«Шалқан» ертегісін сахналау

«Шалқан» ертегісін сахналау Тақырыбы: «Шалқан» ертегісі. Мақсаты: Балаларға ертегіні мұқият тыңдауға, сұрақтарға дұрыс жауап беруге дағдыландыру,ертегіге деген қызығушылығын арттыру. Байланыстырып сөйлеуге үйрету. Әдіс-тәсіл: көрсету, түсіндіру, сұрақ-жауап, жұмбақ, мадақтау. Көрнекі құралдар: ертегі кейіпкерлерінің суреті, фланеграф тақта, атрибуттар, DVD, теледидар. Барысы: балалар, қане, бері қарайық, көңіл-күйіміз жақсы болсын деп бір-бірімізге шаттық жылуын сыйлайық Шаттық шеңбері: Үлкенге де сіз, Кішіге де сіз Бар адамды құрметтеп. Бас иеміз біз. Тәрбиеші: Балалар мен сендерге жұмбақ жасырайын, тауып көріңіздер. 1.     Ақ сақалды, ақ шашты Әкемнің ол әкесі Кім болады ол саған (ата) 2.     Аймалайды күнім деп, Мейірімді жүзі күлімдеп Тәтті-ақ дейді немере Бал шырындай үнің деп. Ол кім? (әже) 3.     Түнде жортады Мысықтан қорқады. (тышқан) 4.     Өзі жап-жас, мұрты бар        Ет пен сүтке ұмтылар        Тастамайды жылы үйде        Түкті тонын шұп-шұбар. (мысық) Дұрыс балалар, енді осы кейіпкерлердің бәрі қатысатын «Шалқан» деген ертегіні айтып беремін. Әрі теледидардан суреті шығады.Балалар енді біз рөлге бөлініп ойнаймыз. Шалқан-Саян Ата-Әбдіманап                    кемпір, кемпір, кел Әже-Нұржамал                   қызым, қызым, кел   Немере қыз-Меруерт         күшігім, күшігім, кел Күшік-Нұрбек                     мысығым, мысығым, кел  Мысық-Әдемі                     тышқан, тышқан, кел. Тышқан-М.Ернұр  Сергіту сәті: Қорбаңдаған аюдың, құлпынайы көп екен Теріп, теріп, алайық, қалтамызға салайық. Тәрбиеші: Балалар, біз қандай ертегіден көрініс көрдік? Фланеграф тақта ілінеді. Сұрақтар қойылады. Жауап айтылған сайын тақтаға сурет ілінеді. 1.     Атай не екті?                                              Шалқан 2.     Шалқанды жұлуға бірінші кім келді       Атай 3.     Атай көмекке кімді шақырды?                Кемпірді, әжені 4.     Әжей көмекке кімді шақырды?               Немере қызын 5.     Қызы көмекке кімді шақырды?               Күшігін 6.     Күшік көмекке кімді шақырды?              Мысықты 7.     Мысық көмекке кімді шақырды?            Тышқанды Дұрыс, балалар, сендер жақсы жауап бердіңдер. Енді «Кім тапқыр» деген ойын ойнаймыз. Мақсаты: Балалардың есте сақтау қабілетін арттыру, қызығушылығын ояту, тапқырлығын таныту.  Балалар, сендер көздеріңді жұмыңдар. Мен бір кейіпкерді алып тығып қоямын. Сендер қай кейіпкердің  жоқ екенін айтасыңдар. Дұрыс, балалар, жарайсыңдар ойынға өте жақсы қатыстыңдар. Біз қандай ертегі өттік. «Шалқан» ертегісі дұрыс. Сендер барлықтарың жақсы қатыстыңдар. Сұрақтарға жауап бердіңдер, жарайсыңдар. Сол еңбектеріңе қарай сыйлық үлестірейін. Осымен сабағымыз аяқталды.