтитулдар

Қарасу орта жалпы білім беретін мектебі

Қарасу орта жалпы білім беретін мектебі

Ашық сабақ

(10б - сынып)

Өткізген: Информатика пәні мұғалімі

Н. Қауметова

2014-2015 оқу жылы

Пәні: Информатика

Сыныбы: 10б қоғамдық - гуманитарлық бағыт

Күні: 02.12.2014ж

Сабақтың тақырыбы: Құжаттың құрылымы, беттердің нөмірленуі, колонтитулдар.

Сабақтың мақсаты:

Білімділігі: Оқушыларға MS Word мәтіндік редакторы, оны іске қосу және ондағы элементтермен қалай жұмыс істеу керек екендігін сипаттай отырып жалпы білім беру.

Дамытушылығы: Оқушыларға MS Word мәтіндік редакторы тақырыбын түсіндіре отырып, олардың Word-ты іске қосып, ондағы элементтермен дұрыс жұмыс істей алу дағдыларын дамыту.

Тәрбиелілігі: Оқушылар компьютермен жұмыс істеу кезінде техникалық қауіпсіздік ережесін сақтауға, компьютерлік құрылғыны ұқыпты пайдалануға тәрбиелеу.

Сабақтың түрі: Жаңа сабақты меңгерту

Сабақта қолданылатын ақпараттық құралдар: Компьютерлер, тапсырмалар, слайд, тірек-сызба

Сабақтың жоспары: І. Ұйымдастыру кезеңі.

ІІ. Үй тапсырмасын тексеру.

ІІІ. Жаңа сабақты түсіндіру.

ІV. Жаңа сабақты бекіту.

V. Қорытынды.

VІ. Үйге тапсырма.

VІІ. Бағалау.

Сабақтың барысы:

І. Ұйымдастыру кезеңі.

ІІ. Үй тапсырмасын тексеру.

Бүгін үйге берілген сабақ «Microsoft Excel» құжаттың құрылымы тақырыбы сұралады.

ІІІ. Жаңа сабақты түсіндіру.

Microsoft word - бұл құжаттарды құру, қарап шығу, өзгерту және басып шығару үшін арналған Microsoft office жүйесінің құрамына кіретін программа.

Беттің нөмірлерін қою. Құжаттың беттерін қағазға баспай тұрып, әдетте оны нөмірлеп алады. Бетің нөмірлерін қою үшін Қою (Вставка) менюіндегі Беттің нөмірлері (номера страниц) командасын шақыру керек.

Орналасу (Положение) өрісінде беттің нөмірлерінің орналасуын (жоғары немесе төмен) ал Туралау (құжаттың бірінші бетіне, егер ол титул парағы болса, нөмір қойылмайды) өрісінде-бет нөмірлерінбет өрісіне сәйкес (сол, ортаға қарағанда, оң, т.с.с.) таңдаңыз. Егер жалаушаны Бірінші жолдағы нөмір (Номер на первой страница) өрісінен алып тастасақ, онда бірінші бетке нөмір қойылмайды. Содан кейін ОК батырмасын шертіңіз, сол кезде құжаттың барлық беттері нөмірленеді.

Колонтитулдарды орналастыру. Колонтитул-құжаттың әрбір бетінің жоғары немесе төмен жағына басылатын мәтін немесе суреттері немесе ағымдағы бөлім аттары (беттің жоғары немесе төменгі өрісінде) жазылады. Колонтитулға енгізілген мәтін, кәдімгі мәтін секілді құрылады. Колонтитулды жасау үшін Түрі менюіндегі Колонтитулдар командасын таңдау керек. Кәдімгі колонтитул көрінбегендіктен, ол Бетке бөлу (Разметка страниц) экранына автоматты түрде өтіп, экранда Колонтитул аспаптарының тақтасы шығады. Үзік сызық қоршау ішіне колонтитул мазмұны енгізіледі. Егер колонтитулға сурет керек болса, онда ол Қою→Сурет командасымен қойылады. Колонтитул рәсімделіп болғасын Колонтитулдар тақтасының Жабу (Закрыть) батырмасын басыңыз.

Тапсырмалар.

1. MS Office қапшығының Word бағдарламасы.....үшін арналған?

2. Word бағдарламасы терезесінің айналдыру жолағы.....мүмкіндік береді.

3. Word бағдарламасында орфографиялық қателердің асты....түспен сызылады.

4. Word бағдарламасындағы мәзір тақтасында САҚТАУ командасы.....қайда орналасқан?

5. Word бағдарламасын қалай іске қосамыз?

ІV. Бекіту кезеңі.

V. Қорытынды. Осымен балалар біз бүгін MS Word мәтіндік редакторы тақырыбын өттік. Оның терезе элементтерін жаңа өздеріңіз байқап көріп, олардың қандай өызмет атқаратынын білдіңдер. Енді бүгінгі сабақ бойынша түсінбеген жерлеріңіз болса менен сұрап алуларыңызға болады. Жалпы бүгінгі сабақ сіздерге ұнады ма? Сонымен бәріміз түсіндік.

VІІ. Үйге тапсырма.

1. Microsoft Word бағдарламасына 10 сұрақтан тұратын тест құру. Microsoft Word бағдарламасын оқып келу.

VІ. Бағалау.