Публикация на тему Анимационные игры

Алматы облысы, Талғар қаласы

Дарынды балаларға арналған үш тілде оқытатын

Ю.Гагарин атындағы №8арнаулы гимназиясының

Информатика пәнінің мұғалімі

Қалиев Данияр Серікұлы

Construct Classic және Pivot Stickfigure Animator бағдарламаларын қолдану

Pivot Stickfigure Animator- екіөлшемді анимация жасау үшін қолданылатын арнайы бағдарлама. Бұл программа ерекшелігі сол- арнайы сызықтар арқылы сурет,анимация жасауға болады. Оқушыларға ешқандай құрал-сайман қолданбай-ақ,сол программадағы арнайы сызықтардың көмегі арқылы түрлі сурет салуға, оны қимыл, іс-әрекетке келтіріп бірнеше кадрлар, арнайы анимациялық мультфильмдер жасауға болады. Фигуралардың түс және мөлшерін өзгертуге болады. Жасалған жұмысты (қысқарту Pivot) немесе gif арқылы сақтағанда, кез келген дербес компьютерде ашыла береді. Сабақ барысында оқушылардың қызығушылығын арттыру үшін және макромедиа флэш программаларына дайындық барысында осы программаны қолданған ұтымды, сонымен қатар элективті сабақтарда немесе қосымша сабақ кезінде пайдалануға қолайлы.

Программаның орнатылуында еш қиындық жоқ. Жеңіл орнатылатын софт негізгі интерфейсі мына объектілерден тұрады:

Басты терезе :

Play - ойнату.

Stop - тоқтату керек.

Repeat -қайталау.

Add Figure -фигураны қосу керек.

Delete - алып тастау керек.

Colour - түсті өзгерту.

add line - Сызықты қосу.

add circle - Шеңберді қосу.

Construct Classic- дайын қозғалыспен кодталған, Windows жүйесінде екіөлшемді (2D) және үшөлшемді (3D)ойындар жасауға арналған программа. Программа көмегімен арнайы кодтарды пайдалана отырып негізгі элементтермен байланыстырып, 3D ойын жасату- сабақ барысында, әсіресе, практикалық сабақта немесе элективте, кружоктарда қолдану тиімді. Оқушыларды жеке-жеке отырғызып әр оқушыға түрлі ойын немесе мультфильм жасатуға болады. Болашақта программист немесе анимацияға қызығушылығы артқан балалар программаның көптеген мүмкіндіктерін ашуға жағдай жасайды. Осы программаны игерген оқушылар тез арада Macromedia Flash Professional 8, 3D Max,Unity 3D программаларын, АКТ -ның негізгі функционалды қызметтерін, оның мүмкіншілігін меңгереді. Оқушының қызығушылығы мен логикасын дамытуда жетістік беретін қадам деуге болады.