Ұлттық ойындар

Білім көзі: Денсаулық, Қатынас.   Оқу іс-әрекеті: Дене тәрбиесі. Тіл дамыту.   Тақырыбы: Ұлттық ойындар.   «Арқан тарту»   «Қыз қуу»         Мақсаты: Ойын арқылы баланың тілін мен ойлау, есте сақтау қабілеттерін арттыру, бір-бірімен достық қатынаста болуға үйрету. Жылдамдық, шапшандық, дене қимылы арқылы денсаулықтарын нығайту.         Тәрбиеші: Балалар, көңіл-күйлерін қалай? Барлығымыз жылы жүзбен шаттық шеңберін құрып, тілек айтайық.         Аспанда күн ыстық,        Ал жерде кім ыстық?        Әкеміз бен шешеміз        Бәрінен де тым ыстық        Жасасын туыстық        Достық пен тыныштық!         Тәрбиеші: Балалар, бүгін біздің сабағымыз «Ұлттық ойындар» - деп аталады.         Тәрбиеші: Балалар, біз қай елде тұрамыз?         Балалар: Біздің отанымыз – Қазақстан.         Тәрбиеші: Кім Отан туралы тақпақ біледі?         Нұршапағат:    Отан – ана, Отан – жер, Отан – дана,                                 Отан – ел, Отан сенің ата-анаң,                                 Отан – досың бауырың, Отан - өлкең астанаң,                                 Отан – аудан, ауылың.         Тәрбиеші: Отан дегеніміз балалар, адамның туып өскен жері, халқы, отбасы. Біздің халқымыз қай тілде сөйлейді?         Балалар: Қазақ тілі, ол – біздің ана тіліміз.         Тәрбиеші: Жарайсыңдар, балалар! Ал, енді кім ана тіліміз жайлы тақпақ айтып береді?         Назар:       Туған тілде сыры терең жанын бар,                         Туған тілде әнім менен сәнім бар,                         Туған тілім тіл болудан қалса егер,                         Жүрегімді суырып-ақ алыңдар.      Мадина:     Ана тілің – біліп қой,                         Бостандығың, теңдігің,                         Ана тілің біліп қой,                         Мақтанышың елдігің.     Бағдаулет:  Өшпейді еш уақытта,                         Ата – баба аңсары,                         Қазақ тілі бақытқа,                         Жеткізеді баршаны.       Жаннұр:   Апай, ұлттық ойын ойнайықшы?!       Тәрбиеші: Балалар, сендер қандай ұлттық ойындарды білесіңдер?       Балалар: «Қыз қуу», «Түйілген орамал», «Бәйге», «Тақия тастамақ», «Арқан тарту».       Тәрбиеші: Ендеше, балалар, біз екі топқа бөлініп, екі ауылдың тұрғындары болып ойнайықшы.       1-ші ауыл «Нартай» ауылы, 2-ші ауыл «Бала би» ауылы.        Ойын: «Арқан тарту», «Қыз қуу».      Арқан тарту. Бұл өте көне және танымал, ойынға салт – дәстүр бойынша ерлер қатысқан.      Ойынның мақсаты: Белгіленген екі топтың мықтысын анықтау.      Ойынның шарты: Бұл ойынға тегіс, шалғын жерді таңдап, ортасына сызықпен белгі сызылады. Ойынға ұзын арқан керек. Бұл ойында жеке бір-бір адам немесе екі топқа бөлініп қатысады. Ойынды төрешінің белгісімен бастайды. Кімде-кім белгіленген белгіден өтіп кетсе жеңіледі де мықты топ жеңіске жетеді.         Қыз қуу. Ойын үшін жігіттер мен қыздар іріктеліп, ұшқыр жүйрік атқа мініп шығады. Қашықтығы 300, ал ені 30-40 метрлік тегіс, топырағы жұмсақ, ашық алаң таңдалып алынады. Жарыстың басталатын жері – алаңның бір маңдайында қатынасушылар орағытып өту үшін қарақша қойылады. Бұған көбінесе қызыл жалау қағылады. Жарыс жекелей де өтеді. Егер екі топқа бөлінсе, онда қыздар мен жігіттердің саны тең болуы қажет. Төрешінің бірінші белгісі бойынша қыз жігіттен он алда тұрып, шаба жөнеледі. Жігіт қызды ...       Тәрбиеші: Өте жақсы ойнадыңдар! Балалар, бүгінгі сабақ сендерге ұнады ма?       Балалар: Иә, ұнады.       Тәрбиеші: Ал, ендеше Жаннұр тақпақ айтып береді.       Жаннұр:    Біз балдырған тең басқан,                       Дос құшағын елге ашқан,                       Тілегіміз тыныштық,                       Ашық болсын кең аспан,                       Мықты болсын іргеміз,                       Бәрімізде біргеміз.      Назым:      Күлеміз, ойнаймыз,                      Демалып алаңсыз                      Ризамыз саған біз                      Ұлы Отан анамыз.   Ксения:      Мой Казахстан, мой дом родной,                      Мне все в нем мило и пригоже,                      Мой Казахстан, мой край степной                      И нет мне Родины дороже.      Қорытынды: Балалар, бүгін біз ойын арқылы қазақтың ұлттық ойындарымен таныстық. Сендер өте жақсы ойнадыңдар. Бүгін оқу іс-әрекетінде екі ауылдың да тұрғындары жеңіске жетті. Жарайсыңдар!       Күтілетін нәтиже: Ұлттық ойын түрлерімен танысты. Ойын арқылы шапшандық, жылдамдық қабілеттері артты.       Білуі тиіс: Ұлттық ойын түрлерін.