- Преподавателю
- Химия
- Күш бірлікте
Күш бірлікте
Раздел | Химия |
Класс | - |
Тип | Конспекты |
Автор | Мусагалиева .Ж. |
Дата | 10.02.2014 |
Формат | rar |
Изображения | Есть |
2 ә сынып.
Сабақтың тақырыбы: Күш бірлікте /1-сағаты/
Мақсаты: "Бірлік" ұғымының адамгершілік құндылығы ретінде мәнін ашу және "достық" адамгершілік құндылығы туралы түсініктерін кеңейту.
Міндеттері:
-бірлік туралы түсінік беру:
-көпшіл болу іскерліктерін дамыту:
-бір-біріне көмектесуге, бірлесіп еңбек етуге тәрбиелеу:
Сабақ барысы:
Ойын-жаттығулар Өзіммен-өзім
Дәптермен жұмыс Қорытынды: Ғажайып сөздер
Шаттық шеңбері.
-Балалар,сендер білесіңдер ме,мөлдіреген көк теңіздің ортасында "Достық аралы"бар.Мәңгілік желбіреп тұратын "Достық туын"көруге елдің түкпір-түкпірінен балалар Аралға барып қайтады. Ондағы "Таңбалы тасқа"өздерінің тілектерін жазады.Біз де біздің бүгінгі "Күш бірлікте" атты сабағымызда "Достық аралына" барып қайтайық. Саяхатымызды әнмен бастасақ.
«Бала тілегі » Сөзін жазған: С.Молдасанұлы.
Әнін жазған:Ф.Жолдасова.
Әңгімелесу.
Бірлік-дегеніміз адамдар бір-біріне көмектесіп,бірлесіп еңбек етуге ұмтылу.Достармен достасу,өзара тіл табысып,тек қана бір-біріне жақсылық ойлап,жақсы сөздер айту.Бір жұмысты бірігіп орындап аяқтау керек. Бір-бірімізге кешіріммен қарау керек.
Ойын «Күш бірлікте» Шарты: Бір балаға бір қорап және қалған балалардың барлығына бір қорап беріледі.Шаблон,ойыншықтар және т.б бір балаға және топ балаға жинату ұсынылады.
Өзіммен-өзім
Ойын-жаттығу. «Қайық жасап алайық»
Шарты: Қайық бөліктері /қағаздан жасалған/ Бөліктерде тапсырмалар жазылады.Тапсырманы орындау арқылы қайықты құрастырады.
1-тапсырма: Сыныпта қандай жұмыстарды бірлесе атқарасыздар?
2-тапсырма: Егер сыныптағы қыздар екі топқа бөлініп жүрсе,олардың бірге жүруі үшін сендер қандай әрекеттер жасар едіңдер?
3-тапсырма: Мысалы: Айдос пен Жандосты сыныптас құрбылары араларына қоспайды.Сендер көпшіл болсаңдар,оларды қалай қосар едіңдер?
4-тапсырма: Бір үйдің балалары бірлікте,тату болуы үшін не істеулері керек?
-Мінеки қайықты құрастырдық.Қайықпен теңізде жүзіп барамыз.
Мәтінмен жұмыс.
«Ырыс алды-ынтымақ» аңызы оқылады.
Талдау сұрақтары:
Қария балаларына бірліктің мәнін қалай ұғындырды?
"Бірлік болмай,тірлік болмас" деген мақалды қалай түсінесіңдер?
Дәптермен жұмыс.
-Балалар,алдымызда кездескен үлкен қара тасты бәріміз бірлесіп,жолдың шетіне шығарып тастай аламыз ба? Оны орындау үшін дәптердегі ребусты бәріміз бірге шешейік.
Шешуі: Жұмыла көтерген жүк жеңіл
-Енді тасты жолдың шетіне шығарып тастайық./шығарылады,ребустың шешуі оқылады/.
Қорытынды: Ғажайып сөздер.
Шеңберге тұрып,тақтадағы ғажайып сөздерді хормен айтып,сабақты аяқтаймыз.
Доспыз,тату боламыз,
Бір-бірімізге көмектесеміз.
Бірлесіп еңбек етеміз,
Бірлікте,күшімізді бірге жұмсаймыз.